Көрме • 17 Сәуір, 2023
«Періште ізі» – шебер мен шәкірт тартуы
Ата-бабадан мұра болып келген төрт түліктің падишасы жылқы жануарының Ә.Қастеев атындағы өнер музейінің кең залына үйір-үйірімен жосыла келген сәтін алматылықтар алғаш рет көрді. «Ішсе – сусын, жесе – азық, мінсе – көлік» Қамбар ата түлігі қылқалам шеберлерінің суреттеуінде әр қырынан ашылып, бір тақырыпты жырлаудың мұншама мол бай үлгісіне еріксіз тәнті болды. Жағалата ілінген картиналардағы мөлдіреген жылқының жанарына қараған адамның бойына қанат бітіп, жүрегінде рух оянды. Бауыр еті баласына «құлыным» деп еміренген қазақ пен жылқының ортақ қасиетін, жақындығын сезіндірген көрме «Izder Iv/Періште ізі» деп аталады.
Өнер • 12 Сәуір, 2023
А.Селезнев атындағы Алматы хореографиялық училищесі хореографиялық оқу орындары арасындағы VIII «Өрлеу» халықаралық байқауын өткізді. Бұл халықаралық байқау әлемнің жетекші балет мектептері арасындағы халықаралық байланысты дамытып, нығайту мақсатында 2008 жылдан бері ұйымдастырылып келеді.
Сұхбат • 05 Сәуір, 2023
Есетжан ҚОСЫБАЕВ: Бізге Кинематография комитеті керек
Наурыз айының басында Ұлттық киноны қолдау мемлекеттік орталығы ұлттық фильмдер деп танылуға үмітті киножобаларды іріктеу үшін кезекті, атап айтқанда бесінші рет өтінімдер қабылдауды жариялады. Орталық жұмысындағы жаңалықтарды бөліскен «ҰКҚМО» КеАҚ басқарма төрағасы Есетжан Қосыбаевпен жүргізілген әңгімеде талқыланатын мәселелер ауқымы әлдеқайда кең екені аңғарылды.
Театр • 31 Наурыз, 2023
Республикалық шеңберден шығып, халықаралық деңгейді қамтып, театр өнері мен сахнадағы жетістікті баяндап, бақ сынайтын ауқымды фестивальдердің аламаны алдымен өз шағын алаңын бағындырудан басталып жатады. Бұл бәйгенің бәрі өз өнерін өзгемен салыстырып, жаңашылдыққа ұмтылып, тәжірибе алмасып, біртұтас өнер кеңістігін жасау үшін маңызды да. Ғ.Мүсірепов атындағы Қазақ мемлекеттік академиялық балалар мен жасөспірімдер театры биылғы маусым кезеңін биік жетістіктермен түйіндегенін 5-рет өткізіліп отырған «Алтын сақа» театрішілік фестивалімен көрсетті. Алғаш 2016 жылы «Алтын сақа» балалар спектакльдерінің бәйгесі болып бастау алып, жаңа қойылымдардың театрішілік фестивалі деп жалғасын тапқан бұл фестиваль төрт жыл қатарынан өткен соң әлемдік пандемия салдарынан тоқтап қалып, араға үш жыл салып, биыл театрмен қайта қауышты. Театрдың 70-ке тарта әртісі арасында бір жыл аясында сахналанған спектакльдегі рөлдер бойынша жүлделер сарапқа салынып, түрлі арнайы аталымдар бойынша жүйріктер анықталып, ақшалай және арнайы дипломдармен марапаттайтын үміт пен шабыт сыйлайтын шығармашылық дәстүр бұл.
Өнер • 30 Наурыз, 2023
Түркітілдес халықтардың мәдениеті мен өнерін дамыту халықаралық ұйымы 2023 жылды «Темірбек Жүргенов жылы» деп жариялағаны белгілі. Осыған сәйкес, есімі мен еңбегі қазақ халқына ғана емес, Орталық Азия халықтарына ортақ бірегей тұлғаны ұлт болып ұлықтау іс-шараларын республикалық, халықаралық деңгейде ұйымдастыру қолға алынып, жыл көлемінде Темірбек Жүргеновтің өмірі мен шығармашылығын кеңінен насихаттаудың жобалары бекітілді.
