Спорт • 12 Сәуір, 2022
Азияның алды болуға әліміз жете ме?
19-24 сәуір аралығында Моңғолияның астанасы – Ұланбатырда күрес түрлерінен Азия чемпионаты өтеді. Аталған жарыста Қазақстанның туы астында кімдердің өнер көрсететіні жайында біз бұған дейін толық мағлұмат берген едік. Сары құрлықтың басты додасындағы басты мақсат – жалпыкомандалық есепте көш бастау. Ол сол жоспарды жүзеге асыруға біздің балуандардың әл-қуаты, күш-жігері жете ме? Осы сауалға жауап алу үшін соңғы бес жарыстың нәтижесіне көз жүгіртіп көрейік.
Спорт • 11 Сәуір, 2022
11 сәуірде Польшада шайбалы хоккейден жасөспірімдер арасындағы әлем біріншілігі басталады. Қазақстан құрамасы бірінші дивизиондағы А тобында өнер көрсетеді.
Спорт • 11 Сәуір, 2022
Республикалық физика-математика мектебінің (РФММ) 50 жылдық мерейтойына орай 30 сәуір мен 1 мамыр аралығында Алматы мен Нұр-Сұлтанда жылдам шахматтан ірі турнирдің тұсауы кесіледі.
Спорт • 11 Сәуір, 2022
Қазақстанның жасөспірім теннисшілері Үндістанның астанасы – Нью-Делиде өтіп жатқан Juniors Billie Jean King Cup іріктеу турнирінің жартылай финалына шыға алмады.
Спорт • 08 Сәуір, 2022
Жойқын жұдырықты жігіттердің жетістігі
1956-1991 жылдар аралығында КСРО халықтары спартакиадасының жалауы 10 мәрте желбіреді. Қазақ елінің боксшылары сол жарыстардың барлығына қатысып қана қоймай, мол олжаға кенелгенін де жанкүйерлер жақсы біледі. Тіпті жалпыкомандалық есепте жеке-дара көш бастаған кезіміз де жоқ емес. Сол жарқын жеңістердің алтын бастауында білікті бапкер Шоқыр Бөлтекұлынан тәлім-тәрбие алған Владимир Кәрімов, Анатолий Кадетов, Мақсұт Омаров, Әбдісалан Нұрмаханов сынды асыл азаматтардың тұрғанын бүгінгі таңда біреулер білсе, біреулер білмеуі де мүмкін.
Спорт • 07 Сәуір, 2022
Талдықорған қаласындағы «Жастар» спорт сарайында самбодан 2004-2005 жылдары туған жасөспірімдер арасындағы Қазақстан біріншілігі өз мәресіне жетті. Бұл жарыста республикамыздың барлық аймағынан келген 400-ден астам балғын балуан бақ сынады. Солардың қатарында халықаралық додаларда дараланған спортшылар да болды.
Спорт • 07 Сәуір, 2022
Бақытжан Байтөреев: Бапкерлерді сырттан іздеудің қажеті жоқ
Сәуір айының соңында Семейде волейболдан әйелдер арасындағы клубтық Азия чемпионатының жалауы желбірейді. Бұл бәсекеде Қазақстанның атынан Өскеменнің «Алтайы» мен Петропавлдың «Қуанышы» сайысқа түседі. Олардан бөлек, Иранның Barij Essence, Таиландтың Diamond Food-Fine Chef Sport Club, Өзбекстанның Jizzakh State Pedagogical Institute және Жапонияның JT Marvelous клубтары өз өнерлерін ортаға салады. Осы жауапты жарыс қарсаңында әйгілі волейболшы, халықаралық дәрежедегі спорт шебері, Қазақстанның еңбек сіңірген жаттықтырушысы Бақытжан Байтөреевпен әңгімелесудің сәті түскен еді.
Спорт • 06 Сәуір, 2022
Әлемдегі ең беделді ұйым – UFC-де өнер көрсетіп жүрген Шавқат Рахмонов жартылай орта салмақтағы үздіктер тізімінде тоғызыншы орында тұрған АҚШ-тың белді спортшысы Нил Мэгниді жекпе-жекке шақырды. Өзінің бұл мәлімдемесін ол Твиттерде жариялады.
Спорт • 06 Сәуір, 2022
Дзюдодан алғаш рет әйелдер арасындағы әлем чемпионаты 1980 жылы АҚШ-тың Нью-Йорк қаласында ұйымдастырылды. Тұсаукесер жарыста Еуропадан келген қыз-келіншектердің мерейі үстем болды. Сарапқа салынған сегіз бас жүлденің үшеуін Аустрия құрамасы олжаласа, Франция, Италия, Ұлыбритания, Бельгия және Нидерландтың балуандары бір-бір реттен дәл сондай құрметке бөленді. Сондай-ақ 1982 жылы Париж, 1984 жылы Вена және 1986 жылы Маастрихте өткен біріншіліктерде де қарт құрлықтың өкілдері үстемдік танытты. 1987 жылы Германияның Эссен қаласында өткен додада Қытайдың мысы басым болды.
Спорт • 04 Сәуір, 2022
Зекен Шаймарданов: Жанкүйерлерімді жерге қаратқан кезім жоқ
Самбоның серкесі Зекен Сүлейменұлы Шаймардановты кезінде барша қазақ жанкүйері құрмет тұтатын. Ұлы Абайдың кіндік қаны тамған киелі топырақта дүниеге келген қазақтың қаршығадай ғана жігіті өткен ғасырдың тоқсаныншы жылдары Азияның алды болып, әлемдік деңгейдегі додаларда атой салды. Спорттық карьерасын аяқтағаннан кейін көпшілік көзінен тасада қалған саңлақпен таяуда кездесудің сәті түсті. Семейде өткен Қазақстан чемпионатын тамашалау үшін спорт кешеніне арнайы атбасын Зекен Шаймардановпен аз-кем әңгімелескен едік.
