Теннис • 29 Мамыр, 2022
Қазақстандықтар үшін «Ролан Гаррос» аяқталды
Франция астанасы – Парижде өтіп жатқан теннистен «Үлкен дулыға» санатына жататын «Ролан Гаррос» турнирі қазақстандық теннисшілер үшін өз мәресіне жетті. Франция ашық біріншілігінің негізгі кезеңінде өнер көрсетуге мүмкіндік алған Қазақстанның бес өкілі жарыстың алғашқы аптасында-ақ жекелей сында да, жұптық бәсекеде де жеңіліп, Париж корттарындағы жорықтарын аяқтады.
Спорт • 27 Мамыр, 2022
«Джиро д’Италия» мәресіне таяп қалды
Италия тас жолдарында өтіп жатқан велоспорттан «Джиро д’Италия» велокөпкүндігінің 17-кезеңі аяқталды. 168 шақырымға созылған таулы кезеңде Сантьяго Буйтраго топ жарды.
Футбол • 27 Мамыр, 2022
Италияның «Рома» клубы былтыр жазда тұсауы кесілген футболдан Конференция лигасының алғашқы жеңімпазы атанды. Римдіктер финалда Нидерландтың «Фейеноорд» клубынан 1:0 есебімен басым түсті.
Теннис • 27 Мамыр, 2022
Теннистен Қазақстан әйелдер құрамасының капитаны Ярослава Шведова америкалық Ваня Кингпен бірге «Үлкен дулыға» санатындағы «Уимблдон» турнирі аясында өтетін Ladies lnvitational Doubles жарысына қатысады.
Спорт • 26 Мамыр, 2022
Балғын спортшылар «Министр кубогын» сарапқа салды
Елордадағы Жақсылық Үшкемпіров атындағы жекпе-жек сарайында Мәдениет және спорт министрінің кубогына арналған алғашқы ірі турнирдің финалдық кезеңі өтті. Қазақтың даңқты балуаны, Мәскеу Олимпиадасы чемпионының есімі берілген зәулім спорт кешенінде еліміздің олимпиадалық спорт интернаттары мен колледждерінің 2006-2007 жылдары туған жасөспірім спортшылары екі күн бойы жанкүйерлерге тамаша спорттық мерекені ұсынды.
Кәсіпқой бокс • 26 Мамыр, 2022
Головкин-Альварес: Трилогия қыркүйекте өтеді
Орта салмақтағы IBF және IBO нұсқалары бойынша әлем чемпионы Геннадий Головкин (42-1-1, 37 КО) мен супер орта салмақта әлемнің абсолютті чемпионы мексикалық Сауль «Канело» Альварес (57-2-2, 39 КО) қыркүйек айында үшінші жекпе-жектерін өткізетін болды. Бұл туралы алыптар айқасын тікелей эфирде көрсететін DAZN стриминг платформасы мен боксшылардың өздері әлеуметтік желідегі парақшаларында ресми түрде мәлімдеді.
Спорт • 26 Мамыр, 2022
Қазақстандық балғын спортшылар Францияның солтүстігіндегі Нормандия өңірінде ұйымдастырылған 16-18 жас аралығындағы мектеп оқушылары арасындағы Гимназиадаға тұңғыш рет қатысып, елімізге табысты оралды. Әлемнің 64 мемлекетінен келген 4 мыңға жуық жасөспірім 17 спорт түрінен және 3 паралимпиада бағдарламасында сынға түсті. Жерлестеріміз дүниежүзілік Гимназия ойындарына алғаш рет қатысса да, жарыс қорытындысында 85 медаль (32 алтын, 32 күміс, 21 қола) жеңіп алды. Сөйтіп, жалпыкоманалық есепте үздік үштікке енді.
Спорт • 26 Мамыр, 2022
Суперфиналда 5 медаль жеңіп алды
Грекия астанасы – Афинада әртістік жүзуден Әлем кубогының суперфиналы аяқталды. Жергілікті «Спирос Луис» су спорты орталығында өткен дүбірлі додада әлемнің 23 елінен келген ең мықты деген 137 спортшы шеберлік байқасты.
Хоккей • 24 Мамыр, 2022
Шайбалы хоккейден Қазақстан ұлттық құрамасы кеше Финляндия астанасы – Хельсинкиде ұйымдастырылған әлем чемпионатының топтық кезеңіндегі соңғы ойынын өткізді. Жерлестеріміз Хельсинкиде орналасқан 10 мыңға жуық жанкүйер сыятын «Мұз сарайы» мұзайдынында жеті кездесу өткізіп, біреуінде ғана жеңіске жетті. Сөйтіп, өзінің элиталы дивизиондағы орнын сақтап қалды. Ал бұған дейін Дания құрамасынан (1:9) ірі есеппен ұтылса, кейінгі турларда Франция (1:2), Швейцария (2:3), Канада (3:6) және Словакия (3:4) құрамаларынан жеңіліп қалған еді.
Хоккей • 23 Мамыр, 2022
Финляндияда басталған шайбалы хоккейден элиталы дивизионның әлем чемпионатында өнер көрсетіп жатқан Қазақстан құрамасы қатарынан бесінші турда жеңілді. Жерлестеріміз топтық кезеңнің алғашқы бәсекелерінде Дания (1:9), Франция (1:2) және Швейцария (2:3) құрамаларына жол берсе, кейінгі екі турда да Канада мен Словакия хоккейшілерінен ұтылып, тағы да ұпайсыз қалды. Ал бұл кезеңде Италия және Ұлыбритания құрамалары чемпионаттағы алғашқы ұпайларына қол жеткізді.
