Қазақстан • 02 Қараша, 2022
Umai: мүсін жеңімпазы анықталды
Қазақстан Республикасы Мәдениет және спорт министрлігі тағайындаған еліміздегі алғашқы Umai ұлттық сыйлығы – бұл театрлық «Оскардың» аналогі. Үш ай бойы Қазақстанның атақты суретшілері Umai сыйлығы мүсіншесі сызбасының авторы болу құқығы үшін таласты. Сыйлықты өткізу алаңына айналған «Астана Опера» театрының көркемдік кеңесі үздіктердің үздігін анықтады.
Өнер • 01 Қараша, 2022
«Күләшпен кездесу – әнмен кездесу еді» депті қазақтың бұлбұл әншісі Күләш Байсейітова жайлы толғанғанда композитор Латиф Хамиди. Олай деуіне себеп те, дәлел де мол. Өйткені әншінің бойындағы саф алтындай жарқыраған тума талант қай кезде де оның даралығын танытып тұратын. Күләштің әнін бір тыңдаған жан балға арбалған арадай үн құдіретіне мас болып, әншіні қайта-қайта тыңдауға бейілді еді. Ал талайды тамсандырған сол дауыс оқу-тоқусыз, табиғаттың өзімен әнші бойына дарыған айрықша дарын екенін білген музыка мамандары сол кездің өзінде-ақ әншінің көмейіне ұя салған көркем үнді құбылысқа балайтын. Әйтпесе театрға алғаш жұмысқа қабылданған жылы операның не екенін білмеген жанның арада жылға жуық уақыт өтпей сахнаның нағыз бұлбұлына айналғаны құбылыс емей немене?!
Өнер • 30 Қазан, 2022
«Астана Опера» театрында «қазақтың бұлбұлы» атанған опера сахнасының аңызы, Қазақстанның еңбек сіңірген әртісі, КСРО Халық әртісі, Мемлекеттік сыйлықтардың лауреаты Күләш Байсейітованың 110 жылдығына орай «Қазақстан вокалистер одағы» республикалық қоғамдық бірлестігінің ұйымдастыруымен «Күләштің әні» вокалдық музыка кеші өтті. Тұлға есімін ұлықтауға арналған тағылымды концертте, сондай-ақ ұлы әншінің шығармашылығын насихаттап жүрген орындаушыларды салтанатты марапаттау рәсімі болды.
Театр • 26 Қазан, 2022
Елордада өтіп жатқан Қазақстан драма театрларының Шолпан Жандарбекова атындағы республикалық XXVIII фестивалі аясында тұлға жайлы қос бірдей тағылымды еңбек жарыққа шықты. Оның алғашқысы Қазақстанның халық әртісі Қадыр Жетпісбаев туралы естеліктер жинағы мен «Бала мерген» драмалық шығармалар екі томдығы болса, екіншісі – «Алаштың Ақтоқтысы» атанған аңыз актриса, театр мен кино жұлдызы, КСРО халық әртісі, Қазақстан Мемлекеттік сыйлығының лауреаты Шолпан Жандарбекова жайлы «Шолпан жұлдыз» кітабының оқырманмен қауышуы. Қазақ театр тарихына теңдессіз тарту болып қосылған атаулы еңбектің қай-қайсысы да ұлттық өнеріміз үшін өлшеусіз олжа екені даусыз.
Өнер • 25 Қазан, 2022
Әлем Самал есіміне сонау бір жылғы Францияның әйгілі Канн фестивалінде қанық болды. Фильмде тудырған қайталанбас бейнесі арқылы киноның талғампаз жанкүйерлерін күллі қазақ өнері мен өнерпазына бас игізді. Өнермен өмір сүрген қазақтың қаршадай қызы сонда тұтас ұлттың мерейін асырып, мәртебесін асқақтатқан еді.
Қоғам • 25 Қазан, 2022
Республика күніне орай композиторлар мен ақындар арасында өткен балалар әні мен поэзиясына арналған «Жас өрен» республикалық байқауының жеңімпаздары анықталды. Жүзден жүйрік шыққандардың жұлдызын жаққан байқау мықтылары арнайы диплом және ақшалай сыйлықпен марапатталады.
Өнер • 19 Қазан, 2022
«Алаштың Ақтоқтысына» арналған фестиваль
Биыл «Алаштың Ақтоқтысы» атанған аңыз актриса, театр мен кино жұлдызы, КСРО халық әртісі, Қазақстан Мемлекеттік сыйлығының лауреаты Шолпан Жандарбекованың ғасыр тойы. Атаулы датаға орай ел ордасы Астанада Қазақстан драма театрларының республикалық XXVIII фестивалі өз жұмысын бастады.
Театр • 19 Қазан, 2022
Бас шаһарда театр тойы! Мәдениет және спорт министрлігінің қолдауымен 18-23 қазан аралығында көрнекті театр және кино актрисасы, Қазақстанның Мемлекеттік сыйлығының лауреаты, КСРО халық әртісі Шолпан Жандарбекованың 100 жылдығына арналған Қазақстан драма театрларының XXVIIІ республикалық фестивалі өтіп жатыр.
Әдебиет • 12 Қазан, 2022
«Драматургия – қым-қиғаш интрига. Мұны У.Шекспир де мойындаған. Арбасқан көздер, мың құбылған қас-қабақ пен жан берісіп, жан алысқан әрекетті сөз, қара тасты қақ айырар отты да өткір тіл. Қоғамдық-әлеуметтік көтерер жүк автор қиялының көркемдік мүмкіндігіне қарай жіті сұрыпталып, адамзат жүрегіне жол тартары тағы бар. Осынау ауыр мехнатқа саналы түрде бас қойған кісіні ықылым заманнан драматург деп атап келеміз». Театр сыншысы Әшірбек Сығайдың драматургия турасындағы бұл толғамы драма өнеріне жүктелер міндет пен жауапкершіліктің салмағына әділ таразы.
Сұхбат • 11 Қазан, 2022
Еліміздегі кинотеатрлардың жағдайын пандемияға дейін және кейін деп қарастырып жүрміз. Карантин айтарлықтай өзгеріс әкелген прокаттағы жағдайлар күні бүгінге дейін талай түйткілге себеп болып отырғаны да жасырын емес. Одан бөлек прокат мәселесінде туындап жатқан өзекті проблемалар кино мамандарының дабыл қағуына да себеп болып отыр. Мұның бір мысалы – қазақстандық кинотеатрлар танымал емес Қытай мен Мексиканың фильмдерінің көрсетілуіне барынша жағдай жасап, есесіне бұл уақытта отандық режиссерлердің фильмдері сөрелерде шаң басып қалып жатыр. Өндірісіне мемлекеттік қаражат бөлінген фильмдер неліктен көрерменнің назарына жетпейді? Біздің кинопрокаттағы отандық картиналардың жағдайы қандай? Осы және басқа да сұрақтарға Ұлттық киноны қолдау мемлекеттік орталығы басқарма төрағасының орынбасары Бауыржан Шөкенов жауап берді.
