Қазақстан • 01 Наурыз, 2023
Осыдан бірер күн бұрын отандық жүк көліктерінің Польша территориясында қаңтарылып қалғаны туралы ақпарат тарады. Польша өз шекарасы арқылы транзит жолын жапқаннан кейін 150-ден астам қазақстандық жүк көлігі қозғала алмай қалды. 21 ақпаннан бастап Варшава уақыты бойынша сағат 19.00-де Польша-Беларусь «Кукурики-Козловичи» шекаралық өткелінде жүк көліктерінің қозғалысына тыйым салынған. Олар – Еуроодақ елдерінен Қазақстанға түрлі тауар әкеле жатқан көліктер. Аталған тыйым Польша Республикасы және Еуропалық Одаққа мүше елдер, Еуропалық еркін сауда қауымдастығы (Eat), Еуропалық экономикалық кеңістік туралы келісімге мүше елдерге және Швейцария Конфедерациясында тіркелген көлік құралдарына әсер етпейді. Мәселенің мәні ЕО-ның РФ-ға қарсы жариялаған 10-шы санкциялар пакетінде жатқаны да жасырын емес.
Қаржы • 28 Ақпан, 2023
Шетелден алған қаржы қайда жұмсалды?
Қазақстан соңғы 15 жылда халықаралық даму институттарынан 14,4 млрд доллар қаржы алған. Қаражат негізінен экономикада реформалар жасауға, шенеуніктерді оқытуға және түрлі инфрақұрылымдық жобаларды жүзеге асыруға берілген. Халықаралық институттар мақұлдаған тәуелсіз қаржыландыруды иемдену бойынша Қазақстан Еуразия өңірінде екінші орынға (Өзбекстаннан кейін) ие.
Несие • 27 Ақпан, 2023
Шағын бизнестің несиеге сұранысы төмендеді
Ұлттық банк IV тоқсанда банктер арасында жүргізілген сауалдама қорытындысын жариялады. Сауалдамаға екінші деңгейлі 19 банк қатысты. Шағын және орта бизнеске несие беру шарттарының қатаңдауына байланысты бизнес тарапынан кредитке сұраныс төмендеген. Несие шартының қатаңдауы сыйақы мөлшерлемесінің өсуіне байланысты болып отыр.
Экономика • 27 Ақпан, 2023
Applied Economics Research Centre (AERC) болжамынша, елімізде инфляцияның шарықтау шегі ақпан айында тіркелуі мүмкін. Бірақ әрі қарай қымбатшылық деңгейі біртіндеп баяулайды дейді отандық сарапшылар. Биыл қаңтарда инфляция деңгейі 20,7 пайыз болды. Елдегі баға өсіміне негізінен азық-түлік тауарлары (+25,7 пайыз) үлес қосты. AERC сарапшыларының айтуынша, жыл басталғалы жүріп жатқан сыртқы факторлар инфляция үшін керағар сипатқа ие болып отыр.
Экономика • 26 Ақпан, 2023
Базалық мөлшерлеме өзгеріссіз қалды
Ұлттық банк базалық пайыздық мөлшерлемені жылдық 16,75 пайыз деңгейінде сақтау туралы шешім қабылдады. Жаңартылған болжам, деректерді талдау, инфляция тәуекелдерінің балансын бағалау осы шешімге негіз болған. «Геосаяси жағдай және оның қалай аяқталарының әлі де белгісіз күйде қалуына, азық-түліктің әлемдік бағасының түспей тұрғанына байланысты проинфляциялық факторлар сақталып отыр», деп мәлімдеді Ұлттық банк.
Экономика • 24 Ақпан, 2023
Үмітті ақтамай тұрған үлестік құрылыс
2022 жылдың қорытындысы бойынша ел аумағында 15,4 млн шаршы метр тұрғын үй салынды. Жалпы, құрылыс саласының ішкі жалпы өнімдегі үлесі 5,1 пайызды құрап (2021 жылы – 4,3 пайыз), еңбек өнімділігі 4,2 пайызға артқан.
Экономика • 23 Ақпан, 2023
Экспорттық мұнайды есептеу формуласындағы Urals бағасы қазақстандық сортты KEBCO (Kazakhstan Export Blend Crude Oil) бағасына ауысатын болды. Сонымен қатар ашық түсті мұнай өнімдеріне экспорттық кедендік баж салығын түзету коэффициенті 0,3-тен 1-ге өзгерді. Осылайша, ашық түсті мұнай өнімдерінің ставкасы мұнай баж салығымен теңестіріледі. Қазақстан мұнайының атауы санкцияға ұшыраған ресейлік Urals-тың зардабы тимес үшін ауыстырылып отыр.
Қоғам • 23 Ақпан, 2023
Орталық Азия-Кавказ: қаржы тәуекелі
Қаржы нарығында аналитикалық зерттеулер жасаумен айналысатын S&P Global Ratings халықаралық агенттігі Еуропадағы әлсіз экономикалық перспективаны және әлемдегі тұрақсыз қаржылық ахуалды ескере отырып, биыл дамушы елдердің банк саласын аса күрделі жыл күтіп тұр деп болжайды. Бірақ Орталық Азия және Кавказ елдерінің банк секторы туындауы мүмкін сын-қатерлерге қарсы біршама орнықтылық танытпақ. Агенттік сарапшылары Армения, Әзербайжан, Грузия, Қазақстан және Өзбекстан елдеріндегі жайлылық сақталады, тиісінше банктер жаңа бизнесінің көлемін еселеп, активтер сапасын арттыра бастайды деп күтеді.
Қазақстан • 23 Ақпан, 2023
Жүк тасымалын ұйымдастыру жеңілдейді
Қазақстан жүк тасымалдаушыларының ірі тапсырыстар қабылдауына мүмкіндігі бар. ATI.SU жүк тасымалы биржасының хабарлауынша, енді пайдаланушылар цифрлық тендерге қатыса алады. Аталған тендер аясында жүк иеленуші компаниялар конкурстық негізде ірі тапсырысты орындайтын мердігерлерді таңдайды.
Қоғам • 23 Ақпан, 2023
Былтыр өмірді сақтандыру компанияларының (ӨСК) негізгі көрсеткіші өсім көрсетті. Саладағы компания активтері 919,5 млрд теңгеге жеткен. Бұл 2021 жылдың көрсеткішінен 139,9 млрд-қа немесе 17,9 пайызға жоғары. Тиісінше, тек өмірді сақтандыру саласындағы компаниялардың активі бүкіл сектордағы активтің 44,5 пайызын құрайды.
