«Бүгінгі жағдай бойынша 2 295 қаза тапқан және 11 267 жараланған адам бар. Қазіргі уақытта біз табиғи апаттан зардап шеккендердің саны 12 841 адам деп есептеп отырмыз», деді Хорхе Родригес.
Оның айтуынша, әртүрлі елден және Венесуэланың өзінен келген 4 000-нан астам құтқарушы мен ерікті 6 461 адамды құтқарып қалған.
Сондай-ақ уақытша лагерьлерді ұйымдастыру жөніндегі командалық орталықты басқаратын Хорхе Родригес медицина қызметкерлерін, қауіпсіздік және өрт сөндіру қызметкерлерін тұрғын үй мәселелерін шешу үшін Patria платформасына тіркелуге шақырды.
Қазір елде 25 уақытша лагерь жұмыс істеп тұр. Оның 13-і – Ла-Гуайрада, 8-і – Каракаста, 2-і – Миранда штатында және Карабобо мен Яракуйде бір-біреуден.
Венесуэлада құтқарушылар 11 жастағы баланы үш күннен кейін үйінді астынан аман алып шықты
Билік лагерьлерді жабдықтау және зардап шеккендерді сол жерлерге көшіру жұмыстарын жедел жүргізіп жатыр.
Хорхе Родригестің айтуынша, 24 маусымнан бері Венесуэлада 782 қайталама дүмпулер тіркелген, бірақ олардың жиілігі мен күші біртіндеп азайып келеді.
