Қоғам • 07 Наурыз, 2022
Қаңтардағы қорқыныш құрсауындағы үш күнде кеудесін танкке төсемей-ақ, ұлттың рухани байлығын қазақ әйеліне тән кішіпейіл мінезімен, аналық мейірімімен қорғап, жанығып келген жау пиғылды жанкештілердің бетін қайтарған Орталық мемлекеттік музей директорының орынбасары Бибігүл Дәндіқарақызы бірер күннің ішінде бүкіл Қазақстан халқы танитын батыр қызға айналды.
Театр • 03 Наурыз, 2022
«Сыншылар жүлдесі» сахна саңлақтарына тапсырылды
Өнер атаулының төресі – театр. Шекспир заманынан бері бес ғасырға жуық өміршеңдік танытып келе жатқан бұл талассыз шындық ескіргеннің орнына, уақыт қойнауына қатпар-құпиясын жасырып, мәңгі жас, жасампаз, жанды өнер екенін дәлелдеумен келеді. Өнер үшін жанын пида етуге әзір жанкештілер еңбегінің дер кезінде бағалануы маңызды, ал кәсіби сыншылардың назарын аударып, әділ бағасын алса, бұл – нағыз жеңіс.
Кино • 01 Наурыз, 2022
21 фильмнің тағдыры – көрерменнің қолында
Шешімінің табылуы тұйыққа тіреле берсе де, «Қазақстан кинематографиясы қайда бет алып барады, деңгейі қандай?» деген сұрақтың қоғам алдында бір қойылуы ескі әдет, қалыпты дағды. Ал оның деңгейіне түсірілген фильм ғана өлшем бола алады.
Аймақтар • 01 Наурыз, 2022
Мемлекет басшысы Қасым-Жомарт Тоқаев 2022 жылды «Балалар жылы» деп жариялады. Ұлт сапасын арттырудың басты тетігі ана мен баланы қолдау мемлекеттік саясаттың басты бағыттарының бірі болғандықтан, бала дүниетанымын ұлттық рухта қалыптастыру шараларын белсенді ұйымдастыру бәрінен де өзекті. Алматыдағы Мемлекеттік орталық музейде ашылған «Балалық шақ – патшалық тақ» этнокөрмесі осы мақсатты арқалағанымен, бала санасына әсері күшті бірегей көрменің мәні тым терең.
Әдебиет • 28 Ақпан, 2022
Ұлттық әліпбидің авторы, ағартушы-ғалым Ахмет Байтұрсынұлының кең көлемде аталып өтіп жатқан мерейтойында жоспарланған айтулы шаралардың бірі «Ұлт ұстазы» кітабының алғашқы тұсаукесері Түркия төрінде өтіп, көпшілікке жол тартты.
Өнер • 28 Ақпан, 2022
Әбілхан Қастеев атындағы Мемлекеттік өнер музейінде белгілі суретші Алмас Нұрғожаевтың «Өткел» атты көрмесі ашылды. Тынымсыз ізденісінен танбай, өзіндік дара қолтаңбасын қалыптастырып үлгерген Алмас жаңа көрмесін ұстазы Игілік Құлбаевтың рухына арнаған. Экспозицияда мазмұны жағынан мағыналас жаңа жеті триптих топтастырылған.
Аймақтар • 24 Ақпан, 2022
Алматы қаласындағы Мәжит Бегалин атындағы №120 мектеп-гимназияда «Қазақфильм» киностудиясының қолдауымен белгілі кинорежиссердің 100 жылдық мерейтойына орай салтанатты жиын өтіп, соңынан концерт ұйымдастырылды.
Өнер • 20 Ақпан, 2022
Театр сыны сахнаға серпін беріп отыр ма?
Театрдың басты өнімі – спектакль. Өнімнің маңызы мен сапасын актер де, көрермен де, министр де білмеуі мүмкін. Жаңа сахна туындысының өнер мен қоғам алдындағы салмағын тек бір адам бәрінен гөрі тереңірек салмақтап, анықтай алады. Ол – театр сыншысы. Сахна өнері қайда бағыт алып барады? Ол көрерменге не ұсынып отыр? Қоғам тынысын сезе ме? Өнертану докторы, профессор Бақыт НҰРПЕЙІС, өнертану кандидаты, доцент Аманкелді МҰҚАН, өнертану кандидаты, доцент Анар ЕРКЕБАЙ, өнертану кандидаты, доцент Меруерт ЖАҚСЫЛЫҚОВА, өнертану кандидаты, доцент Зухра ИСЛАМБАЕВА, өнертану магистрі Айзат ҚАДЫРАЛИЕВА қатысқан дөңгелек үстел басындағы әңгіме театр сыны тақырыбына арналып, мамандар өз кәсіптеріне байланысты айтылып жүрген өзекті жайттарды саралады.
Кино • 17 Ақпан, 2022
Юрий Померанцевтің жұлдызы жанды
«Қазақфильм» киностудиясының аумағында аты аңызға айналған кинорежиссер, КСРО халық әртісі Шәкен Аймановтың туғанына 108 жыл толуына орай ескерткішіне гүл шоқтары қойылып, жақында ғана 99 жасқа толған Қазақстанның халық әртісі, Мемлекеттік сыйлықтың лауреаты, Қазақстанның Еңбек Ері Юрий Померанцевке арналған ескерткіш жұлдыздың салтанатты ашылуы өтті. Денсаулығына байланысты айтулы шараға Юрий Борисовичтің өзі қатыса алмады.
Кино • 16 Ақпан, 2022
«Берлинале – 2022»: Қазақстан фильмдері қалай таныстырылды?
Таяуда 72-Халықаралық Берлин кинофестивалінің және оның аясында өтетін Еуропалық кинонарықтың (EuropeanFilmMarket) ашылуы болды. Біздің еліміз үшін бұл іс-шара шын мәнінде бірегей, себебі, Қазақстан алғаш рет халықаралық сатып алушыларға 30-дан астам фильмнен тұратын топтаманы ұсынып отыр. Ұлттық киноны қолдау мемлекеттік орталығы өз стендінде осындай ауқымды қазақстандық кино өнімдерінің санын қамтыды.
