Пікірлер .
Еңгезердей жігіт әке-шешесіне балмұздақ әкеліп береді. Алпыстың айналасындағы ата-анасы әлгіні жей бастағанда түрлері бұзылып, тыжырына түседі. Сөйтсе, ұлдарының балмұздақ деп ұсынғаны құрылыста пайдаланатын ақ желім екен. Әке-шешесін алдағанын алдын ала қосып кеткен ұялы телефонына түсіріп алған әлгі әумесер «Бұл пранк болатын!» деп ыржалаңдап тұр...
22 Тамыз, 2024
Қазақтың талантты әншісі Рамазан Стамғазиев орындайтын «Дариға, дәурен» әнінің сөзін жазған ақын Несіпбек Айтұлының: «Мен – әнге сөз жазуға қорқа-қорқа келген адаммын. Себебі әннің сөзі өте кірпияз. Бір мысқал артық не кем кетуге болмайды. Оған нысананы көздегендей дәлдік керек. Демек, шебердің шебері ғана баратын іс», дегені бар еді. Абай атамыз айтқандай, «Әннің де естісі бар, есері бар». Өкініштісі, қазір ессіз, мәнсіз, мағынасыз ән көбейді. Ой салатын, жүрекке жететін, сөзі мен сазы қабысып, әдемі үйлесім тапқан ән тыңдау арманға айналып барады...
26 Ақпан, 2024
Кейінгі жылдары айналамызда – туған-туыс, дос-жаран, әріптестер мен құрбы-құрдастар арасында шетелге кету, уақытша жұмысқа тұрып, ақша табу, тіпті біржола қоныс аудару туралы әңгімелер жиі айтылып жүр. Шыны керек, бұл ұсынысты құр талқылап қана қоймай, тәуекелге бел буып, шетел асып кеткендері де аз емес.
25 Қаңтар, 2024
Қазір қоғамда қызу талқыланып жатқан тақырыптың бірі – Ұлттық экономика министрі болған Қуандық Бишімбаевтың үстінен «Адам өлтіру» бабымен қозғалған қылмыстық іс. Жұртшылық экс-шенеуніктің әйелі Салтанат Нүкенова-ның өліміне қатысты істің әр сатысын жіті бақылап отыр. Неге? Мәселе Бишімбаевтың «белгілі тұлға» болғандығында ғана емес, қылмыстың асқан қатыгездікпен жасалғанында да жатыр.
14 Қараша, 2023
Күні кеше қазақ спортының жеңіс шежіресіне таңбаланатын тарихи белдесу өтті. Сербия астанасы Белградта өткен еркін күрестен әлем чемпионатында отандасымыз Ризабек Айтмұқан соңғы секундтарда әзербайжан балуанынан басым түсіп, жеңімпаз атанды. Тарихи дейтініміз, Ризабек – еркін күрестен әлемдік біріншілікте жеңіс тұғырына көтерілген тұңғыш қазақ. Бірақ...
20 Қыркүйек, 2023
Түркияға биылғы жазда тағы жол түсті. Бауырлас елге барған сайын көзге бірден түсетін бір ұлттық нақыш бар. Ол – Түркияның туы. Қызыл түстегі жарты ай мен жалғыз жұлдызды бөрі текті ер түріктің әр шаңырағынан ғана емес, көліктерінен, көшелерінен, әкімшілік ғимараттарынан, әрбір шағын дүкен мен үлкенді-кішілі кеме-қайықтарынан, тіпті теңізде басы қылтиған әр тау мен тастан да көруге болады. Көк теңіздің әр тұсында желбіреп тұрған түрік туы – «мына тас осы халықтікі, мынау тау осы мемлекеттікі» екенін үнсіз ұғындырып тұрғандай.
21 Тамыз, 2023
Өткен айда ұлттық киноның жоғын жоқтап, мұңын мұңдап жүрген бір топ киногер «Алматы» қонақүйінің алдына жиналып, салаға қатысты пікірлерін білдірді. Дау «Ұлттық киноны қолдау мемлекеттік орталығының» биыл наурыз айында өткізген киножобаларды іріктеу конкурсына қатысты туындаған. Ұлттық өнердің өткір мәселелерін көтерген азаматтар «Мәдениет шенеуніктері қазақ киносын өлтірумен айналысып жатыр» деп дабыл қақты.
04 Маусым, 2023
ХХІ ғасыр еншісіндегі әлем тарихын «дейін» және «кейін» деп екіге бөлетін бірнеше оқиға болса, соның алдыңғы қатарында – Covid-19 індетінен туған пандемия мен Ресей-Украина соғысы тұрары анық. Пандемия мен соғыс адамдардың өзі өмір сүріп жатқан қоғамға деген көзқарасын өзгерте алды ма? Өйткені бұл екі кеселдің де апарар жері бір, ол – өлім. Осы қос қасіреттен біз – халық, қоғам ретінде сабақ алдық па?
17 Мамыр, 2023
Батыр Бауыржан Момышұлының көк дәптерінде мынандай жазба бар екен: «Ешкім генерал болып тумайды. Генералдар солдаттардан өсіп шығады». Бірақ, өкінішке қарай, қазір біздің қоғамда генерал болуды армандайтын солдаттардан гөрі, сол жауынгерлерге үлгі бола алмай жүрген генералдар көп.
