Қоғам • 01 Қыркүйек, 2022
Мас күйінде көлік жүргізетіндер көбейді
Жамбыл облысында алғашқы жартыжылдықта 700-ден астам жол-көлік оқиғасы тіркеліп, соның салдарынан 128 адам бақилық болған. Жалпы жол-көлік оқиғаларының 99 пайызына жүргізушілер кінәлі екені анықталып отыр. Алты айдың ішінде 396 көлік жүргізушісінің мас күйінде көлік тізгінін қолға алғаны да ойландырмай қоймайды.
Медицина • 31 Тамыз, 2022
Дәрігер тапшылығы қайтсе шешіледі?
Басы ауырып, балтыры сыздағанда адам баласы ақ желеңді абзал жандардан мейірім күтіп, алдына баратыны белгілі. Алайда бір дәрігердің алдындағы ұзын-сонар кезек дертіне дауа іздеген кісіні қажытып жіберетіні де мәлім. Неге? Өйткені елімізде дәрігерлердің тапшылығы айқын сезіледі.
Аймақтар • 29 Тамыз, 2022
Жарлысу жарамды суға жарымай отыр
Жарлысу ауылының халқы ауыз суға жарымай отыр. Елді мекенге ауыз су жүйесін жүргізуге жүздеген миллион қаражат жұмсалғанымен, ауыл жұрты ауыз судың қызығын көре алмай қамығып жүр. 2020 жылы аяқталған құрылыс жұмыстарынан кейін берілген су ішуге жарамсыз болып шыққан.
Аймақтар • 26 Тамыз, 2022
Жарықтандыру жұмыстары жалғасын табады
Кейінгі бірнеше жылдың бедерінде Жамбыл өңірі айтарлықтай өзгерді. Сәулеті келіскен ғимараттар, әсіресе көне шаһар Тараздың шырайын арттыра түскені даусыз. Бүгінде қалаға келген жұртшылық «Тектұрмас» этно-тарихи кешені мен «Көне Тараз» аумағына міндетті түрде арнайы ат басын бұрады. Өйткені тарихтың алтын көмбесінен сыр шертетін нысандар осында тұр. Мұндағы архитектуралық шешімдер жұрттың көңілінен шығатыны рас.
Аймақтар • 25 Тамыз, 2022
Ілгеріде жұртшылық мал, пәтер, қалта ұрлығынан зардап шексе, бүгінде көлік ұрылары темір тұлпар иелерін қан қақсатып жүр. Кісінің көлігін өзінікіндей иемденіп кететіндер еліміздің қай қаласынан да табылады. Ұрлаған түк емес, олар сол автокөліктерді жедел түрде келесі бір азаматқа сатып жіберуді де әдетке айналдырған. Осылайша, көлік сату дейтін «кәсіпкерліктің» жаңа түрін меңгеріп алған.
Таным • 24 Тамыз, 2022
Көшпелілер дәуірінде қазақ халқы пайдаланған ыдыс-аяқтардың басым бөлігі теріден және ағаштан жасалғаны мәлім. Өйткені сол кезде азық-түлік салуға, ас әзірлеуге сынбайтын, төзімді ыдыстар қажет болған. Сондай қажеттіліктен туған жәдігердің бірі – кесеқап.
Білім • 23 Тамыз, 2022
Ротация қағидаты: 29 мектептің директоры ауысты
Оқу-ағарту министрі Асхат Аймағамбетов былтыр қараша айында білім беру ұйымдарының бірінші басшыларын ротациялау туралы қағидатты ресми түрде бекіткен болатын. Министр тапсырмасынан кейін бір орында он, жиырма жыл қозғалмай отырып, музейдегі экспонатқа айнала жаздаған директорлар жылы орындарын ауыстыруға мәжбүр болды. Қызметі ауысады демесеңіз, олар жұмыссыз қалмайды.
Таным • 22 Тамыз, 2022
Облыстық тарихи-өлкетану музейінің қорында әр дәуірден сыр шертетін жәдігерлер жеткілікті. Оның біразы түрлі қазба жұмысы кезінде табылса, енді бір жәдігерлер кездейсоқ жағдайда қолға түскен. Сондай құнды мұраның бірі – су сағаты.
Білім • 21 Тамыз, 2022
Балалар көрші ауылдың мектебінде оқуы мүмкін
Күрделі жөндеудің мәселесі күрделене түсті. 140 оқушысы бар Қарақат ауылындағы мектептің 5-11 сынып аралығындағы 85 оқушысы жаңа оқу жылын көрші Абай ауылында бастаса, 1-4 сыныптағы қалған балалар елді мекендегі мәдениет үйінде уақытша оқымақ. Себебі ауыл мектебіндегі күрделі жұмыс әлі бітпеген. Ғимараттың төбесі ашылып, іші шашылып жатыр.
Медицина • 21 Тамыз, 2022
Тахикардия дертіне шалдыққан балалардың қатары жыл өткен сайын артпаса, азаяр емес. Баласының жүрек қағысы қалыптан тыс жоғарылаған кезде ата-ана байыз таппай кетеді. Жақында Жамбыл облыстық көпсалалы балалар ауруханасына Шу қаласынан санавиация желісі бойынша 13 күндік сәби жеткізілді. Әбігерге түскен дәрігерлер тиісті шараларды дер кезінде қабылдап, періштенің өмірін сақтап қалды.
