Азамат ЕСЕНЖОЛ
Азамат ЕСЕНЖОЛ«Egemen Qazaqstan»
511 материал табылды

Абай • 05 Қазан, 2022

Тоғысбаевтың «Абайы»

Қазақ бейнелеу өнерінде хакім Абай атамыз­дың бейнесін бояу түсімен сөйлет­пеген қыл­қалам шеберлері кемде-кем. Және олар­дың бәрінде де ақын тұлғасы әр қырынан бейнеленіп, айшықты сомдалған. Сондай жұртшылық көңілінен шыққан туындының бірі, көрнекті суретші Тоқболат Тоғысбаевтың «Абай» портреті.

Таным • 05 Қазан, 2022

Корей балаларының киімі

Астанадағы Тұңғыш Президент кітапханасында «Ата-ана жүрегінің мейірімі» атты корей дәстүрлі балалар киімі көрмесінің ашылуы өтті.

Өнер • 04 Қазан, 2022

Жас композиторлар жарысы

Астанада Мәдениет және спорт министрлігінің қолдауымен «New Music Generation 2022» атты ІV халықаралық композиторлар байқауы басталды.

Руханият • 25 Қыркүйек, 2022

«Артық білім – кітапта...»

Алаш ардақтысы Міржақып Дулатұлы өткен ғасыр басында: «...Әдебиеті жоқ халықтың дүниеде өмір сүруі, ұлттығын сақтап ілгері басуы қиын. Әдебиеті, тарихы жоқ халықтар басқаларға сіңісіп, жұтылып жоқ болады. Қай жұрттың болса да жаны – әдебиет, жансыз тән жасамақ емес», деп айтқан осы бір ұлағатты сөзінен қазақтың қаншама ғасыр бойы түрлі теперіш пен зобалаңды көрсе де ұлттық болмысы мен рухын жоғалтпауының негізі құнарлы әдебиетімізде жатқанын түсінеміз. Әдебиетіміздің бар асылы кітапта. Бір кезде халқымыз кітапқұмар ұлтқа айналды. Ақын-жазушылардың мыңдаған тиражбен жарық көрген шығармалары әп-сәтте тарап, оқырман қолында жүрді. Қазір осы қасиетіміз сақталып қалды ма, нақты айта алмаймыз. Өйткені қоғам, уақыт өзгерді. Құндылықтар алмасты. Алайда кітаптың орны, қадір-қасиеті бөлек. Кітапты пір тұтқан ұлт алға шығып, өркениет даңғылында көш бастады. Бүгінде Батыс елдері кітап оқуға қайта бет бұрды. Бізде бұл үрдіс байқала ма? Осы ретте жазушы, фиология ғылымдарының докторы, профессор Серік Асылбекұлы, ақын, журналист Қонақбай Саттаров, фрилансер аудармашы Динара Мәзен, жазушы, әдеби байқаулардың лауреаты Жадыра Шамұратова, «Қазына» кітап дүкендері желісінің басшысы Алмас Шәйкен дөңгелек үстел мәжілісінде тақырыпқа қатысты бірқатар мәселені талқылап, ой-пікірлерін ортаға салды.

Қазақстан • 25 Қыркүйек, 2022

Академик тұрған үйге ескерткіш-тақта орнатылды

Астанада аса көрнекті әдебиет­та­нушы ғалым, сыншы, Ұлттық ғылым акаде­мия­сының академигі, Мемлекеттік сый­лықтың лауреаты Серік Қирабаевтың 2009-2021 жылдары тұрған Ш.Қалдаяқов 2 мекен­жайындағы үйіне ескерткіш-тақта қойылды. Мазмұнды іс-шараға Пар­ламент депутаттары, зиялы қауым өкіл­дері және академиктің отбасы мен шәкірт­тері қатысып, ұзақ жыл­дар жоғары білім мен ғылым сала­сында еңбек етіп, өнегелі із қал­дырған айтулы тұлғаны еске алды.

