Жоба • 22 Қараша, 2023
«Дипломмен – ауылға!»: Бағыты оң бағдарлама
Бір кездері тәуір танылып, кейін көмескіленіп кеткен «Дипломмен – ауылға!» бағдарламасы қайта жаңғыра бастады. Аталған бағдарлама көмегімен осы күнге дейін 40 мыңға жуық маман елді мекендерге жұмысқа барып, баспаналы болыпты. Биыл «Отбасы банк» бағдарлама операторы болып ресми бекітілгеннен кейін өтінім қабылдау, жастардың жұмыс және баспана мәселесін шешу процедурасы мейлінше жедел әрі сапалы бола түсті. Бағдарлама жұмысы үшін бөлінген 20 млрд теңгенің 50 пайызы игеріліп, 2 мың займ берілді.
Инвестиция • 22 Қараша, 2023
Инвестициялық табыстың игілігін көреді
Биыл 1 қазандағы есеп бойынша зейнетақы активтерінің жалпы көлемі 17,2 трлн теңгеден асты, бұл былтырғымен салыстырғанда 22,1 пайызға артық. Осы ретте Ұлттық банктің сенімгерлік басқаруындағы БЖЗҚ зейнетақы активтері 99,9 пайыз болды. Зейнетақы активтерін сақтау және табыстылықты қалыптастыру үшін Ұлттық банк өзінің инвестициялық портфелін үнемі әртараптандырады. Яғни активтер белгілі бір көлемде үйреншікті қаржылық құралдарға салынбайды, жағдайды ескере отырып жүйелі түрде өзгеріп отырады.
Қаржы • 15 Қараша, 2023
Ұлттық валюта және банк секторы бүгіні мен келешегі
Мерейтой қарсаңында теңге және банк секторының ахуалын білікті сарапшылармен бірге талқыладық. Талқыға отандық бірнеше қаржы институтында жұмыс істеген білікті қаржыгер Асқар Елемесов, тәуелсіздіктің алғашқы жылдарында отандық банк секторының аяққа тұруына елеулі еңбек сіңірген Берлин Иришев, қазіргі уақытта экономика және қаржы тақырыптарында сауатты сараптама жасап, нарық үрдістерін дәл байқап жүрген сарапшы Айбар Олжай және төл валютаның күн сайынғы әрекетін кірпік қақпай бақылап, оқырмандарын қаржы сауаттылығы мен ақша нарығындағы ахуалмен хабардар етіп жүрген Андрей Чеботарев қатысты.
Банк • 14 Қараша, 2023
S&P: Банк секторындағы мүмкіндіктер шектеледі
Банк секторындағы цифрлану үрдісі келер жылы да негізгі тренд болып қала береді, сонымен қатар банктер 2024 жылы рекордты табысқа қол жеткізуі мүмкін. Бұл туралы S&P Global Ratings рейтинг агенттігі мәлімдеді. Агенттік есебінше, алдағы уақытта банктердің 15-17 пайыз жиынтық шығыны цифрлы трансформацияға бағытталады. Бұл шығындардың бір бөлігі жеке деректерді қорғау және киберқауіппен тікелей байланысты.
Сараптама • 13 Қараша, 2023
Біз негізінен шикізат экспорттаушы ел болғандықтан, әлемдік аренадағы кез келген жағдайға, әсіресе мұнай бағасына әсер етуі ықтимал оқиғалардың өрбуіне айрықша құлақ түріп қаламыз. Таяу Шығыстағы қақтығыстың тым ауқымды сипат алып кетуі, тіпті, Ресей-Украина қақтығысының өзін көлеңкеде қалдырғандай. Мұнайдың әлемдік бағасына да әжептәуір әсерін тигізді.
Инфляция • 07 Қараша, 2023
Жылдық инфляция өсімі баяулады
Елімізде жылдық инфляция қазан айының қорытындысы бойынша 10,8 пайыз болды. Осылайша, қыркүйекпен салыстырғанда төмендеу байқалды (өткен айда 11,8 пайыз болған). Ұлттық статистика бюросы таратқан ақпаратқа сүйенсек, соңғы бір жыл ішінде азық-түлік тауарларының бағасы – 10,4 пайызға, ақылы қызметтер – 11 пайызға, азық-түліктік емес тауарлар 11,1 пайызға қымбаттаған.
Пікір • 02 Қараша, 2023
«Сабырбай-ау, саған не болған?»
Жақында саябақтардың бірінде 4 жасар ұлым екеуміз серуендеп жүрдік. Оның әңгімесі таусылған ба, сұрамайтынды сұрайды. Шаппа-шап жауап тауып тұрудың өзі – тәуір жетістік. Қасымыздан аяңдап өтіп бара жатқан егде тартқан ер мен әйел біз жаққа таңырқай көз салып, сәл аялдады да, қайта жүрді. Сосын қайта тоқтады.
Қоғам • 01 Қараша, 2023
Құрылыс кодексі қандай түйткілді шешеді?
Елордада құрылыс саласының отандық форумы деп айдар тағылған алқалы жиын өтіп, сарапшылар мен білгірлер жиылып, жаңа құрылыс кодексін, басқа да өзекті мәселелерді талқылады. Іс-шараға ірі құрылыс компанияларының басшылары мен өкілдері, құрылыс саласындағы жетекші мамандар, мемлекеттік органдардың басшылары қатысты.
Елорда • 01 Қараша, 2023
Кезекті көпір көлік қозғалысын жеңілдетеді
Астанадағы Тәуелсіздік даңғылының бойындағы жаңа көпір құрылысы аяқталып, пайдалануға берілді. Әуелде ашылуы 30 қазанға белгіленген көпір, бір күн ерте – 29 қазанда ел игілігіне ұсынылды.
Көрме • 31 Қазан, 2023
«Қазақстанның үздік тауары» деп аталатын көрмеден бәрін табуға болады. Өңкей отандық бірегей өнім. Бірі – ұлттық нақышпен бәдізделген ыдыс-аяқ, бірі – доңғалағынан басқасы өзімізде өндірілген ауылшаруашылық техникалары, енді бірі – ішкі нарықты місе тұтпай, жаһан сұранысын қанағаттандырып отырған кәбілдік құбырлар. Бұлардан басқа өңірде кеңінен танымал болған қаншама өнім енді республикалық көрменің ажарын ашып тұр.
