Оқиға • 28 Сәуір, 2021
«Айка» фильміндегі сәтті ізденісі арқылы атағы айдай әлемге танылған отандық актриса Самал Еслямова тағы бір айтулы жеңісімен халқынан сүйінші сұрады. 2018 жылғы Канн кинофестивалінде «Үздік әйел рөлі» аталымында топ жарып, талайды тамсантқан өнер иесі күні кеше ресейлік киноакадемия тағайындаған «Ника» сыйлығына ие болды. Бұл марапат та оған Айка рөлі үшін табысталды.
Театр • 28 Сәуір, 2021
Көктемнің көркем күнін карантиннің қатаң талаптары көлегейлегенімен, елордадағы мәдени өнер ошақтары сақтық шараларын барынша сақтай отырып, көрерменін қуантуға қашанда дайын екені көңіл қуантады. Әсіресе демалыс күндерін мағыналы өткізгісі келетін талғампаз қауым үшін «Астана Опера» мен «Астана Балет» театрларының тартуы мол.
Өнер • 11 Сәуір, 2021
Өзгелерді тамсантсақ өнерменен
«Біз ХХІ ғасырдың жаһандық картасында ешкімге ұқсамайтын, дербес орны бар ұлт боламыз десек, «Жаһандағы заманауи қазақстандық мәдениет» жобасын іске асыруға тиіспіз.
Театр • 05 Сәуір, 2021
Театр қоржынында – кезекті жүлде
Халықаралық байқауда топ жарған Алматы мемлекеттік қуыршақ театрының қоржынында кезекті жүлде! Әсіресе соңғы бірнеше жылда өзінің жаңашыл ізденістерімен кішкентай көрермендердің рухани кемелденуі жолында есепсіз тер төгіп келе жатқан ізденгіш ұжымның шығармашылық аяқалысы мен қарымы бүгінде елден асып, алыс-жақын шетелді де мойындатып, ұлт мерейін асырып жүр. Оның және бір жарқын дәлелі – талантты театр труппасының Қырғызстанның «Эргуу-2021» ұлттық театр жүлдесін еншілеуі.
Театр • 31 Наурыз, 2021
Құндылығын жоғалтпаған «Құнанбай»
Елордалық Қ.Қуанышбаев атындағы академиялық қазақ музыкалық драма театры ұжымы жаңа ғимаратқа көшкеннен кейінгі бірнеше айға созылған үзілістен соң алғашқы премьерасын көрермен назарына ұсынды. Жыл келгендей жаңалықтың жаршысы болған қойылым қазақтың ардақты тұлғасы Құнанбай Өскенбайұлының сахнадағы көркем бейнесін жаңаша қырынан ашуға бағытталды. Спектакльдің қоюшы режиссері – Қазақстанның еңбек сіңірген қайраткері Болат Ұзақов, авторы – Таласбек Әсемқұлов.
Сұхбат • 29 Наурыз, 2021
Мейрам Қайсанов: Көрерменмен сахна арқылы сырласқан ұнайды
Актерде де актер бар, азаматы бір басқа. Сахнада жүріп түрлі қаһарман бейнесін кемеліне келтіре кейіптейтін әртістердің, мойындау керек, шынайы өмірде де дәл сондай азаматтық танытып, өр мінез көрсете алатыны некен-саяқ. Сол аздың қатарында елордалық Қ.Қуанышбаев атындағы академиялық қазақ музыкалық драма театрының актері, Қазақстанның еңбек сіңірген қайраткері Мейрам Қайсанов бар. Көзі қарақты көрермен қауым Мейрам Қайсановты сахнадағы түрлі амплуадағы тамаша рөлдері арқылы жақсы танығанымен, сонау 1986 жылдың желтоқсанында ұлтжанды жастармен бірге алаңға шығып, ұлтымыздың өміріндегі ұлы оқиға – киелі тәуелсіздігіміздің хабаршысындай болған тарихи сәттің басы-қасында болғандығынан хабардары некен-саяқ. Бізді актердің құпияға толы жұмбақ жаны қызықтырды. Көпшілік өнер адамына тән жарқ-жұрқтан жырақ жүретін, сахнада тек бейне тудыруды ғана білетін текті өнердің өкілін әңгімеге тартып, сахнагердің жансарайына үңіліп көрген едік.
Театр • 26 Наурыз, 2021
Театр – тектілік мекені, хас сұлудың көз жасындай мөлдір өнер. Мұнда кірлеген сезімдер тазарып, жабыққан көңілдер жай табар ғажайып аура бар. Ол – қасиетті сахна арқылы көрермен жүрегіне құйылар ғажайып музыка – өмір әні.Театрға бір келген көрермен бірнеше жылға азық болар рухани қазына жиып, өмірдің өзгеше нотасын сезініп қайтады. Жүрегі сағыныш пен сезімге толып, жаңарып, адами келбетін толықтырып шығады. Ал көрерменіне жыл он екі ай бойы рухани азық сыйлап, бар өмірін өнерге арнап, қасиетті сахнаға адал қызмет етіп келе жатқан әртістер қауымы үшін көктеммен бірге көңілге де қуаныш сыйлай енетін ерекше ыстық мереке бар, ол – Халықаралық театр күні.
Руханият • 22 Наурыз, 2021
Бұл көктем бұрынғыдан өзгерек. Себебі күллі түркі халқы асыға күткен жаңа жыл – Әз-Наурыз мерекесі биыл ұлтымыздың ұлық мейрамы – Тәуелсіздігіміздің 30 жылдық мерейтойымен тұспа-тұс келіп отыр. Осы айтулы датаға орай республикалық деңгейдегі арнайы іс-шаралар жоспары бекітілді. Соның ішінде Мәдениет және спорт министрлігі түрлі деңгейдегі 500-ге жуық іс-шарадан тұратын қосымша жоспар әзірледі.
Театр • 18 Наурыз, 2021
І.Омаров атындағы Қостанай қазақ драма театры ұзақ үзілістен кейін қайта шымылдығын түрді. Карантиннің құрсауы жібіп, мәдени нысандар ұзын арқан, кең тұсау тіршілікке көшкелі тынымсыз дайындыққа кіріскен театр ұжымы наурыздың басында көрермендеріне «Өтелмеген парыз», «Сыған серенадасы», «Кішкентай адамның үлкен трагедиясы» атты үш бірдей жаңа қойылымды ұсынып отыр.
