Қаржы • 02 Ақпан, 2023
Қаңтар айының қорытындысы бойынша теңге бағамы 1 доллар үшін 460,52 теңгеге дейін, 0,5 пайызға нығайған. Қазақстан қор биржасындағы сауда-саттықтың бір күндегі орташа көлемі бір айда 141-ден 103 млн долларға дейін төмендеді. Сауда-саттықтың жалпы көлемі 2,1 млрд долларды құрады.
Экономика • 01 Ақпан, 2023
Қазақстан халқының екінші деңгейлі банктерде сақтаған депозитінің көлемі 15,7 трлн теңгені құрады. Бұл сома бір ай бұрынғыдан 566 млрд теңгеге, бір жыл бұрынғыдан 2,8 трлн теңгеге артық. Отандық банк секторы 2020 жылдан бері ауыр сынақтарды (пандемия, геосаяси тәуекел) бастан кешіп жатса да, салымшылардың сенім үдесінен шыға алып тұр.
Экономика • 31 Қаңтар, 2023
Шектеулер шырмауындағы майнинг фермалар
Криптофермаларға қатысты заң күшеймек. Майнинг-фермалар мен криптоөндірушілер енді ресми жұмыс істеу үшін лицензия рәсімдеуге міндетті. Бұған қоса олар корпоративтік табыс салығын төлеуге міндеттеледі. Электр энергиясының тапшылығына байланысты криптофермалардың елдің жалпы энергия жүйесіне қосылуына тыйым салынады. Мұның бәрі 2022 жылдың соңында қабылданған «Қазақстан Республикасының цифрлық активтері туралы» заң жобасында қарастырылған.
Экономика • 30 Қаңтар, 2023
Зейнетақы қоры ірі жобаларды инвестициялайды
Бірыңғай жинақтаушы зейнетақы қорындағы (БЖЗҚ) 500 млрд теңге көлеміндегі зейнетақы активі «Бәйтерек» холдингінің облигацияларына нарық талаптарымен инвестицияланбақ. «Бәйтерек» алғалы отырған БЖЗҚ қаражаты машина жасау, металлургия, тамақ және жеңіл өнеркәсіп, құрылыс индустриясы, инфрақұрылым және басқа да салалардағы ірі жобаларға несие ретінде бағытталмақ. Бұл туралы Ұлттық банк хабарлады.
Экономика • 30 Қаңтар, 2023
1 700 жолаушының өтелген шығыны
Елімізде пойыздардың кешігуі жолаушылар арасында дүрбелең тудырып, көпшілікті толғандырған басты мәселелер қатарына шықты. Жаңа жыл алдындағы 3-4 сағатқа кешігу қазір айналайын болып қалған. 2023 жыл бастала салысымен бірқатар бағыт бойынша пойыздар Астанаға 10-12 сағатқа кешігіп келіп жатты. Жекелеген адамдардың куәлігі мен әлеуметтік желідегі жазбалардан аңғарғанымыз – өзге өңірлердегі ахуал да оңып тұрған жоқ.
Аймақтар • 27 Қаңтар, 2023
Еліміздің батыс өңірінде Ақтөбе – Қандыағаш – Мақат жол учаскесін жөндеу жұмыстары жалғасып жатыр. Қандыағаш – Мақат учаскесінде негізгі жұмыстар аяқталып, биыл аталған бағытта жол қозғалысы ашылады деп жоспарланған. Сонымен қатар ұзындығы 96 шақырым болатын Ақтөбе – Қандыағаш учаскесінде де қызу жұмыс жүріп жатыр.
Экономика • 26 Қаңтар, 2023
2023 жылдың 20 қаңтарындағы жағдай бойынша банктер теңгедегі салымдар бойынша өтемақы (сыйлықақы) төлеуге 304,4 млрд теңгеге өтініштер қабылдады. Бұл мемлекет тарапынан төленуге жататын өтемақының әлеуетті сомасының 92,3 пайызын құрайды.
Экономика • 26 Қаңтар, 2023
Соңғы үлгідегі смартфонға деген халық сұранысы жаппай өссе, онда оның бағасы қымбаттай түседі. Өйткені сұраныс бар. Оған қандай баға қойсаң да сатылады. Ал халық алмай қойса ше? Не болмаса, алуды азайтса, яғни сұраныс төмендесе. Жоқ, сонда да әлгі тауарыңыздың бағасы тым қатты арзандай қоймайды. Жұрт қазір азық-түлікті де, киім-кешекті де баяғыдай топырлатып алмайды. Көлік пен пәтер жайын сөз етпей-ақ та қоялық. Соған бола «сылқ» етіп құлап жатқан бағаны көрмейміз.
Экономика • 26 Қаңтар, 2023
Қаржы пирамидасы шығынға батырды
Елімізде «Қаржы пирамидасын құру және жетекшілік ету», яғни Қылмыстық кодекстің 217-бабы бойынша қозғалатын қылмыстық іс саны біртіндеп азайып келе жатыр. 2020-2021 жылмен салыстырғанда полицияға қаржы алаяқтарының үстінен арыздану дерегі әжептәуір азайды дейді сарапшылар. Сөйтсе де, қаржы пирамидасы салдарынан келген шығын әлі де үлкен көлемде қалып отыр.
Экономика • 26 Қаңтар, 2023
Тау-кен саласындағы қатаң талаптар
Осы жылдың соңына дейін жалпы құны 1,1 трлн теңгеге 16,3 мың тұрақты жұмыс орнын ашуды көздейтін 149 жаңа жобаны іске асыру жоспарланып отыр. Бұл ретте орта және жоғары бөліністегі өнімдерді өндіру мақсатында өнеркәсіптік даму саласындағы қолданыстағы заңнаманы жетілдіру де өте маңызды. Индустрия және инфрақұрылымдық даму министрлігі 2023 жылы осындай іргелі жұмыстарды атқаруға баса көңіл бөлмек. Ведомство күш салатын шаруа тізбегі өте мол. Соның ішінде транзиттік әлеуетті арттыру, жер қойнауын пайдалану мәселесінде қатаң талаптар енгізу және құрылыс саласындағы өзгерістерді ерекшелеп атауға болады.
