Қазақстан • 23 Ақпан, 2021
Шекаралас өңірлер ерекшелігі ескерілсе, талай ауыл сақталып, көркейе түсер еді
Ресеймен шектесіп жатқандықтан, еліміздің «солтүстік қақпасы» атанған Солтүстік Қазақстан облысының Уәлиханов ауданына қарасты Қулыкөл ауылы облыс орталығынан 560 шақырымдай, ал аудан орталығынан 180 шақырымдай қашықтықта орналасқан. Сол маңайдағы талай елді мекеннің тоз-тозы шығып, тарап жатқанда жолы нашар, қиян түкпірдегі Қулыкөлдің іргесі сөгілмей, жылдан-жылға көркейе түскендігі қайран қаларлықтай.
Қазақстан • 18 Ақпан, 2021
Қандастардың құқықтарын қорғауда енжарлық басым
Тұңғыш Президентіміз – Елбасы Нұрсұлтан Назарбаев 1991 жылғы 31 желтоқсанда Қазақ радиосы арқылы «Алыста жүрген ағайындарға ақ тілек» Үндеуін жолдап, «атамекенге келемін деуші ағайындарға жол ашық» деп жариялаған соң, қилы заманда шартарапқа тарыдай шашылып кеткен қандастарымыздың атажұртына оралу үдерісі – ұлы көш басталып кеткені белгілі. Содан бері алыс-жақын шет елдерде тұрып жатқан 1 миллион 71 мыңнан астам этностық қазақ тарихи Отанына қоныс аударып, егемен еліміздің әлеуметтік-экономикалық дамуына өлшеусіз үлес қосты.
Пікір • 18 Ақпан, 2021
«Айран ішкендер» тұтылып жүр ме? Әлде әлі де құтылып жүр ме?
Қоғамымызды іштен ірітіп, жегідей жеп жатқан жемқорлық індетімен күрес аяусыз екендігін айғақтайтын деректерді бұқаралық ақпарат құралдары күн сайын дерлік нағыз майданнан келген жақсы лепестей сүйіншілете жариялау үстінде. Атқарылған істің нәтижесі де жаман емес: Transparency Inernational халықаралық ұйымы анықтаған сыбайлас жемқорлықты қабылдау индексі бойынша Қазақстан былтырғы жылдың қорытындысына сәйкес алғаш рет 38 балл жинап, алдыңғы жылғымен салыстырғанда 19 саты жоғарылап, 94-орынға табан тірепті. Еліміздегі сыбайлас жемқорлық қылмыстарының саны 5 пайызға кеміген. Бұған бұрынғы Мемлекеттік қызмет істері және сыбайлас жемқорлыққа қарсы іс-қимыл агенттігі екіге бөлініп, Антикор қызметі жеке ведомство болып құрылғандығы және сыбайлас жемқорлыққа қарсы заңнаманың айтарлықтай қатайтылғаны оң ықпалын тигізгендігі анық.
Қоғам • 12 Ақпан, 2021
Мемлекеттік рәмізде мін болмауы керек
Мемлекеттік рәміздеріміз – еліміздің Тәуелсіздігін бейнелеп, халқымыздың рухын асқақтататын, Қазақстанды әлемге паш ететін қасиетті атрибуттар. Оларда еш мін болмауға тиістілігі – айдай ақиқат. Бұл ретте Мемлекеттік Туымыз бен Мемлекеттік Елтаңбамыз әу бастан көпшіліктің көңілінен шығып, көзайымына айналды.
Қоғам • 09 Ақпан, 2021
Атына заты сай емес шағын қалалар мәртебесі қашан өзгертіледі?
Осыдан он шақты жыл бұрын Солтүстік Қазақстан облысындағы Шал ақын ауданының орталығы – Сергеевка қаласының мәртебесін өзгерту мәселесі көтерілгені жадымда. Себебі, шаһарда бір кезде 10 мыңдай адам тұрған болса, өткен ғасырдың тоқсаныншы жылдарындағы экономикалық дағдарыс кезінде ондағы кәсіпорын жаппай жабылып, жұмыссыз қалған жұрт жан-жаққа үдере көшкендіктен, тұрғындар саны 7 мыңға дейін кеміген.
Ауыл • 05 Ақпан, 2021
Ауыл әкімін сайлармыз-ау... Тек кімді және қалай сайлаймыз?
Осыдан алты жыл бұрын Солтүстік Қазақстан облысының Шал ақын ауданына қарасты Қаратал ауылында болып, жергілікті тұрғындармен кездескенімде, олар бір келеңсіздік жайлы қынжыла айтқан еді. Көптің көкейіндегі сөзді бір ақсақал: «Ауылдың шетіндегі су толтыратын мұнараны көзіңіз шалған шығар? Оған алты шақырымдағы аудан орталығынан су құбыры тартылған. Бес-алты жылдан бері босқа тұр. Оған қазынаның миллиондаған теңгесі текке шығын болды. Неге дейсіз бе? Ауылымыздың бірде-бір тұрғыны оған келіп тұрған ауыз суды қалтасынан ақша шығарып, сатып алғысы келмейді. Себебі бәрі өз үйінің жанынан құдық қазып алған. Бізден осы су құбыры керек пе, онымен келетін ауыз суды сатып алуға қарсы емессіздер ме деп сұраған не ауылдың, не ауданның әкімі болған жоқ. Енді, міне, ол босқа шіріп тұр. Мемлекет қаржысын бұлай далаға шашуға бола ма?» деп күйіне жеткізген еді.
Қоғам • 27 Қаңтар, 2021
Тар жерде тығылысып... Той-томалақты үйде өткізуге көштік пе?
Былтырғы жазда коронавирус пандемиясының асқынып, алқымнан алып тұрған шағында туған ауылымдағы ағайындардың ахуалын білмек болып, сондағы туыстармен хабарластым. «Аллаға шүкір, ауылымызға індет жеткен жоқ. Тіпті бізбен көрші тұратын бір қарындасың кеше ғана Қарағандыға тойға барып келді...» деп қарап тұр бауырым. «Бүкіл ел бойынша төтенше жағдай жарияланған қазіргі уақытта ол 700 шақырымдай жердегі қалаға бару үшін жолдағы бірнеше блок-бекеттен қалай өтіп жүр?» деген сұрағыма «Оны енді өзің білесің ғой...» деп жалтарып, көршісінің құпиясын ашпауға тырысты...
Руханият • 25 Қаңтар, 2021
Өңірді көрмеген – өмірді көрмеген
Ертеректе мемлекет қамқорлығын қажет ететін, табысы мардымсыз отбасыларды анықтау өлшемшарттарын айқындау кезінде ауылдағы ағайынның қорасындағы тауығын ғана емес, оның жыл ішінде табатын жұмыртқасына дейін санауды ұсынып, жұртқа күлкі болған шенеунік бар. Сөйтіп, ол «асфальтта өсіп», өмір бойы қалада қызмет еткендігінен, жергілікті жердегі жағдайды білмейтіндігін байқатып алған.
