![Абай АЙМАҒАМБЕТ](/media/2023/03/28/2022_09_09_2022_08_22_abay-qazbekuly.jpg?width=300&height=300)
Экономика • 25 Қараша, 2022
Ауыл шаруашылығы министрлігінің хабарлауынша, биыл қазақстандық күріш өсірушілер 486,9 мың тонна аршылмаған (шала) күріш жинаған. Рефракцияны ескере отырып, жалпы көлемі 442,5 мың тоннаны құрады. Шала күріштен күріш жармасының шығымдылығы – 50 пайыз. Өңдеуден соң қоймаларға шамамен 221,2 мың тонна түспек.
Бизнес • 24 Қараша, 2022
Ұлттық банктің III тоқсанындағы кредиттеу бойынша екінші деңгейлі банктер арасында жүргізген сауалдамасына сәйкес шағын және орта бизнес тарапынан несиеге сұраныс біршама өсті. Ал ірі бизнес тарапынан банк кредитіне деген сұраныс айтарлықтай жоғары емес. Шағын бизнес тарапынан несиеге сұраныстың артуы, негізінен, ірі банктерде байқалған.
Қаржы • 24 Қараша, 2022
Қазақстанда жыл соңына дейін жаңа ипотекалық бағдарлама жариялануы мүмкін. Индустрия және инфрақұрылымдық даму министрлігінің хабарлауынша, қазір ведомство мен «Қазақстан тұрғын үй компаниясы» және мүдделі мемлекеттік органдар жұмыс істеп жатыр. Биыл жыл басында ҚТК жылдық пайыздық мөлшерлемесі 12,5 пайыз болатын, орта класс үшін арнайы бағдарламаны таныстырған еді.
Қаржы • 24 Қараша, 2022
Инфляция үрейін болдырмау шарасы
Ұлттық банктің хабарлауынша, қазір Үкіметпен бірлесіп қолға алған инфляция деңгейін бақылау және төмендету шаралары жүзеге асырылып жатыр. Құжатта өндіріс көлемін ұлғайту, сақтау, тауарлар мен көлік логистикасы, тауарлардың бөлшек саудасы, бағаны бақылау, монополияға қарсы және сыртқы сауданы реттеу, жүйелі шаралар сияқты негізгі бес бағыт бойынша жұмыс қарастырылған. Бұдан бөлек, Үкіметтің әлеуметтік маңызы бар өнімдерге бағаны тұрақтандыру жұмыстарын да жүргізіп отырғаны белгілі. Ұлттық банк төрағасының орынбасары Ақылжан Баймағамбетовтің айтуынша, қазір Үкіметтің инфляцияны бақылау тәсілін атаулы әлеуметтік көмекке өзгерту мәселесі талқыланып жатыр.
Қаржы • 22 Қараша, 2022
Жаңа инвестициялық мүмкіндіктер
Жыл басынан бері отандық қор нарығына капиталдың әлемдік нарықтарындағы құбылмалылық пен монетарлық саясаттың қатаңдатылуы әсер етті. Бұл нарықты жиынтық капиталдандыруды 13%-ға 38,2 трлн теңгеге дейін қысқартты және борыштық қаржыландыруды 35%-ға 443 млрд теңгеге дейін төмендетті. Бұл ретте нарықтың өзге де көрсеткіштері оң серпінді көрсетуді жалғастырды. Атап айтқанда, Қазақстан қор биржасында 2022 жылғы 9 айда сауда-саттықтың жиынтық көлемі 193,6 трлн теңгені құрап, бұл өткен жылғы ұқсас көрсеткіштен 69,4%-ға артық болған.
Қаржы • 22 Қараша, 2022
Экономикаға несие берудегі мәселелер
Экономикаға кредит беруді шешу біржақты қаралатын мәселе емес. Бұл ретте Үкімет, Ұлттық банк және Қаржы нарығын реттеу және дамыту агенттігі тізе қосып жұмыс істеуі шарт. Дегенмен экономикаға несиені ұсынатын басты институт банктер болғандықтан, олармен тікелей жұмыс істейтін агенттік пікірін білу маңыздырақ. Қайткенмен, агенттік банктердің жай-күйін жақсы біледі, оларды қадағалап, тексереді, әрбір қаржы институтының әлеуетінен хабардар.
Қаржы • 22 Қараша, 2022
Кепілсіз кредит: Сыйақы мөлшерлемесін төмендету кімге тиімді?
Қазақстанда жылдық тиімді сыйақы мөлшерлемесін (ЖТСМ) 56-дан 40 пайызға дейін төмендету ұсынылды. Мұндай ұсынысты Halyk Bank басқарма төрағасы Үміт Шаяхметова Алматыда өткен X Қаржыгерлер конгресінде мәлімдеді. 2011 жылдан бері елімізде ЖТСМ барлық банк займдары мен микронесиелер бойынша 56 пайыз болған еді. 2021 жылдың жазында кепілмен берілетін кредиттер үшін ЖТСМ 40 пайызға, ипотека бойынша 25 пайызға, 45 күн мерзімге 50 АЕК сомасына дейін ұсынылатын кепілді микронесие бойынша 30-дан 20 пайызға дейін төмендетілген болатын. Ал кепілсіз тұтынушылық несие және микроқаржы ұйымдарының несиелері 56 пайыз деңгейінде қала берді. Ү.Шаяхметова осы соңғы 56 пайызды да 40 пайыз қылуды ұсынып отыр.
Қаржы • 17 Қараша, 2022
Сыртқы факторлардың әсерінен елімізде экономикалық өсім 2021 жылмен салыстырғанда 4-тен 2,8 пайызға дейін баяулап қалды. Экономикалық белсенділіктің төмендеуі, сондай-ақ инфляцияның жеделдеуі және ақша-несие саясатының біршама қатаңдатылуы қаржы нарығындағы барлық секторға, әсіресе қор нарығы мен банк секторына қысым жасады. Қаржы нарығын реттеу және дамыту агенттігінің хабарлауынша, базалық ставканың жоғарылауы корпоративтік облигациялар, сол сияқты мемлекеттік бағалы қағаздар бойынша барлық борыштық бағалы қағаздың қорландыру құнын ұлғайтқанымен, шағын және орта бизнес субъектілері үшін несие тартудың қолжетімділігін төмендетті.
Қаржы • 17 Қараша, 2022
Азаматтарды 10 пайыз өтемақы алуға шақырды
Қазақстанның депозиттерге кепілдік беру қорының төрағасы Әділ Өтембаев теңгелік депозиттер бойынша 10 пайыз көлеміндегі өтемақы (сыйақы) бағдарламасының жүзеге асырылуына қатысты пікір білдірді. Оның сөзіне қарағанда, өтемақы өтініш берушілердің белсенділігі төмен. Бұл туралы Алматыда өткен «Қазақстан қаржыгерлерінің Х конгресі» аясында айтылды.
Қаржы • 16 Қараша, 2022
Пайызы төмен автонесие жалғасады
Жылдық мөлшерлемесі 4 пайызбен автонесие беретін жеңілдетілген бағдарлама биыл 20 қарашадан бастап қайта жалғасады. Өнеркәсіпті дамыту қорының хабарлауынша, қазір мамандар процесс ашық болу үшін тек онлайн өтінім қабылдайтын арнайы порталдың жұмысын тексеріп жатыр. Өтінім беру алгоритмі кейінірек белгілі болмақ.