Өнер • 25 Қыркүйек, 2022

Бочеллидің ариялары шырқалды

Елордадағы Роза Бағланова атындағы «Қазақконцерт» мем­лекеттік концерттік ұйымында Қазақ мемлекеттік сим­­фониялық оркестрінің «Андреа Бочеллидің репер­туа­рындағы әйгілі ариялар мен әндер» атты керемет кеш өтті.

Руханият • 21 Қыркүйек, 2022

Бабалар рухы туралы трилогия

Астанадағы Ұлттық академиялық кітапханада белгілі жазушы, Халық­аралық «Алаш» әдеби сыйлығының лауреаты Әділбек Ыбырайым­ұлының «Семсер жүзіндегі серт» атты үш кітаптан тұратын тарихи трилогиясы таныстырылды. Оған ҰҒА-ның академигі Уәлихан Қалижанұлы, жазушылар Әлібек Асқаров, Мәди Айымбетов, Несіп Жүнісбаев, Роза Мұқанова және түркітанушы ғалым Қаржаубай Сартқожаұлы мен Парламент депутаттары Әлімжан Құртаев, Нұртөре Жүсіп, Дархан Мыңбай секілді танымал азаматтар қатысты.

Сұхбат • 21 Қыркүйек, 2022

Болат Ыбыраев: Театрдағы ұлттық болмысымызды жоғалтып алмайық

Біздің кейіпкеріміз ұзақ жыл сахнада Ғ.Мүсіреповтің «Ақан Сері-Ақтоқтысында» – Жалмұқан, «Қыз Жібегінде» – Базарбай, М.Әуезовтің «Қара Қыпшақ Қобыландысында» – Көбік, «Қарагөзінде» – Жабай, «Абайында» – Оразбай, «Еңлік-Кебегінде» – Кеңгірбай би, Ш.Айтматовтың «Ғасырдан да ұзақ күнінде» – Едіге, М.Кәрімнің «Ай тұтылған түнінде» – Диуана, У.Шекспирдің «Ромео мен Джульеттасында» – Пастор, «Гамлетінде» – Полоний, А.Чеховтың «Ваня ағайында» – Войницкий және т.б. айшықты рөлдерімен көрермен ықыласына бөленген. Өмірден көргені мен түйгені мол өнер иесінің айтары да көп. Осы орайда Қ.Қуанышбаев атындағы Мемлекеттік академиялық қазақ музыкалық драма театрының белгілі актері Болат Ыбыраевпен кездесіп, өнер жолы мен бүгінгі театр әлемі туралы әңгімелестік.

Кино • 15 Қыркүйек, 2022

Ұлт рухын ұлықтаған

Алаш ардақтылары армандаған тәуелсіздік идеясы қылышынан қан тамған кеңес дәуірінде де өшкен емес. Оны ақын-жазушыларымыз өз шығармаларындағы кейіпкер бейнесі немесе сонда қозғаған ұлттық құндылықтар арқылы астарлап болса да сыналап кіргізіп, халқымыздың намысын қайрап, жігерін жанып, азат рухын асқақтатты. Осындай мазмұн сол кездегі қазақ киносында да көрініс тапты. Сон­дай тұғыры биік туындының бірі, 1981 жылы экранға шыққан «Ақырғы аманат» көркем фильмі. Бұл фильм­нің сценарийін көрнекті ақын, Мемлекеттік сыйлық­тың лауреаты Олжас Сүлейменов жазса,түсірген – айтулы режиссер, марқұм Амангелді Тәжібаев.

Өнер • 15 Қыркүйек, 2022

Әсем саз әлдилеген кеш

Елордада өтіп жатқан Әлемдік және дәстүрлі діндер көшбасшыларының VII съезі аясында «Астана Опера» театрында «Бірлігіміз – әралуандықта» атты мазмұнды бағдарламаға толы концерт өтті.