Қоғам • 07 Тамыз, 2022
Жұрт көңілін аулаған мектеп жәрмеңкесі
Осы сенбіде өңірдің аудан-қалаларында мектеп тауарларының жәрмеңкесі өтті. Іс-шара «Мектепке жол» республикалық акциясының аясында ұйымдастырылып, жергілікті тұрғындар мен сырттан келген қонақтар оқу құралдарын, киім-кешектерді арзан бағаға сатып алды.
Қазақстан • 03 Тамыз, 2022
Жылу орталығының тағдыры қыл үстінде
Көмірімен әйгілі рекордсмен қала Екібастұзды сүреңсіздік жайлап тұр. Шаһардағы көпқабатты тұрғын үйлер алдағы қақаған қыста жылусыз қалуы әбден мүмкін. Себебі ондағы жалғыз жылу-электр орталығы технологиялық тұрғыдан әбден тозып, қазандықтары қаусап, құлағалы тұр. Ал кәсіпорын иелері өндірісті жаңартуға қаржы салмақ түгілі, өз қызметкерлері алдындағы әлеуметтік жауапкершілігін орындай алмай отыр. Бұл келеңсіз жағдай – 140 мыңнан аса тұрғыны бар қала үшін дабыл қағарлықтай мәселе. Түйткілдің түйінін тарқатуға Үкімет деңгейінде араласпаса, қақаған қыста үлкен апат орын алуы ғажап емес.
Медицина • 02 Тамыз, 2022
Ақ желеңділер ауылдарды аралап жүр
Екіжылдық үзілістен кейін «Саламатты Қазақстан» медициналық пойызы өңірдегі шалғай жатқан стансаларды аралап, тұрғындарды дәрігерлік тексеруден өткізуде. Биыл ақ желеңділер Павлодар облысында тоғыз елді мекенде аялдап, ауыл тұрғындарына кәсіби медициналық көмек көрсетпек.
Аймақтар • 01 Тамыз, 2022
«Павлодар» арнайы экономикалық аймағында жылына 30 мың тонна реагент пен мұнай-химия қоспаларын өндіретін жаңа зауыттың тұсауы кесілді. Кәсіпорын еліміздің мұнай өндіруші және мұнай өңдеуші зауыттарын өз өнімімен толық қамтамасыз етпек. Болашақта ТМД, Еуропалық одақ, Таяу Шығыс және АҚШ елдерімен байланыс орнатуды көздейтін өндіріс орны осылайша алғашқы кезеңін бастап кетті.
Таным • 31 Шілде, 2022
Киелі жауырынды музейге аманаттады
Бұқар жырау атындағы әдебиет және өнер музейінің қоры ерекше жәдігермен толықты. Сонау XVIII ғасырда өмір сүрген емші, көріпкел, жауырыншы Бибісара – Сары бәйбіше ұстаған қойдың жауырынын ұрпақтары музейге тапсырып, жергілікті ғалымдарға оны зерттеп, құпиясын ашуға аманаттады.
Қоғам • 27 Шілде, 2022
Әбетановты әуреге салғаны несі...
Шенеуніктердің біліксіздігінен ауылдағы шаруа баққан ағайынның зардап шегіп жататыны жайында оқиғалар аз емес. Тереңкөл ауданында орын алған мына бір жайсыз жағдай жергілікті атқарушы билік өкілдерінің реті келсе заңды белшесінен басып, өз білгенін жасауға даяр тұратынының дәлелі болса керек.
Туризм • 25 Шілде, 2022
Баянауыл басынан бұлт кетер ме... Таулы өлкедегі туризм қашан оңалады?
Баянауыл жері – сан ғасырлық тарихы бар, аты аңызға айналған алыптар мен ғұламалардың, қасиет тұнған әулиелердің елі. Бірақ бүгінгі мақсат – киелі өлкенің қадір-қасиетін мадақтап, ұлықтауды емес, ондағы кенже қалып тұрған туризм саласының мәселелерін ашып айту. Көрікті мекеннің інжу-маржанына айналған «Жасыбай» демалыс аймағындағы кәсіпкерлердің мәселелерімен бөлісу. Шынын айтқанда, Жасыбай көлінің жағасы бүгінде жүдеп тұр. Тек жаздың үш айында ғана қызмет көрсететін демалыс үйлеріне қатысты мәселе көп. Қонақүйлер келушілердің көптігіне төтеп бере алмай қалады. Оның үстіне курорттық мекенде инфрақұрылым мәселелері шешімін таппаған.
Қоғам • 20 Шілде, 2022
Павлодар қаласында бейберекет әрі заңсыз салынған құрылыс нысандары көбейіп барады. Сыбайлас жемқорлыққа қарсы іс-қимыл қызметі жергілікті әкімдік өкілдеріне алдағы уақытта нақты құрылыс жобаларына рұқсат құжаттарын беруден бас тартуды ұсынып отыр.
Қоғам • 17 Шілде, 2022
Павлодардағы жасыл ормандар жұпсыз жібек көбелегі деп аталатын жорғалағыш құрттан зиян шегіп жатыр. Сырт көзге сүйкімсіз, өне бойы түкті жәндіктер ағашқа түссе, аз уақыт ішінде барлық жапырағын жалмап, жеп қояды. Топтанып жүретін жібек көбелегінің бұл түріне қарсы жергілікті орманшылар шарасыздық танытып отыр. Себебі жауапты мекемелер жағдайдың карантинге жатпайтынын айтып, жәндікке қарсы препаратқа ақша бөлмеген. Салдарынан апта сайын 700 гектарға жуық жердің орманы жапырағынан айырылып, сыйдиып, сұрқы қашқан тал-терекке айналуда.
