Білім • 30 Қараша, 2021
Еліміздің Білім және ғылым министрлігі еңбек нарығында қажеттілігі мүлдем аз 50 мамандық бойынша колледждерге қабылдауды тоқтатып, керісінше оқу процесіне сұранысқа ие мамандықтар негізінде жаңа білім беру бағдарламалары енгізілетінін хабарлады. Бұл еліміздегі техникалық және кәсіптік білім беру ұйымдарының жұмысын еңбек нарығына сай, жұмыс берушілердің ұсыныстары мен сұраныстарын ескере отырып реттеуге бағытталған тиімді қадам. Өйткені техникалық және кәсіптік білім беру бағдарламалары мен оқытылатын мамандықтарды жұмыс берушілердің заманауи сұраныстарына сәйкестендіру бүгінгі күннің басты мәселесіне айналды.
Аймақтар • 19 Қараша, 2021
Ел Тәуелсіздігінің 30 жылдығы мен «Рухани жаңғыру» бағдарламасы аясында Ақтөбеде «Тұғырлы Тәуелсіздік» атты республикалық ақындар айтысы өтті. Жыр сайысына Қазақстанның Еңбек Ері Асанәлі Әшімов қазылық етсе, екі күнге созылған шешендік өнердің бәйгесін ҚР Еңбек сіңірген қайраткері Жүрсін Ерман жүргізді.
Аймақтар • 19 Қараша, 2021
Таяуда Хромтау ауданында мал ұрлығымен айналысып жүрген екі топ ұсталды. Қылмысқа күдіктілер елсізде жайылып жүрген ірі қара, жылқыларды сойып, еттерін Ақтөбе қаласында өткізіп отырған. Мал ұрлығымен айналысушылар негізінен өрісте бақылаусыз жайылып жүрген, иелері жиі бақылай бермейтін сиыр, жылқыларды ұрлап келген.
Аймақтар • 17 Қараша, 2021
Биыл «Ауыл – ел бесігі» мемлекеттік бағдарламасымен Әйтеке би, Хромтау аудандарында көптеген әлеуметтік жоба іске асырылса, оның ең басында елді мекендерді газдандыру жұмыстары тұр. Сондай-ақ биылғы шілдеде Ырғыз ауданының Құрылыс, Ақши, Шеңбертал елді мекендеріне, ал қазанда Мұғалжар ауданының Жұрын, Елек ауылдарына газ құбыры тартылды.
Коронавирус • 16 Қараша, 2021
Соңғы тәулікте Ақтөбе облысында 15 адамның коронавирус індетіне шалдыққаны тіркелсе, оның 12-сі ересек адамдар арасында, ал 3-еуі балалар арасынан анықталды. Соның ішінде Ақтөбе қаласында – 9, Мұғалжар ауданында – 3, Хромтау ауданында – 1, Шалқар ауданында 2 жағдай тіркелсе, басқа аудандарда КВИ науқастары тіркелген жоқ. Сондай-ақ 53 адам оқшауланды. Бұл туралы облыстық санитарлық-эпидемиологиялық бақылау департаменті басшысының орынбасары Мұхтар Сербаев брифингте баяндады.
Аймақтар • 04 Қараша, 2021
Елді мекендерді газдандыру, жол құрылыстары, спорттық нысандар мен тұрғын үй салу жағынан өңірдегі он екі ауданның арасынан Мұғалжар ауданы көш бастап тұр. Өңір басшысы Оңдасын Оразалин, еңбек ардагерлері мен облыстық мәслихаттың депутаттары бастаған топ осы ауданның алты елді мекенін аралап, жұртшылықпен жүздесті. Сапар барысында құрылысы жүріп жатқан «Ақтөбе-Қандыағаш» тасжолының жөндеу жұмыстарын да көріп қайттық.
Аймақтар • 29 Қазан, 2021
Жаңғақ қабығынан ыдыс жасап шығарды
Ақтөбе қаласындағы Назарбаев зияткерлік мектебінің 11-сынып оқушысы Жадыра Амангелдиева грек жаңғағының ұнтақталған қабықтарынан ыдыс жасап шығарды. Табиғи таза өнімнен жасалған жаңалығы үшін оқушы авторлық құқық куәлігін де алды.
Руханият • 20 Қазан, 2021
Ақтөбеде «Әдебиет. Рух. Қоғам» әдеби форумы болды. Осымен үшінші жыл қатарынан өткізіліп келе жатқан форум жұмысына Қазақстан Жазушылар одағының төрағасы Ұлықбек Есдәулет, ақындар Бауыржан Жақып, Елена Әбдіхалықова, жазушы Мереке Құлкенов, композитор Қалдыбек Құрманәлі, Мәдениет және спорт министрлігінің өкілдері мен өңірдегі әдебиетсүйер қауым қатысты.
Қоғам • 20 Қазан, 2021
Мектеп жасына жете қоймаған бүлдіршіндердің ой-өрісінің дамуы мен ұлттық таным-түсінігінің кеңеюіне ықпал ететін «Жеті ойыншық» жобасының алғашқы ойыншықтары өңірдегі 40 балабақшаға жетті.
Өнер • 14 Қазан, 2021
Ақтөбелік дизайнер Малика Дүйсенбаева «Қазақстанның 100 жаңа есімі» жобасында мәдениет және спорт аталымы бойынша жеңімпаз атанды. Ұлттық стильдегі киім дизайнері әрі он саусағынан өнер төгілген тігінші осы жалпыұлттық жобада бақ сынамас бұрын қазақтың оюлы-сәнді ұлттық киімдерін әлемдік сахналарда таныстырып, бірнеше рет республикалық, халықаралық сән байқауларының жүлдегері атанған. Маликаның қолынан шыққан бойжеткендерге арналған ұлттық нақыштағы заманауи дизайнмен қабысқан әдемі көйлектер әлемге жақсы тарап жатыр.
