Өндіріс • 16 Тамыз, 2023
Қызылордадағы жеті ауданның ішінде көршілес Түркістан облысымен шектесіп жатқан Жаңақорғанның жөні бөлек. Облыстағы төрт түліктің жартысына жуығы – осы аймақта. Жаңақорғанмен іргелес Шиелі ауданы климаты өзгеше болғандықтан, егін де басқа өңірлермен салыстырғанда ерте егіледі. Қаратау етегіндегі бұл аймақтың жері бау-бақшаға аса қолайлы. Осыдан да бұл ауданда ризығын қара жерден айырып, агросалада жаңалық жасап жатқандар көп.
Жастар • 14 Тамыз, 2023
Осы күні аға буын арасында жастарға көңілі толмайтындар көп. «Баяғыда біздің кезімізде...» деп басталған әңгіменің соңы кейінгі толқын өкілдерін тұқыртумен аяқталарын сезіп отырасыз. Бірақ бажайлап қарасаңыз, қазіргі жастардың да жарқын істің басында жүргенін көрер едік. Оған келтіретін мысалымыз да көп.
Қоғам • 10 Тамыз, 2023
Қызылордада суға шомылу маусымы ашылысымен айдын жағалауын бақылап, адамдардың суға кетіп қалмауын қадағалайтын, оқыс оқиғалардың алдын алуға тиісті құрылым мамандары үшін мазасыз тірлік басталады. «Жалақы алып отырған жұмыстары ғой...» деуіңіз мүмкін. Бірақ талай мәрте тұңғиыққа батып бара жатқан жандарды құтқарып қалған бұларға құлақ асатындар аз.
Аймақтар • 08 Тамыз, 2023
Тірлігі қайта түлеген Барсакелмес
Әйгілі Барсакелмес қорығының іргесіндегі Қаратерең ауылынан ертелете шықтық. Күн арқан бойы көтерілгенше, біз мінген көлік ойлау жерден орғытып, қырлау жерден қарғытып біраз жерге ұзап кеткен. Кенет алда отырған жолбасшымыз Арман Жылқайдаров: «Әне, құлан!» деп саңқ ете қалды. Көлікті едел-жедел тоқтатып, жерге түскенімізше, бір үйір түз тағысы шаңдатып ұзай берді. Басын кегжитіп алған айғыры бізге анадайдан осқырына қарайды. Қасқақұландағы инспекторлар мекеніне жеткенше, саяқ жүргендері алдымыздан әлденеше рет кесіп өтті.
Аймақтар • 03 Тамыз, 2023
Облыс орталығының іргесіндегі Сырдария ауданы – тіршілігі түзу байырғы мекеннің бірі. Жыл сайын мұндағы әлеуметтік маңызы бар нысандар қатары артып, құрылыс саласы айтарлықтай дамып келеді. Биыл бұл салада құны 7,4 млрд теңге болатын 62 жоба жүзеге асырылып жатыр. Бұған қоса жол жөндеуге қатысты жобаларға 1 млрд теңге бөлініп, 14,3 шақырым жол қайта жөнделмек.
Қоғам • 31 Шілде, 2023
Тығырыққа тіреген су тапшылығы
Сырдағы шаруалардың бүгінгі басты уайымы дария арнасының төмендеуі болып тұр. Кейінгі үш-төрт жылдан бері егін және мал шаруашылығымен айналысатындарды алаңдатып келе жатқан мәселе биыл тіпті тығырыққа тіреп қойды. Ерте көктемде су молайып, арнадағы артық су көптен кенезесі кеуіп жатқан көлдер жүйесіне жіберілгенін көрген жұрт «Бұйырса биыл қиналмаспыз», деп қуанысқан еді. Бірақ вегетациялық кезеңде Шардара су қоймасына болжанған су түспей, «Үйдегі есепті базардағы нарық бұзадының» кері келді. Амалы таусылған диқандар облыстық кәсіпкерлер палатасында сала мамандарымен кездесіп, мәселені шешудің жолдарын іздеді.
Қоғам • 24 Шілде, 2023
Қазір полицейлер алдындағы үлкен міндеттің бірі – халық сеніміне ие болып, елмен етене жұмыс істеу. Жұртпен алғаусыз араласқанда ғана азаматтардың сала қызметіне жүгінуі барынша жеңілдейді. Бұл қауіпсіз қоғам қалыптастыра отырып, түрлі құқық бұзушылықтардың алдын алудың басты шарты. Облыстық полиция департаментінің бастығы, полиция генерал-майоры Мақсұтхан Әбіләзімовтің ел алдындағы есебінде осы бағытта атқарылып жатқан шаралар жайлы айтылды.
Жастар • 20 Шілде, 2023
Қызылордалық жастар 5 жылда 11 отбасыға баспана сыйлады. Оған қажетті жер телімін жергілікті әкімдік үлестіріп берген. Осылайша, мақсат пен мүддесі бір 150-ге жуық азамат елдің өсіп-өркендеуіне өзінше үлес қосып жатыр.
Қоғам • 19 Шілде, 2023
Үлгілі елді мекендерге техника табысталды
Қызылордада өткен жылы қаланы абаттандыру, елді мекендерді дамыту, ауыл тұрғындарына жайлы орта жасау бағытындағы «Үлгілі елді мекен» облыстық конкурсы жарияланған еді. Тұңғыш өтетін конкурстың талаптары кеңінен таныстырылып, бұқаралық ақпарат құралдарында насихатталды. Үздіктерді азаматтық қоғам өкілдерінен, депутаттардан, журналистер мен экобелсенділерден құрылған тәуелсіз сарапшылық комиссия анықтап, шешім қабылдады. Жуырда қала орталығындағы «Достық үйінде» облыс әкімі Нұрлыбек Нәлібаев байқау жеңімпаздарын марапаттады.
Аймақтар • 14 Шілде, 2023
Қызылордадағы өңірлік коммуникациялық орталығында брифинг өтіп, мамандар Конго-Қырым геморрагиялық қызбасының алдын алу бағытындағы шаралар туралы баяндады.
