Әдебиет • 28 Қыркүйек, 2023
Шын мәнінде, қазақ әдебиетіне құбылыс болып келген таланттар өте сирек. Сол сиректің бірі – Оралхан Бөкей. Қабырғалы қаламгердің шығармалары туралы сөз болғанда, бір оқырмандар оның қарапайым еңбек адамдары, олардың жанқиярлық еңбегі туралы жазған «Өз отыңды өшірме» мен Алтай тауындағы омарташылардың қым-қуыт тіршілігі арқылы, ондағы Таған атты жастың маскүнемдік дертке душар болған себебін сезімталдықпен баяндаған «Атау кере» романын жоғары бағаласа, енді біреулері адам жанының қырық қатпарына терең бойлаған психологиялық иірімдерге бай повестері мен әңгімелерін сүйіп оқиды. Келесі бір оқырмандар пафосқа толы екпінмен көркем жазылған публицистикасын жақсы көреді. Қысқасы, жазушының қай-қай шығармасының да шоқтығы биік, кейде ол оқырманды тұңғиық ойға батырса, кейде жылы шуаққа бөлеп, ақ жаңбырдай төпелеген кестелі тілімен желдіртіп отырады.
Өнер • 25 Қыркүйек, 2023
Жалпы суретшілер әлемі жұмбақ пен аңызға толы болса да, олардың шығармашылығы туралы көп айтыла қоймайды. Мәселен, қазақ бейнелеу өнері дегенде, алдымен ойымызға соның негізін қалаған Әбілхан Қастеевтен бастап, Айша Ғалымбаева, Молдахмет Кенбаев, Қанапия Телжанов, Әбубәкір Ысмайылов, Сабыр Мәмбеев, Гүлфайрус Ысмайылова, Салихитдин Айтбаев, Тоқболат Тоғысбаев секілді санаулы ғана қылқалам шеберлері түседі. Ал осы өнердің дамуына зор үлес қосып, мол мұра қалдырған қаншама талантты тұлға бар. Солардың дені ұмытылып барады. Сондай дарабоздың бірі – Әлі Жүсіпов.
Жәдігер • 25 Қыркүйек, 2023
Сәкен Сейфуллин музейінде дауылпаз ақын, көрнекті қоғам қайраткерінің бұрынғы Ақмола – қазіргі Астана қаласында 1920 жылдары тұрған үйінің суреті сақталған.
Тұлға • 24 Қыркүйек, 2023
Астанадағы Қалибек Қуанышбаев атындағы Мемлекеттік академиялық қазақ музыкалық-драма театрында көрнекті жазушы, Мемлекеттік сыйлықтың лауреаты, Қазақстанның Еңбек Ері Әкім Таразидің 90 жасқа толуына арналған «Толғауы тоқсан Тарази» атты салтанатты кеш өтті. Жиынға Парламент Сенатының төрағасы Мәулен Әшімбаев, Мәдениет және ақпарат министрі Аида Балаева, Астана қаласының әкімі Жеңіс Қасымбек, мемлекет және қоғам қайраткерлері, халық қалаулылары, зиялы қауым өкілдері, өңірден келген жазушының жерлестері, қаламгер шығармасын құмартып оқитын оқырманы қатысты.
Әдебиет • 20 Қыркүйек, 2023
Көрнекті жазушы, Мемлекеттік сыйлықтың лауреаты Дүкенбай Досжанның өткен ғасырдың 1960-1980-жылдары аралығындағы ұлттық бояуға бай, кестелі тілімен көркем жазылған шұрайлы әңгімелерін оқып отырып, жыл өткен сайын сол туындылардың құндылығы артып, қын түбінде жатқан болат кездіктей өткірлене түскенін көресің. Бұл шығармалардың ерекшелігі – сол дәуірдің өзінде әр кейіпкердің бойынан халқымыздың болмысына тән мейірімділік, ізгілік, адалдық, имандылық секілді асыл қасиеттерден қалай алыстап бара жатқанын тап басып жазады.
Басылым • 19 Қыркүйек, 2023
Л.Н.Гумилев атындағы Еуразия ұлттық университетінің Ғылыми кітапханасында белгілі журналист, саясаттанушы Кенжеболат Жолдыбайдың «Әркімнің жолы – әртүрлі сапар» атты кітабының таныстырылымы өтті. Іс-шараға қаламгерді жақын білетін зиялы қауым өкілдері, замандастары, жерлестері қатысты.
Сұхбат • 14 Қыркүйек, 2023
– Ассалаумағалейкум, аға! – Уағалейкумассалам!– Қай баласың?– Астанадағы «Egemen Qazaqstan» газетінен хабарласып тұрмын, – деп едім, Пернебай ағаның дауысы жадырап: – Айналайын, сонау бас қаладан қоңырау шалып тұр екенсің, мың алғыс. Мен еліміздегі бас басылымның оқырманы ғана емеспін, тұрақты авторымын. Талай танымдық мақалаларым, эсселерім жарық көрді. Жасым ұлғайса да түгін қалдырмай оқимын, –деп ақтарыла жөнелді.Бала кезімнен жеткіншектерге арнап жазған шығармаларын сүйіп оқыған жазушымен екеуара әңгімеміз осылай басталды. Ауылда тұрып-ақ әдебиетіміздің қазынасын байытып, қаншама баланың санасына көркемсөз сәулесін түсірген сыршыл суреткермен кездесіп, әңгімелессе ғой деп ойлаушы едім. Соның сәті де орайымен келіп, қабырғалы қаламгермен өмір жолы мен шығармашылығы туралы әңгімелестік.
Тұлға • 14 Қыркүйек, 2023
Былтыр ел Үкіметінің қаулысымен белгілі журналист, сатирик Жұматай Сабыржанұлының есімі туған жері – Қостанай облысы Амангелді ауданы Қабырға ауылындағы орта мектепке берілді. Осыған орай аталған білім ордасында қаламгер есімін ұлықтауға арналған мазмұнды іс-шара өтті.
Ұстаз • 12 Қыркүйек, 2023
Әзербайжандық ұстаздарды оқытты
Бакуде әзербайжандық мұғалімдердің үлкен тобына «Назарбаев зияткерлік мектептері» дербес білім беру ұйымына қарасты Педагогикалық шеберлік орталығының сертификаты табыс етілді.
Әдебиет • 12 Қыркүйек, 2023
Жалғызілікті ана, қамкөңіл бала...
Ұмытпасам, 2000-жылдары «Қазақ әдебиеті» газетінде «XX ғасырдағы қазақтың үздік жүз әңгімесіне қай қаламгердің туындысын ұсынар едіңіз?» деген шағын сауалнамаға белгілі ақын, Мемлекеттік сыйлықтың лауреаты Иран-Ғайып «Қажығали Мұханбетқалиұлы. Муратик» деп жауап бергені бар. Шынымды айтсам, оқушы кезімнен Қажығали ағаның шығармаларымен жақын таныс болсам да, дәл осы әңгімесін оқымаған екенмін. Бірақ Иран-Ғайып ағаның жауабы қатты қызықтырып, осы туындыны оқуға аңсарымды аударды.
