Қазақстан • 09 Қараша, 2022
Қорғаныс ведомствосының басшысы, генерал-полковник Руслан Жақсылықов Сағадат Нұрмағамбетов атындағы Құрлық әскерлері әскери институтының түлектерімен және курсанттарымен кездесу өткізді.
Қоғам • 08 Қараша, 2022
Қырғыз елінің астанасы Бішкек қаласында Қырғызстандағы қазақтар қауымдастығының 30 жылдық мерейтойына арналған іс-шаралар басталды. Игі бастама Қазақстан Республикасының Қырғыз еліндегі елшілігінің және Жамбыл облысы әкімдігінің қолдауымен әрі Отандастар қорының ұйымдастыруымен өтіп жатыр.
Қазақстан • 03 Қараша, 2022
Құны 230 млн доллар болатын зергерлік бұйымдар мен асыл тастар. 140 мың гектардан астам жер. 400 млн доллар қаржы, 300 млн доллардың бағалы қағаздары. Мемлекет меншігіне өткен Атырау облысындағы газ өңдеу зауыты мен Астанадағы «Болашақ» бизнес орталығының ғимараты. Заңсыз жекешелендірілген «Барыс» пен «Шапағат» базарлары. Осының барлығы – 630 млрд теңге. Бұл – мемлекетке өтелген залал мен қайтарылған активтердің құны. Басқаша айтар болсақ, бұл осыдан бес ай бұрын жасақталып, жұмысына кіріскен Активтерді қайтару жөніндегі комиссия қызметінің алғашқы көрсеткішінің бірсыпырасы.
Сұхбат • 03 Қараша, 2022
Берік Асылов: Комиссияның көздегені – заңсыз капиталды елге қайтару
«Мемлекеттің байлығы белгілі бір адамдарға емес, барша халыққа тиесілі. Сондықтан, бүкіл халықтың әл-ауқатын арттыру – алдымызда тұрған аса маңызды міндет». Бұл жөнінде Президент Қасым-Жомарт Тоқаев Экономикалық ресурстардың заңсыз шоғырлануына қарсы іс-қимыл мәселелері жөніндегі ведомствоаралық комиссияның отырысы кезінде айтқан болатын. Жақында комиссия құрылғалы бері атқарған жұмыстарының қорытындысын жариялады. Құрамына құқық қорғау, орталық атқарушы органдар мен ведомстволардың бірінші басшылары кіретін комиссия бес айдан бері жұмыс істеп келеді. Бас прокуратураның мәлімдеуінше, осы уақыт ішінде елге кем дегенде 630 млрд теңге қайтарылған. Бұл қомақты капиталдың артында қандай жұмыс тұр? Қайтарылған қаржы кімдерге тиесілі болған? Бұған дейін нормативтік актілер кімнің пайдасына шешіліп келген? Алдағы уақытта комиссия қанша уақыт жұмыс істейді? Шыны керек, активтерді қайтару жөніндегі комиссияның қызметіне қатысты бұл сұрақтар мен мәселелер бүкіл қоғамды қызықтырады. Халықтың жіті назарында тұрған осы сауалдарды біз ведомствоаралық комиссия басшысы, Бас прокурор Берік АСЫЛОВҚА қойған едік.
Білім • 02 Қараша, 2022
«Біз – Алаштың ұрпағы». Елордадағы Б.Майлин атындағы №52 мектеп-гимназияда өткен танымдық кездесу сабағының тақырыбы осылай аталады. Алаш қайраткерлерінің идеяларын қазық етіп алған «Сатылай кешенді оқыту» технологиясының негізінде өткен сабаққа М.Шоқай атындағы №51 мектеп-гимназиясы, №72 мектеп-лицейі, С.Сейфуллин атындағы №80 мектеп-гимназиясы, Шейх Тәмим бен Хамад әл-Тани атындағы №85 мектеп-лицейінің мұғалімдері қатысты.
