Спорт • 21 Ақпан, 2023
Усолка өзенінде автокөліктердің сайысы өтті. Арнайы жабдықталған темір тұлпарлар мұз үстіндегі жылдамдықтарын сынаса, қала жұрты кіл мықтылар жиналған автошоудың қызығына кенелді.
Кәсіпкер • 20 Ақпан, 2023
Өңірлік кәсіпкерлер палатасы жергілікті бизнес субъектілерінің жеке және жүйелік мәселелерін шешуге, өнімдерін өзге нарықтарға шығаруға көмектесуді негізгі мақсат етіп отыр. Кәсіп бастаған азаматтардың біліктілігін, бәсекеге қабілеттілігін арттыру да негізге алынды.
Аймақтар • 20 Ақпан, 2023
Павлодар қаласының тұрғындары жыл басынан орталықтандырылған жылу тарифінің өсіп шыға келгеніне наразылық танытып отыр. Қаңтар айынан бастап коммуналдық төлемдер бойынша есептелген төлемақы құны жеке тұтынушылар үшін 10-нан 30 пайызға дейін қымбаттаған.
Экология • 19 Ақпан, 2023
Күл-қоқысты кәдеге жарату қай жағынан да тиімді
Павлодардың онкологиялық аурулар бойынша республикада көш бастауына қолайсыз экологиялық жағдай әсер етіп отырғанын мектептегі бала да біледі. Бұл өңірде адам өмірі үшін аса қауіпті өнеркәсіптік қалдықтарды жою мен қайта өңдеу саласы кенжелеп тұр. Бір ғана Павлодардың алюминий зауытында қож үйінділерінің көлемі бүгінде 100 млн тоннадан асып жығылады. Оның құрамындағы алюминий оксиді 20 пайызды құрағанның өзінде тау-тау үйілген қоқыстан 20 млн тонна бокситті кен өндіруге болады екен.
Медицина • 16 Ақпан, 2023
Диспансерлердің арнайы есебінде тұрған жергілікті жұрт өткен қаңтар айында өздеріне тиесілі тегін дәрі-дәрмекке қол жеткізе алмай жандары қысылған. Ақпараттық жүйеде техникалық ақаудың пайда болуы, логистиканың толыққанды жұмыс істемеуі салдарынан емханалар бұл уақытта бірқатар қиындыққа ұрынған сыңайлы.
Аймақтар • 15 Ақпан, 2023
Кейінгі уақытта итке таланған бала көбейгеніне қарамастан, қаңғыбас иттердің құқығын қорғаумен әуреленіп жүрген әлдекімдердің «арқасында» бұралқы жануарлардың саны еселене түскен. Керекуде қалалы жерлер тұрмақ, ауылдардың өзінде тұрғындар балаларының өмірі үшін қауіптенетінін айтады. Ал облыс орталығындағы волонтерлер көше кезген жануарларды сырғалауға көшті.
Жоба • 13 Ақпан, 2023
Ауыл жұртының табысын арттыруға бағытталған «Ауыл аманаты» жобасының аясында Керекуде 300-ден аса жоба қаржыландырылады деп күтіліп отыр. Қазынадан бөлінген несие қаражаты алдағы айдан бастап шаруаларға үлестіріліп, тұрғындарға мал, техника, қажетті өндірістік құрал-жабдықтар сатып алуға, кәсібін кеңейтуге мүмкіндік сыйлайды.
Ауыл • 13 Ақпан, 2023
Өріс тарылса, өңір әл-ауқаты қалай өседі?
Ауылдағы мал баққан ағайынды жайылымның тапшылығы тығырыққа тіреп отыр. Мәселен, Павлодар, Успен, Шарбақты, Аққулы аудандарында бос жайылым, тағы алты өңірде шабындық жерлер жетіспейді. Ақсуға қарасты ауылдық аумақтарда да осындай мәселе өзекті болып отыр. Облысқа шамамен 139 мың гектар қосымша мал өрісі қажет.
Аймақтар • 12 Ақпан, 2023
Ақын Мұзафар Әлімбаевтың әйгілі жырына арқау болған «Маралды» атауы келешекте Павлодар ауданына берілуі мүмкін. Бұл – аудан халқының ерік-жігерінен туған, тарихи деректерге негізделіп жасалған ұсыныс. Жергілікті өлкетанушылар кеңес өкіметіне дейін өлкеде Маралды болысы болған. Қазіргі ауданға қарасты аумақтың 60 пайызы сол тұста болыстықтың құрамына енген дейді.
Аймақтар • 12 Ақпан, 2023
Екібастұз әлі бүрсең қағып тұр
Екібастұздың халқы мұздаған пәтерлердің салдарынан жиі науқастанып, медицина ұйымдарына үзбей баратын болған. Жылуға жарымай қойған отты шаһардың жұрты төзімі әбден таусылғанын айтады. Жылу дұрыс берілмеген соң үйлердің басым бөлігінде күні-түні электр жылытқыштар қосылып, ай сайын жарық үшін пәтер басы 25-30 мың теңгеден шығындануға мәжбүр. Ал «Екібастұзжылуэнерго» ЖШС электр қуаты үшін кезекті рет өтемақы төлеуге қауқарымыз жетпейді деп жалтарып отыр.
