Қаржы • 30 Желтоқсан, 2022
Соңғы бір жылымызға көз жіберіп, көңіл тоқтатсақ, сөздік қорымыздың рейтингі шамамен былай түзілер еді – қаңтар, бизнес, Украина, КТК, банк, кредит, инфляция, базалық ставка, релокация, мобилизация, IPO. Жыл қаңтар қасіретімен басталды, іле-шала Ресей Украинаға басып кірді, бұл Қазақстан экономикасына алапат кесірін тигізді. Салдарынан инфляция шарықтады, банк несиелері қымбаттай түсті. Базалық ставка бірнеше рет көтерілді. Қазақ мұнайының 90 пайызға жуық көлемін экспорттап отырған Каспий құбыр консорциумы (КТК) әлсін-әлсін жұмысын тоқтатты. Қазақстан балама экспорт маршрутын іздеуге белсене кірісті... Одан бері Ресейде ішінара мобилизация басталып, РФ азаматтары Қазақстанға ағылды. Үкімет Президент тапсырмасымен Ресейден кетіп жатқан компаниялар релокациясын жүзеге асыруға кірісті. Одан бері де халықтың несие тұтқынына түскені көп айтылды. Желтоқсанда «ҚазМұнайГаз» IPO-сы өткізілді. Стрестік активтер мәселесі мен жеке тұлғалар банкроттығының ау-жайы келер жылдың басында толық белгілі болмақ. Міне, жылдың қысқаша қаржы-экономикалық картинасы осындай.
Экономика • 29 Желтоқсан, 2022
Қазақ экономикасының басты, жаһан экономикасының жанама қуаты саналатын мұнайдың бағасы кейінгі кезде тұрақ таппай кетті. Қазіргі бағасы біз қуанатындай деңгейде емес. Өткен аптада лондондық ICE Futures биржасында Brent мұнайының ақпандағы фьючерстерінің құны барреліне 79,91 доллар болды. Нью-Йорк тауарлық биржасындағы WTI мұнайының бағасы барреліне 75,62 доллар болып бекіді.
Экономика • 28 Желтоқсан, 2022
Биыл басталған жылдық 4 пайызбен автонесие беру бағдарламасы 2023 жылғы қаңтардың екінші жартысында қайта жалғасады. Жеңілдетілген несие беру жобасы револьверлік механизм негізінде жүзеге асырылмақ. Қазақстан даму банкі хабарлағандай, бағдарламаға қатысатын екінші деңгейлі банктер қазір қарызды ай сайын төлеп отырған тұрғындардан түскен төлемді жинақтап жатыр.
Аймақтар • 27 Желтоқсан, 2022
Алматы облысы тұрғындарының салық берешегі қанша?
Биыл 23-25 желтоқсан күндері Алматы облыстық Мемлекеттік кірістер департаментінің бастамасымен азаматтардың салық берешегін тексеру шарасы басталды. Іс-шара облыстық Ішкі істер департаменті және Жеке сот орындаушылар палатасымен бірлесе ұйымдастырылды. Бастама аясында «Борышкер» рейдтік іс-шарасы Іле және Талғар ауданы маңындағы республикалық маңызы бар күре жолдың бойында өткізілді, деп хабарлайды Egemen.kz.
Қаржы • 27 Желтоқсан, 2022
Елімізде микроқаржы ұйымдарының әлеуеті артып келе жатыр. Бір жылда МҚҰ активтері 55 пайызға, ал несие беру көлемі 58 пайызға өсім көрсеткен. 2022 жылдың маусымындағы дерек бойынша елімізде 243 МҚҰ жұмыс істейді. Бұл 2021 жылдың көрсеткішімен салыстырғанда 12 пайызға көп.
Технология • 21 Желтоқсан, 2022
Смартфондардың 6 пайызы ғана 5G-ға сай
2022 жылдың қарашасындағы жағдай бойынша елімізде ең танымал мобильді телефон атағын Samsung смартфоны жеңіп алған. Statcounter GlobalStats дерегіне қарағанда, оның нарықтағы үлесі 35,6 пайызды құрайды. Басты бәсекелес – Apple үлесі 21,1-ден 24,1 пайызға өскен. Үштікті түйіндейтін қытайлық Xiaomi брендінің үлесі 15,9-дан 19,4 пайызға өскен.
Қаржы • 20 Желтоқсан, 2022
Ұлттық экономика және базалық мөлшерлеменің өзгеруі
Кейінгі бірнеше ай бойы базалық мөлшерлеменің инфляциямен күресте негізгі құралға айналғаны белгілі. Ұлттық банктің хабарлауынша, базалық пайыздық мөлшерлеменің өсуі кредитті қымбат етеді, ал халықтың несиені азырақ алуы түрлі тауарға деген сұранысты төмендетеді. Сөйтіп, инфляция баяулауға тиіс. Әзірге бұл амал өз жемісін беріп жатқан жоқ. Дегенмен Ұлттық банк базалық мөлшерлемені өсіру саясатының ұзақмерзімді перспективада жемісті болатынын меңзейді.
Қаржы • 20 Желтоқсан, 2022
Шағын бизнестің ауқымы кеңейді
Кейінгі бір жыл ішінде елдегі шағын бизнес кәсіпорындарының саны 10 пайызға көбейген. Солардың ширегінен астамы сауда және автожөндеу саласындағы кәсіп нысандары екен. 2022 жылдың қарашасының басындағы жағдай бойынша елде 496,3 мың шағын кәсіпорын тіркелген. Бұл – былтырғымен салыстырғанда 5,4 пайызға жоғары көрсеткіш. Соның ішінде шынымен жұмыс істеп тұрған кәсіпорын саны 379 мың. Бұл тұрғыдан да 2021 жылдың қазанымен салыстырғанда 11,4 пайызға ілгерілеу бар.
Экономика • 19 Желтоқсан, 2022
Ай өткен сайын халықтың несие берешегі алаңдатарлық ахуалға айналып бара жатыр. Жақында Мәжіліс депутаты Александр Милютин депутаттық сауал жолдап, онда жастардың несие жүктемесі жайлы мәселе көтерді. Депутаттың айтуынша, қазір студенттердің жартысынан көбі микронесие ұйымдарына қарыз.
Экономика • 16 Желтоқсан, 2022
Экономикаға несие беруге не кедергі?
Сарапшылар «несие беру – экономикалық өсімнің басты себепкері» дейді. Рас, несие арқылы экономика өседі. Бизнесін тұралатып алмау үшін жаһандағы аса үлкен корпорациялардың өзі несие рәсімдейді. Қазақстанда экономикасын кібіртіктетіп тұрған фактор көп-ақ, соның бірі де бірегейі – несие берудің дұрыс механизмінің әлі де болса қалыптаспай тұрғандығы.