Қоғам • 02 Қараша, 2022
Қоғамда «гуманизм мен мейірімділік актісі» аталып кеткен «Рақымшылық жасау туралы» заңға Мемлекет басшысы қол қойды. Заң Президент Қасым-Жомарт Тоқаевтың «Әділетті мемлекет. Біртұтас ұлт. Берекелі қоғам» атты Қазақстан халқына Жолдауындағы ізгілік идеясының негізінде, яғни қаңтар оқиғаларына қатысушыларға бір реттік рақымшылық жасау туралы тапсырмасын іске асыру мақсатында әзірленді. Бұл – тәуелсіз Қазақстан тарихында жарияланған оныншы рақымшылық болса, нақты бір оқиғаға байланысты, яғни ситуациялық мұндай заң елімізде тұңғыш рет қолданылып отыр.
Қазақстан • 01 Қараша, 2022
Әскерлердің жауынгерлік әзірлігі мен күнделікті қызметі материалдық-техникалық тұрғыдан жан-жақты қамтамасыз етілуіне тығыз байланысты. Сол себепті Қарулы Күштердің бұл саласына ерекше назар аударылады. Алайда көптің көзінен таса бұл қызмет түрін қарапайым жұрт біле бермейді. Солардың бірі – елордадағы 83205 әскери бөлімі. Биыл күзде құрылғанына 30 жыл толған бөлімге Қорғаныс министрлігі мен Қарулы Күштер Бас штабын қамтамасыз ету жүктелген.
Таным • 30 Қазан, 2022
Әлемдік брендтің айнымас философиясы
Samsung деген сөз бізге жат емес. Кез келген қазақстандықтың үйінде жоқ дегенде кір жуғыш машинасы, болмаса тоңазытқышы, қала берді қысқа толқынды пеші мен теледидары осы компанияның өнімі. Сөзімізге сенбесеңіз, үйіңіздегі тұрмыстық техникаға, болмаса айналаңыздағы адамдардың ұялы телефонына бір көз жүгіртіп өтіңізші... Ал өткен жылы Samsung Galaxy A12 әлемдегі ең көп сатылатын смартфондар тізімінің көшін бастап берді. Осыдан-ақ ең алғашқы қызметін 1938 жылы күріш ұны мен кеспесін сақтайтын қоймадан бастаған оңтүстіккореялық компанияның трансұлттық корпорацияға және әлемдегі ең танымал тұрмыстық электроника брендтерінің біріне айналғанын түсінесің.
Таным • 27 Қазан, 2022
Корея Республикасы – небәрі 70 жылда қарқынды дамып, «Азия жолбарысы» мен «Ханган өзеніндегі экономикалық ғажайыпқа» айналған ел. Бұл, сондай-ақ, тұрмыс-тіршілігіне робот техникасы дендеп еніп кеткен болашақтың, кей-поп пен әлемді киносымен жаулап алған мүмкіндігі мол мемлекет. Таяуда Кореяның экономикалық кереметінің бәрін болмаса да біразын көзбен көріп, қолмен ұстауға мүмкіндік туды. Samsung компаниясы ұйымдастырған баспасөз сапары кезінде елдің үш қаласы – Сеул, Пусан және Сувонда болып, бүкіл әлемді электроникасы және көліктерімен толтырып тастаған шағын ғана елдің технологиялық тұрғыдан қалай дамығанына таңғалып келдік.
Қазақстан • 18 Қазан, 2022
Ежелден елдік мәселелер биік мінберде көтеріліп, халықтың сөзі алқалы жиындарда айтылып келеді. Тұтас ұлттың тағдыры таразыға түскенде айтылған сөз бен талқыға түскен ұсыныс-пікірдің тарихта алар орны ерек. Күні кеше қайтадан егемен елдің еңселі мерекесіне айналған Республика күнінің тағдыры да осындай алқалы басқосулардың бірінде шешілген еді. Нақтырақ айтсақ, ел тәуелсіздігін жариялауға негіз болған тарихи күн туралы жылдар өткеннен кейін ұлт ұясы – Ұлытаудағы құрылтайда айтылды.