13 Сәуір, 2023
Жүкті болғанын жалпақ жұртқа жариялайтын жаман әдет пайда болды кейінгі кездері. Аяғы ауырлағанын растайтын «екі сызықты таяқшаны» әлеуметтік желіге салып, жаңалығын еріне тосынсыймен жеткізетін келіншектердің бұл қылығын біреу түсінсе, енді біразы ерсі санайды. Жалпы, «Жүктімін!» деп жаһанға жар салудың кімге қандай пайдасы мен қажеті бар?
13 Наурыз, 2023
Ағайындарымыздың бірі аяқ астынан қайтыс болып ауылға барып-келуге тура келді өткенде. Жасы елуге де келмеген апайымызды жер қойнына тапсырғаннан кейін білдік – марқұмның артында аңырап ұлы мен қызы ғана емес, екі банктен алған 6 миллиондай қарызы да қалған екен.
20 Ақпан, 2023
Қылмыстық кодекстегі 100-бап «Жаңа туған баланы анасының өлтiруi» деп аталады. Жазасы – төрт жылға дейiн бас бостандығын шектеу немесе сол мерзiмге бас бостандығынан айыру. Елімізде кейінгі екі айда осы бап бойынша екі оқиға тіркелді.
31 Қаңтар, 2023
Неміс экономисі Эрнст Энгельдің XIX ғасырда енгізіп кеткен теориясы ХХІ ғасырда өзге елде емес, өз жерімізде практикада көрініп жүр. Яғни күнделікті тіршілікте. Энгель заңын қарапайым тілмен түсіндірсек, «Отбасы неғұрлым кедей болса, оның жалпы шығындарының үлесі соғұрлым көп болады». Сәйкесінше, «ел неғұрлым бай болса, азық-түлік үлесі соғұрлым аз болады».
26 Қыркүйек, 2022
...Автобуста келе жатырмыз. Жаз бойы бітпеген жөндеу жұмыстарының кесірінен бірталай автобустың жүру бағыты өзгерген. Мұны қоғамдық көлікпен жүретін жұрт жақсы біледі. Бірақ автобуста бір әйел жүргізушіден бұрынғы бағытпен жүруін талап етіп, айқайға басты. Жүргізушінің «Апай, жол жабық! Қалай жүремін?» деген сөзін әлгі әйелдің ащы айқайы жұтып кетті. Аузына келгенін айтып, айылын жияр емес. Онсыз да көлік кептелісі титықтатып, сіркесі су көтермей келе жатқан автобус жүргізушісі бір кезде атып тұрды да кексе әйелді жағасынан алып, жұлқып-жұлқып жіберді. Анау да қайтар емес, қарғап-сілеп жатыр. Ашу қысып, қаны басына шапқан жігіт әйелді кеудесінен итеріп, сыртқа шығарып жіберді...
20 Қыркүйек, 2022
Маңғыстау облысында 18 жастағы бозбала TikTok түсіремін деп суға батып кетті. Қайғылы оқиға Ақтау қаласындағы Самал-2 шағын ауданына қарама-қарсы жағалаулардың бірінде болған. Үш дос видео түсірмек болып, теңізге секірген. Екеуі жағаға шыққанымен, үшіншісі сол күйі суға кетеді. Құтқарушылар 2004 жылы туған Бейнеу тумасының мәйітін бір күн өткеннен кейін әрең тапқан.
08 Маусым, 2022
Тұтас бір халыққа қоқан-лоқы көрсетіп, тас лақтыра салған ресейлік журналист Тигран Кеосаянның кесірлігі талай азаматтың ашуына тигені анық. Оның «Өтірік ойнап болған шығарсыңдар» деген ащы мысқылы қоғамда қызу талқыға түсті. Әрине, мұндай кезде эмоцияға беріліп, ақымақтыққа ашумен жауап беруге болмайды.
29 Сәуір, 2022
Елдің кадры мен тілдің тағдыры
Президенттік жастар кадрлық резерві – жастарға мүмкіндік беретін тамаша жоба. Оған еш таласымыз жоқ. Алайда жақында осы резервте тұрған жастармен тілдескеннен кейін бұл жобаның тиімділігіне күдікпен қарайтындай күй кешкеніміз рас.
26 Сәуір, 2022
Ауызекі тілде сөйлегенде қысқарған сөздердің орыс тіліндегі нұсқасына көбірек жүгінетініміз баршаға мәлім. Әсіресе түрлі күрделі атауларды, министрліктер мен мемлекеттік, қоғамдық, үкіметтік емес ұйымдардың қысқартылған атауларын айтқанда атымызға қамшы салдырмаймыз. Тіпті қазақ тілінің сойылын соғып жүрген журналистердің өзі осыған келгенде «айтуға жеңіл», «үйренген ауыз» дегенді желеу етіп, жалпақшешейлік танытып жүр.
03 Сәуір, 2022
Күре жол үстінде күн сайын болып жатқан жол-көлік апаттары кім-кімді де болсын ойландырмай қоймайды. Бір ғана деректі келтіре кетейік. Қаңтардың төрт күнінде жол-көлік апатынан 21 адам қаза болған. Төрт өңірде тіркелген қанды оқиғалар бір сәтте бірнеше отбасын жалмап кетті.
29 Наурыз, 2022
Дүниежүзілік денсаулық сақтау ұйымының дерегіне сүйенсек, жасөспірімдер арасындағы суицид саны бойынша Қазақстан әлемде 12-орында тұр. ІІМ-нің мәліметінше, өткен жылы 250-ге жуық жеткіншек өз өзіне қол салмақ болған. 164 баланың өмірін сақтап қалу мүмкін болса, 84-і қыршыннан қиылған...
28 Ақпан, 2022
