Теннис • 26 Маусым, 2023
Теннистен жұптық сындағы еліміздің бірінші ракеткашысы Александр Недовесов Ұлыбританияда ұйымдастырылған «Челленджер» турнирінде жеңіске жетті. Бұл – 36 жастағы отандасымыздың биыл жеңіп алған алғашқы титулы.
Бокс • 25 Маусым, 2023
Халықаралық Олимпиада комитеті (ХОК) Халықаралық бокс қауымдастығын (IBA) мойындаудан бас тартып, бокс бәсекелерін ұйымдастыруға шектеу қойды.
Жекпе-жек • 25 Маусым, 2023
Аралас жекпе-жектің ең беделді ұйымы – UFC-де өнер көрсететін отандасымыз Жалғас Жұмағұлов (14-8) АҚШ-тың Флорида штатында өткен UFC on ABC 5 турнирінде кезекті айқасын өткізіп, қатарынан үшінші мәрте жеңіліп қалды.
Футбол • 22 Маусым, 2023
Швейцарияның Ньон қаласында футболдан Чемпиондар лигасы мен Конференция лигасына қатысатын командалардың жеребесі тартылды. 2023-2024 жылғы Еуродода жарыстарында елорданың «Астанасы» Чемпиондар лигасында, ал Ақтөбенің «Ақтөбе», Шымкенттің «Ордабасы» және Қостанайдың «Тобылы» бірер жыл бұрын ғана тұсауы кесілген Конференция лигасында бақ сынайды.
Балалар • 21 Маусым, 2023
Еліміздің өңірлерінен іріктелген ең дарынды балалар кеше Елордадағы Нұрлы жол вокзалынан «Самұрық-Қазына» АҚ 15 жылдығына орай ұйымдастырылған «Туған елге саяхат» сапарына аттанды. Іс-шара аясында 10-15 жас аралығындағы 600 бала жаз мезгілінде еліміздің көрікті жерлерін аралап, экскурсиялық пойызда ұмытылмас демалыс өткізеді.
Ауыр атлетика • 21 Маусым, 2023
Допинг дауына іліккен атлеттер
Қайбір жылы әлеуметтік желіде бір әріптесіміз «қазір ауыр атлеттеріміз бір жарыстан жүлде жеңіп алса қуанбайтын жағдайға жеттік. Қайта сол медалін енді қашан қайтарып алады екен деп уайымдайтын болдық» деп әзілдеп пост жазғаны бар еді. Арада көп уақыт өтпей, сол әзілі бүгінде шындыққа айналды. Себебі күні кеше еліміздің Көк байрағын әлемдік аренада биікке көтеріп жүрген бірнеше ауыр атлетіміздің қанынан тыйым салынған препарат табылғаны анықталып, жүлдені қосымша «күшпен» жеңіп алғаны белгілі болды.
Футбол • 20 Маусым, 2023
Футболдан 2024 жылғы Еуропа чемпионатының іріктеу кезеңіне қатысып жатқан Қазақстан ұлттық құрамасы еліміздегі барша футбол жанкүйерін тағы да шаттық пен қуанышқа бөледі. Іріктеу сайыстарының төртінші турында Магомед Адиев шәкірттері сырт алаңда Солтүстік Ирландия құрамасымен тарихта алғаш рет кездесіп, футбол әлеміндегі тағы бір ірі тарихи жеңісіне қол жеткізді.
Спорт • 19 Маусым, 2023
Елордада қоян-қолтық ұрыстан ересектер арасындағы VII әлем чемпионаты өз мәресіне жетті. Жақсылық Үшкемпіров атындағы жекпе-жек сарайында ұйымдастырылған дүбірлі додада жер-жаһанның 32 елінен келген 312 спортшы бақ сынады. Олардың қатарында әлем мойындаған майталман жерлестеріміздің де бар екенін айта кеткен жөн.
Футбол • 18 Маусым, 2023
Футболдан Қазақстан ұлттық құрамасы келесі жылы Германияда жалауы желбірейтін Еуропа чемпионатының финалдық кезеңіне шығуға тағы бір маңызды қадам жасады. Бұл жолы Магомед Адиев шәкірттері сырт алаңда Сан-Марино құрамасымен кездесіп, қарсыластарының қақпасына жауапсыз үш гол соқты. Кезекті үш ұпайды қоржынға салған жерлестеріміз Н тобында алты ұпаймен Даниядан кейінгі екінші орынға көтерілді. Ал Еуропа біріншілігіне әр топта алғашқы екі орындағы құрамалар жолдама алатыны белгілі.
Теннис • 15 Маусым, 2023
Еліміздің үшінші, әлемнің 256-ракеткашысы Бейбіт Жұқаев Пальмес дель Мар (Пуэрто-Рико) қаласында өтіп жатқан «Челленджер» турнирінің ширек финалына жолдама алды.
