Аймақтар • 11 Қараша, 2021
Өскеменде аулаларды абаттандыру жалғасуда
Соңғы жылдары Өскеменде көлік нөпірінің көбеюіне қарай жолдарды кеңейту, оң жаққа қосымша бұрылыстар жасау сынды жұмыстар қолға алынған. Сондай-ақ үш жыл қатарынан бірқатар аулалар абаттандырылып, автотұрақтар да кеңейтілді. Тек 2021 жылы ғана 27 аула жаңартылса, үш жыл ішінде 92 аула аумағы абаттандырылған екен.
Аймақтар • 10 Қараша, 2021
«Бір қабатты Шығыстың» шарапатын көріп отыр
Облыста 2020 жылдан бастап «Бір қабатты Шығыс» өңірлік жобасы қолға алынып, әр ауданда тұрғын үйлер бой көтере бастаған. Әлеуметтік тиімді жоба аясында бірқатар отбасы баспаналы болып, қуанышқа кенеліп жатыр. Былтыр облыс көлемінде 520 мың шаршы метр тұрғын үй пайдалануға берілсе, биыл 560 мың шаршы метр үй салынып бітуге тиіс.
Экология • 09 Қараша, 2021
Кезекті рейд. Табиғатты қызғыштай қорып жүрген инспекторлар тікұшақпен Марқакөлді маңдайға алды. Президент Қасым-Жомарт Тоқаев екі жыл бұрын Марқакөлдегі браконьерлікті ауыздықтап, уылдырығы бағалы майқан (ускуч) балығын қатаң қорғауды тапсырған. Содан бері рейдтік жұмыстар күшейтіліп, браконьерлік сап тыйылды. Қазір балығы көл бетінде тайдай тулайды. Десе де, бақылау босаңсыған емес.
Коронавирус • 09 Қараша, 2021
Балалар мен жасөспірімдерге де вакцина салынады
Етіміз үйреніп кеткендіктен бе, коронавирус инфекциясына назар аударуды қойдық. Санитарлық талаптарды сақтауды да ұмыттық. Алайда індеттің беті қайтқан емес. Облыс бірде «қызыл», бірде «сары аймаққа» енеді. Соңғы тәулікте індет жұқтырған 64 адам тіркелген.
Аймақтар • 02 Қараша, 2021
Оқушылар қашанғы балабақшада оқиды?
Қабырғасы қаусап тұрған балабақшаның ғимаратында қазақ балаларының білім алып келе жатқанына жиырма жылдан асты. Сыныптары қараңғы, суық. Орта мектептің ғимараты санитарлық талаптарына мүлдем сай емес.
Өнер • 02 Қараша, 2021
Шығыста өтіп жатқан «Дала дидары» өнер фестивалі таланттарды танытатын, өнерді өрге сүйрейтін тың жобалардың бірі. Облыстық Өнер музейі қабырғасында ұйымдастырылған бұл жолғы эстафетаны Жарма ауданы мен Курчатов қаласының қылқалам шеберлері, әнші-күйшілері жалғастырды.
Экология • 26 Қазан, 2021
Өзенді ластағандар жауапқа тартылды
«Халық үніне құлақ асатын мемлекет» тұжырымдамасы деген осы. Ай бұрын Күршім, Марқакөл өңірінің тұрғындары Қалжыр өзенін алтын қазушылар бей-берекет ластап жатқандығын айтып, шыр-пыр болған. Мәселе әлеуметтік желіде көтеріліп, қоғамдық резонанс тудырды. Елді алаңдатқан жағдайға Президент Қасым-Жомарт Тоқаев назар аударып, тиісті органдарға дереу шешуді тапсырған. Нәтижесінде, табиғатқа залал келтіргендер жауапқа тартылды.
Фотогалерея • 23 Қазан, 2021
Алтай – Өскемен арасы, мінезді асу, қарашы
Кеше ғана суретшінің палитрасындай сан түрге боялып тұрған Шығыстың табиғаты жүдеңкі... Алмағайып бұл мезгілде жолға шығудың өзі қызық. Қызық әрі қауіпті. Бір асуда қар бұрқасындатып тұрса, қозы көш жерде қою тұман көзді байлайды. Саусақ ұшы көрінбес тұманды «фарымен» тесіп, көліктер қайшыласады.
Оқиға • 22 Қазан, 2021
Ұлттық парк құрылғалы түз тағыларының саны артқан. Әдетте етекке түспейтін аңдар ауыл ішіне кіріп кететінді шығарды. Кеше де Катонқарағай ауылында тұрғындар қоңырдың қонжығын көрген. Өткенде ғана тайыншадай аю емін-еркін ауыл іргесінде жайылып жүргенін естігенбіз.
Аймақтар • 20 Қазан, 2021
Қалаларды қалың тұман басып тұр
Төртінші күн Өскемен, Семей, Риддер қалаларын қалың тұман басып тұр. Қол созым жер көрінбейді. Тұманды күндерді пайдаланып, зауыттардың түтіні ауаға зиянды қалдықтарды мөлшерден тыс шығарып жатқан жоқ па? Бұл – көптің көңіліндегі сұрақ.
