Қоғам • 18 Наурыз, 2022
Тұрақтандыру қорында 1 259 тонна өнім бар
Қызылорда тұрақтандыру қорында құны 253,3 млн теңге болатын 1 259 тонна азық-түлік бар. Бұдан бөлек, 4 328,1 тонна ұн, 272 тонна қарақұмық жармасы, 500 тонна күнбағыс майы мен 6 тоннаға жуық сүт жеткізілуде.
Қоғам • 18 Наурыз, 2022
«Отбасы банк» баспанаға жетелейді
Қызылордадағы Өңірлік коммуникациялар орталығында «Отбасы банк» пен БЖЗҚ облыстық филиалдары мамандарының қатысуымен брифинг өткізіліп, онда жеткіліктілік шегінен асатын зейнетақы жинақтарын тұрғын үй жағдайын жақсарту және емделу мақсаттарында қолдану барысы туралы айтылды. Қаржы құрылымы облыстық филиалының директоры Әділжан Сәулебаев алдымен еліміз бойынша осы бағыттағы көрсеткіштерге тоқталып өтті.
Аймақтар • 16 Наурыз, 2022
Қателіктің құны – қайтарылған субсидия
Қызылордадағы облыстық кәсіпкерлік палатасына бір топ кәсіпкер арызданып жатыр. Оған облыстық ауыл шаруашылығы басқармасының 2020 жылы аналық мал басына арналған жемшөп үшін субсидия алған шаруалардан қаржыны бюджетке қайтаруды талап етуі себеп болыпты. Мал бағып отырған ағайынды әрі-сәрі күйге салып қойған бұл шаруаның шеті Ауыл шаруашылығы министрлігі шығарған қағидадағы қателікке барып тіреледі.
Аймақтар • 15 Наурыз, 2022
Ортақ үйдің тірлігі ойласқанда бітеді
Қай шаһардың да тіршілігі туралы сөз қозғала қалғанда «Қала – ортақ үйіміз» деген ұранның айналасында ғана қалып қоятынымыз бар. Кейде әйгілі әл-Фарабидің «Қайырымды қаланың тұрғындарынан» мысал келтіре қоямыз. Бірақ осыдан мың-сан шаруасы түгесілмейтін қала тіршілігіне сеп бар ма? Жалпы облыс орталықтары қалай тіршілік етіп жатыр? Моноқалалар жағдайын жиі айтамыз, ал облыс орталықтарының ахуалы қалай? Мысалы, Қызылорда қаласында көп мәселе Қоғамдық кеңестер арқылы шешімін тауып, оң бастамалар жүзеге асып жатыр.
Аймақтар • 10 Наурыз, 2022
Назым сөздің ширатқан шын жібегін
Қармақшы аудандық мәдениет және тілдерді дамыту бөлімінің К.Рүстембеков атындағы Жыраулар үйі Сыр сүлейі Тұрмағамбет Ізтілеуовтің туғанына 140 жыл толуына орай жырау шығармаларын насихаттау мақсатында «Тұрмағамбет жырлары – жаңа ғасыр көгінде» атты аудандық көркемсөз оқу шеберлерінің байқауын ұйымдастырды.
Экология • 10 Наурыз, 2022
Өткен жылы еліміздің барлық аумағында қуаңшылық байқалып, мал мен жан біраз қиындық көрді. Әсіресе, қыста қар, көктемде жаңбыр тамбаған Арал өңірінде жағдай ауыр болғанын білеміз. Күн жылына көтерем малдың алды қорадан шыға алмай қалды, қаталаған түлік тартылған көл жағасындағы ұйыққа батты. Бірді-екілі малы өле бастағаннан-ақ қарап отырмай қарекетке көшкендер қалғанын көршілес өңірлердегі жайылымдарға жеткізді. Ауданда төтенше жағдай жарияланғаннан кейін мамандар 600-ге жуық малдың шығын болғанын айтып жатты.
Аймақтар • 02 Наурыз, 2022
Қызылордада азық-түлік неге қымбат?
Бұл өзі дүркін-дүркін көтеріліп жүрген ділгір мәселе еді. Әсіресе соңғы уақытта базарлар мен сауда орындары сөресіндегі азық-түліктің қай түрінің де құны көтеріліп, баға шіркін жалына қол тигізбей аспандап-ақ тұр. Көпшілік кешегі қаңтардан кейін газ бен жанар-жағармай бағасының тұрақталғаны базар нарқына да әсер етеді деп күткен. Бірақ үміт ақталмады, керісінше кейбір тауарлардың бағасы еселене түсті.
Экология • 24 Ақпан, 2022
Жуырда Арал ауданындағы Бөген ауылдық округіне қарасты Қарашалаң су айдыны аумағындағы Сағынбай каналында балық шабақтарының қырылу фактісі белгілі болды. Осыған байланысты БАҚ өкілдері үшін баспасөз конференциясын өткізген мамандар бұл оттегінің аздығынан болған деген болжам айтып отыр.
Қазақстан • 24 Ақпан, 2022
Қаратау баурайында қыран қалқып...
Жоғалып кете жаздап барып қайта жанданған құндылықтың бірі – саятшылық. Бабадан қалған мұраны зерттеп жүргендер осыдан 40 жыл бұрын елімізде құс салатын оншақты-ақ адам қалғанын айтады. Ал қазір 200-ге жуық құсбегі бар. Тағы бір айта кетерлігі, бұрынғылар бүркітті ғана баулыған болса, қазіргі жастар арасында қаршыға, ителгі, лашын, бидайық сияқты құстарды қолына қондырғандар көбейген.
Қазақстан • 21 Ақпан, 2022
Мақсат – сайлауға сенім арттыру
Қызылорда облысына жұмыс сапары аясында Орталық сайлау комиссиясының басшысы Нұрлан Әбдіров Сырдария ауданының учаскелік сайлау комиссияларының мүшелерімен, сайланған әкімдермен және ауылдық округ тұрғындарымен кездесті.
