Спорт • 13 Маусым, 2022
Бұл күндері Оңтүстік Кореяның астанасы – Сеулде семсерлесу мен қылыштасудан Азия чемпионаты өтіп жатыр. 15 маусымда мәресіне жететін Сары құрлық бәсекесінде 20 елдің спортшылары өнер көрсетуде.
Теннис • 13 Маусым, 2022
Өзбекстанның Ташкент қаласында ұйымдастырылған теннистен 12 жасқа дейінгілер арасындағы Орталық Азия аймағының командалық біріншілігі мәресіне жетті.
Бокс • 13 Маусым, 2022
Орта салмақта өнер көрсететін қазақстандық боксшы Мейірім Нұрсұлтанов (17-0, 8 КО) кәсіпқой бокстағы кезекті кездесуін аргентиналық боксшымен өткізіп, жыл басында жеңіп алған WBO International белдігін бірінші рет қорғады. Сонымен қатар Ақтауда ұйымдастырылған аталған бокс кешінде 2019 жылғы әуесқой бокстан әлем чемпионы, бүгінде кәсіпқой бокс шаршы алаңында өнер көрсетіп жүрген жартылай ауыр салмақтағы Бекзат Нұрдәулетов (5-0, 1 КО) кезекті рейтингтік жекпе-жегінде қарсыласынан басым түсті.
Спорт • 12 Маусым, 2022
УЕФА Ұлттар лигасының «С» дивизионында өнер көрсетіп жатқан футболдан Қазақстан құрамасы топтық кезеңнің үшінші тур ойынын сырт алаңда Беларусь футболшыларымен өткізіп, алғаш рет «ақорыстармен» ресми матчта ұпай бөлісті. Сербияның Нови-Сад қаласындағы «Караджордже» стадионында өткен ойын 1:1 есебімен тең аяқталды.
Бокс • 10 Маусым, 2022
Боксшыларымыз АҚШ-та атой салды
Кейінгі жылдары кәсіпқой бокста өнер көрсетіп жүрген қазақстандық жас боксшылардың бір шоғыры қалыптасып үлгерді. Көрсетіп жүрген нәтижелері де, жеткен жетістіктері де көңіл қуантады. Василий Жиров, Геннадий Головкин секілді әлемдік деңгейдегі жұлдыз боксшылардың жолымен келе жатқан отандық бокстың оғландары аз уақытта мамандардың көзіне түсіп үлгерді. Олардың алды мұхиттың арғы бетіндегі алпауыт компаниялардан шақырту алып, АҚШ төрінде жұдырықтасып жүр. Өзгелері қазақстандық мамандардың қасында жүріп-ақ чемпиондық белбеуге «ақырын жүріп, анық басып» жетуді мақсат тұтқан.
Футбол • 10 Маусым, 2022
Футболдан Қазақстан ұлттық құрамасы бүгін Ұлттар лигасының «С» тобындағы үшінші тур ойынын сырт алаңда Беларусь құрамасымен өткізеді. Матч УЕФА шешіміне сәйкес бейтарап аймақта, яғни Сербияның Нови-Сад қаласындағы «Караджордже» стадионында ұйымдастырылады. Әлемдегі саяси жағдайға байланысты УЕФА Беларусь құрамасына өз елдерінде халықаралық турнирлерді өткізуге тыйым салған болатын.
Футбол • 08 Маусым, 2022
Футболдан Қазақстан ұлттық құрамасы Ұлттар лигасының алғашқы сенсациясын тіркеді. Турнирдің екінші туры аясында сырт алаңда Словакиямен кездескен жерлестеріміз Трнавада алаң иелерінен 1:0 есебімен басым түсіп, «С» лигасының үшінші тобында алты ұпаймен жеке-дара көш бастады.
Спорт • 07 Маусым, 2022
Андрей Голубев: Мақсатым – жыл соңына дейін ТОП-10 спортшының қатарына ену
Теннистен жұптық сындағы Қазақстанның бірінші ракеткасы Андрей Голубев «Ролан Гаррос» жарысынан кейін бірнеше күнге Қазақстанға келді. Елге келген бойда журналистермен тілдескен ол алдағы турнирлерге дайындығы мен биылғы бірінші жарты жылдықтағы нәтижелеріне тоқталып, алдағы жоспарлары туралы ойын ортаға салды.
Хоккей • 07 Маусым, 2022
Шайбалы хоккейден элиталы дивизионның келесі жылғы әлем чемпионаты бірден екі елде – Латвия мен Финляндияда ұйымдастырылатын болды. Сәйкесінше топтық кезеңнің ойындары да Хельсинки мен Ригада өтеді деп жоспарланған.
Футбол • 07 Маусым, 2022
Футзалдан тек Қазақстанның ғана емес, Еуропаның үздік командаларының бірі саналатын Алматының «Қайраты» кезекті рет ел чемпионатында топ жарды. 2003/2004 жылғы футзал маусымынан бері бірде-бір командаға жеңілмей, бас жүлдені ешкімге бермей келе жатқан «Қайрат» өткен жексенбіде Қазақстан біріншілігіндегі 19-шы чемпиондығын тойлады. Финалда футзалдан Қазақстанның тұңғыш чемпионы «Аятпен» кездескен алматылықтар плей-офф кезеңінің үш ойынында да қарсыластарын қапы қалдырды.