Театр • 30 Наурыз, 2023
Халықаралық Театр күні мерекесі көктеммен, жақсылықтың жаршысы, жаңа жылдың бастауы Наурызбен бірге келіп жетеді. Асыра айтқандық емес, елдегі ең ескі театрлардың бірі, алдағы жылы торқалы тоқсан жасын қарсы алғалы отырған Алматы Мемлекеттік Қуыршақ театры балаларға арналған барлық өнер мекемелерінің ішіндегі маңдайалдысы. Театрдың киім ілгіштен басталатынын бәрі біледі, бірақ шымылдық сыртындағы сахна өмірі екінің біріне құпиясын аша бермейді. Кішкентай көрерменнің көз алдында әлемді сиқырға айналдырып жіберетін сирек мамандық иелері кәсіби мерекесіне орай кішкентай көрермендері мен баспасөз өкілдерін шақырып, арнайы таныстыру турын жасады. Тілшілерді шақырып, таныстыру мақсаты – жұмбақ әрі тылсымға толы Қуыршақ театры жұмысының көп қырлы екенін көрсету.
Өнер • 20 Наурыз, 2023
Қоңырқожаның төрт тарланы – ұлттық өнердің аласармас биігі
Қазақ киносының төлқұжатына айналған әйгілі «Қыз Жібек» фильмін түсірген Сұлтан Қожықовтың отандық киноны дамытудағы еңбегі өз алдына, ол шыр етіп дүниеге келген дегдар отбасы шығармашылық ордасына айналып, ұлттық өнерді өрге сүйреген тарпаң таланттардың ұясы болғаны сөз орайы келгенде айтылып қалатыны болмаса, әулеттің рухани әлеуетінен қалың жұрт тегіс хабардар деп айту қиын.
Қоғам • 14 Наурыз, 2023
Алматыдағы Орталық мемлекеттік музей алғаш рет дәмі тіл үйіретін тәтті торттардың топтамасын көпшілікке тарту етті. «Торт музейі» аталатын көрмеде бармағынан алматылық бал тамған кондитерлердің эксклюзивті авторлық торттары топтастырылған. Көрмеге қатысқан жергілікті шеберлер түрлі дизайндағы, алуан пішін мен өлшемдегі 40-тан астам торттың түрін жасауға ниет білдіріп, тәттіні нағыз өнер туындысына айналдырған.
Театр • 09 Наурыз, 2023
Елдегі театрлардың жағдайы қалай?
Ұлттық театрдың туған күні төңірегінде талас күні бүгінге дейін толастамай келе жатса да, театрдың туған күні Жүсіпбек Аймауытовтың режиссерлігімен Семейде сахналанған «Біржан – Сара» айтысынан бастау алатыны туралы аға буын өнер зерттеушілері Бағыбек Құндақбайұлы мен Әшірбек Сығай айтып та, жазып та өтті. Ақпан айына дәлме-дәл келетін осы атаулы күнмен театр өнеріне байланысты игі шаралардың молынан атқарылып жататыны да сондықтан болса керек. Бір басынан бірде өркендеу кезеңін, бірде құлдырау шағын өткеріп келе жатқан ұлттық драма театрларының шығармашылық жағдайын сүзгіден өткізіп, жетістігі мен кемшілігін қатар саралап отырған Қазақстан Театр сыншылары бірлестігі төрт жылдан бері жемісті жұмыс істеп келеді. Айтулы күннің аясында театр сыншылары бас қосып, былтырғы театр фестивальдерінің ерекшеліктері, сахналық қойылымдардың көркемдік сапасы туралы сөз қозғап, бүгінгі қазақ театр режиссурасындағы ізденістер мен іркілістер туралы келелі әңгіме өрістеткен еді.
Қоғам • 03 Наурыз, 2023
«Корё ильбо» – корей диаспорасының жылнамасы
Аудармасына «Авангард» деген мағынаны айшықтап, «Сенбон» атауымен жарық көрген «Корё ильбо» газеті – бүгінгі ұлттық журналистикадағы байырғы басылымдардың бірі. Корей және орыс тілдерінде жарық көретін басылым жүз жыл бойы Қазақстанды мекендеген корейлердің жылнамасын жазатын жалғыз ақпарат көзі және байланыс құралы болып қызмет етіп келеді. Корей халқының тілін, ұлттық құндылықтарын, жазуын, мәдениетін сақтап қалуда газет маңызды рөлге ие болды.