Әдебиет • 24 Мамыр, 2017
Намыс тақырыбын бейнелейтін фрагменттер
Бұл осыдан үш жыл бұрын болып еді. Қазақ хандығының құрылғанына 550 жыл толуы қарсаңында Бұланты мен Білеутідегі қасиетті қара ошақта өткізілген ұлттық тағзымға руханият сақабасы Мәди Артығалиевтің қақпайымен Әнес Сарай, Қажығали Мұханбетқалиұлы үшеуміз өкше көтергенбіз. Жолай, ғарышкер, иә сол сәтке дейін біз үшін ол қазақтың тұңғыш ғарышкері ретінде қымбат еді, сонымен ғарышкер Тоқтар Әубәкіровпен көліктес болатынымыз анықталды. Екі дегдар да: «Иә, құдай бере гөр, бір дидарласа алмай жүрген азаматымыз еді. Тым құрығанда, сапарлас болдық деп айта жүретін болдық. Ақылды сұрақ қояйық. Өзі қазақша біле ме екен?» – десті қанаттарын қомдап. Екі иығына екі ағамды қатар қондырғандай алпамса денелі, бір өзі бір орындықты тұтасымен алып, нығыздала жайғасқан ғарышкеріміз (біз үшін әлі де ғарышкер), қыран қырынмен арқалыққа шалқая беріп: «Ал ағалар, жол болсын. Сіздердің, әсіресе, Әнес аға, сіздің әңгімеңізді бір ести алмай жүр едім. Сәтін енді салды», – деп найзағайдай жарқ ете қалғанда, иығын анау-мынауға бастырмайтын екі ағамның мысы басылып қалғандай болды.
Әдебиет • 24 Мамыр, 2017
Жазушы десе – жазушы, журналист десе – журналист
Әдетте, жұрттың көбі бұл екеуін бір мамандық санайды. Керек десеңіз, журналист жазу-сызуға әбден төселе келгенде жазушыға айналады деп біледі. Қайран аңғалдық! Өз кәсібін жете меңгерген, нені жазуды және қалай жазуды кәміл білетін журналистің қаламынан туған дүниені «осы мен қалаймын» деген жазушылардың көбі келістіре алмауы мүмкін. Және – керісінше. Әйткенмен, көсемсөз бен көркем сөзді қапысыз парықтай алатын, екеуінің қайсысына салсаң да алқынбай алда келетін қаламгерлер де, Құдайға шүкір, баршылық. Күндіз газет пен журналдың «қара жұмысын» қайыспай көтеріп, қоғамдық ойдан қорытпа құйып, түн баласы «жүз ойланып, мың толғанып», сөз маржанын теретін, әдебиетіміздің өткен ғасырдағы белді де беделді бір ақсақалы, марқұм Жекен Жұмаханов ағамыз «образбен ойлайтын айналайындарым» деп мейірлене атайтын сондай жазармандардың бірі – Әділ Дүйсенбек!
• 24 Мамыр, 2017
АЛЖИР-дегі алғашқы «музей түні»
Астана іргесіндегі Ақмол ауылында орналасқан Саяси қуғын-сүргін және тоталитаризм құрбандарының АЛЖИР мемориалды-мұражай кешенінде алғаш рет «Музейдегі түн» шарасы өтті. Аза бойыңды қаза қылатын өткен ғасырдың отызыншы жылдарындағы азапты күндерді еске алуға арналған қасіретті орындағы ашық есік күні аталған музейдің қызмет көрсете баста- ғанына он жыл толуына орай ұйымдастырылды.
Қазақстан • 24 Мамыр, 2017
Ұлы жаратылыстың адамнан кейінгі ғазиздерінің бірі құстар болып саналады. Құстар – еркіндіктің белгісі, қазақ халқының болмысын айшықтап тұратын жұмбақ жаратылыс. Күз келсе, бізге беймәлім өлкелерге сапар шегетін, туған жерімізде көктем орнаса, адамдарға қайтадан үміт сыйлап оралатын құстардың адамның досы екеніне шүбә жоқ.
Қазақстан • 24 Мамыр, 2017
Рухани тәрбие – ізгіліктің бастауы
Елбасы Нұрсұлтан Әбішұлы Назарбаевтың «Болашаққа бағдар: рухани жаңғыру» атты мәні терең, мазмұны бай мақаласында баса айтылған ұлттық кодымызды сақтап қалу, рухани болмысымыздан ажырамау сияқты жолдарды оқығанда көптен көкейде жүрген дүниенің тамырын тап басқандай болды.
Қазақстан • 24 Мамыр, 2017
Бұқаралық сананы өзгерту – заман талабы
Мемлекет басшысы Н.Ә.Назарбаевтың «Болашаққа бағдар: рухани жаңғыру» атты бағдарламалық мақаласында еліміздің рухани және интеллектуалды дамуының негізгі бағыты белгіленген еді. Қысқа мерзімде жүргізілген әлеуметтік сауалдамалардың нәтижесі көрсеткендей, халқымыздың басым бөлігі бізге осындай стратегиялық ойлардың қажеттілігін және болашақ бағдарымыздың дұрыстығын қуаттайды.
Қазақстан • 24 Мамыр, 2017
Биылғы жаз елорданың төрткүл дүниенің төрт бұрышынан келетін небір дүлдүлдер өнер көрсететін әлемдік сахнаға айналатындығы туралы бұдан бұрын да айтқан едік. ЭКСПО-2017 көрмесінің аясында атағы дүние жүзіне кеңінен тараған Дю Солей циркінің Астана қаласында үш ай бойы өнер көрсететіндігі осы сөзімізге нақты дәлел болса керек.
Қазақстан • 24 Мамыр, 2017
«Peugeot» ерекше электр көлігін таныстырады
Астанада өтетін ЭКСПО-2017 халықаралық мамандандырылған көрмесіне қатысатын мемлекеттердің павильондарының алғашқы легі таныстырылуда. Таяуда елордадағы БАҚ өкілдері Францияның ұлттық павильонын тамашалады. Шараға орай ұйымдастырылған баспасөз мәслихатында Бас комиссар Паскаль Лоро француз еншісіне тиген аумақтың жалпы тұжырымдамасы жайында айтып берді.
Қазақстан • 24 Мамыр, 2017
Елдігіміздің белгісі биікте тұрады
Биыл елдігіміздің белгісі, Тәуелсіздігіміздің тұғырына айналған мемлекеттік рәміздеріміздің қабылданғанына 25 жыл толып отыр. Азаттықтың ақ таңы үшін арпалысқан ата-бабаларымыз бен бүгінгі ұрпақтың арман-аңсары көрініс тапқан Мемлекеттік ту, Елтаңба мен Гимннің ширек ғасырлық белесі Алаш баласы үшін мәні бөлек, мағынасы ерек мереке деп білемін.
Қазақстан • 24 Мамыр, 2017
Қазіргі қазақ қоғамының зиялысы, биязының биязысы, жаны да, ары да, қолы да мөлдір шыныдай тазасы, ұлт дүниетанымының білгір жетелісі, мемлекет құраушы негізгі этностың тарихын баяндайтын өнерлі, өрнекті ісімен өзгешеленген дара пайымның дарабозы, кісілік, ізгілік, абзалдық істері жөнінен қарапайымның қарапайымы, Қазақстан Республикасы Мемлекеттік Елтаңбасының авторы, сұңғыла сәулетші – Жандарбек Мәлібеков.
