Пікір • 13 Желтоқсан, 2021
Біле білген кісіге, тәуелсіздік айтуға оңай болғанмен, жүрекке салмақ салар қасиетті ұғым. Ат арыр, тон тозар, қадір кетер, бірақ тәуелсіздік мәңгіге қалуға тиіс болат діңгек. Осы бір зор діңгекті тұғырына орнатуда оғыландық танытқан Елбасының ерен ерлігі таңғаларлық. Таңғаларлығы – тәуелсіздіктің туын қан төкпей тікті. Азаттықтың ақ таңы мамыражай рауанданды. Тізесі барлар бүгілді, басы барлар жүгінді. Шағыстырғандардың да, шабыстырғандардың да үні өшті. Қазақ ұлтының тәуелсіздігі бой көтерді.
Білім • 13 Желтоқсан, 2021
Елбасы Нұрсұлтан Назарбаевтың «Тәуелсіздік тағылымы» атты мақаласын оқып, бізге ең қымбат байлығымыз егемендіктің қандай күреспен келгеніне тағы бір куә болғандаймыз. Тұңғыш Президенттің толғамынан кейін, шыны керек, қуанышты сезімде болдым. Неге десеңіз, осы мақаладан соң Қазақстанның азаттық алғалы бері ауыз толтырып айтарлықтай жетістіктерге қол жеткізгеніміз көз алдымызға келді.
Пікір • 13 Желтоқсан, 2021
Елбасының «Тәуелсіздік тағылымы» атты мақаласын оқып болғаннан кейін тағы бір рет Көшбасшымыздың адам және саясаткер ретіндегі бірегей қабілеті, даналығы мен көрегенділігіне таң қалдым.
Қазақстан • 13 Желтоқсан, 2021
Тұңғыш Президент Нұрсұлтан Назарбаевтың ел Тәуелсіздігінің 30 жылдық белесінде жарияланған «Тәуелсіздік тағылымы» атты мақаласын бастан аяқ оқып шығып, үлкен әсерге бөлендім. Елбасы Тәуелсіздігіміздің темірқазығы боларлық тастай тұжырымдарды тайға таңба басқандай етіп көрсетіп беріпті. Ел тарихын арыдан тартып, беріге дейін жан-жақты тарқата келіп, Тұңғыш Президент: «Тәуелсіздікті жариялау оңай емес, оны бүкіл әлемге мойындату одан да қиын», деп түйіндепті.
Пікір • 13 Желтоқсан, 2021
Қазақстанның Тұңғыш Президенті, Түркі мемлекеттері ұйымының Құрметті Төрағасы, Елбасы Нұрсұлтан Назарбаевтың 6 желтоқсанда жарияланған «Тәуелсіздік тағылымы» мақаласын оқып, өзім де мүшесі саналатын Түркі әлемі мен оның Білге ақсақалымен тағы бір рет мақтандым.
Қазақстан • 13 Желтоқсан, 2021
Еліміз үшін азаттық – ең қасиетті ұғым, ал Тәуелсіздік күні – ең қастерлі күн болғандықтан, мемлекеттің мерейін асырған осы құндылықтар хақында, мәңгілік мұрат-мақсаттарымыз бен бүгінгі міндеттеріміз туралы мәнді, салиқалы Тұңғыш Президент мақаласы отандастарымызды да, әлемді де жетелі ойға бұрды дей аламыз.
Президент • 13 Желтоқсан, 2021
Әдебиет • 12 Желтоқсан, 2021
Әкім Тарази: Өзін жақсы білген адам, қоғамды анық таниды
– Қадірлі Әкім аға, пандемияның жағдайымен Сізге амандасып келмегелі көп болды, бүгін бір кеңірек әңгімелесіп, шығармашылық, жазушының жан дүниесі жайында сұхбат құрсақ.. – Адаммен сырласу, әңгімелесу, ішкі әлемін аралау оңай емес қой. Маған ең қиын соғатын нәрсе – алдыңда отырған жалаңаш көзді адамның жадағай, жаттанды сұрақтарына жауап беру. Мен кейіпкерлеріммен әңгімелесемін мысалы. Қасымдағы бос орында сол отырғандай сезінемін. Содан кейін оған неше түрлі сұрақтар қоямын. Әбден зерттеймін. Кейде жазылып жатқан шығарма тоқтап қалады. Сюжет қалай бұрылу керек? Кейіпкер не істеу керек? Міне, ондай кезде де кейіпкерді «тергейсің». Басқа да амалдар жасап көресің. Әбден қиналасың.
Білім • 12 Желтоқсан, 2021
Ел білімді болса, Тәуелсіздік тұғырлы болады
Міне,биыл Қазақстан Республикасының тәуелсіздік алғанына 30 жыл толып отыр. Мемлекет басшысы Қ.Тоқаев жыл басында жариялаған «Тәуелсіздік бәрінен қымбат» тақырыбындағы мақаласында: «Биыл қастерлі Тәуелсіздігімізге 30 жыл толады. Азаттығымыздың айшықты белесіне шыққанда әрбір саналы азаматты «Отыз жылда біз қандай жетістіктерге жеттік?», «Келер ұрпаққа қандай елді аманаттаймыз?», «Мемлекеттігімізді нығайта түсу үшін тағы не істейміз?» деген сауалдар толғандырары анық. Осы тұрғыдан алғанда, бұл арман-мақсаттарымызды тоғыстырып, болашаққа тың серпінмен қадам басу үшін өткенге тағы бір мәрте оралып, жетістіктеріміз бен кемшіліктерімізді ой елегінен өткізетін мезет», деген болатын. Шынында да бұл 30 жыл уақыт еліміздің мемлекет болып қалыптасуына, әлемдік қауымдастықтан өз орнын айқындауына, түбегейлі қалыптасуына жол ашқан айтулы кезең болды. Осы мерзімде Қазақстан экономикалық жағынан қарыштап алға басумен қатар әлеуметтік салада да бұрын-соңды болмаған жетістіктерге жетті. Мұның ішінде білім жүйесі де жедел даму кезеңдерін басынан кешірді.
Тарих • 12 Желтоқсан, 2021
Қалмаққырған етегінде Қаратайдың бейіті
Таятқан Шұнаққа таяғанда әудем жердегі төбеден Көкжарлы Қаратай бабамыздың бейіті көрінді. Арқаны артқа тастап, неше шақырым жүргенімізді есепке де алмаппыз. Алматы мен Өскеменнен жиналған Қаратай батырдың ұрпақтары баба әруағына құран бағыштап, зиярат етіп қайтпақ ниетте жолға бір ай бұрын қамданғанбыз.