Өнер • 11 Қазан, 2021
Бәріміз де ауылда тудық, ауылда өстік, арман сапарына сол ауылдан аттандық. Біз туған топырақ қарт Қаратау мен кәрі Сырдарияның ортасында орналасқан – Жаңақорған өңірі. Тау мен арналы өзен ортасында қоныс тепкендіктен бе, бұл жердің ауасы да, табиғаты да, желі де, жауыны да – қысқасы, бәрі де ерекше. Ал адамдары ше?
Ғылым • 11 Қазан, 2021
Белгілі ғалым, ұлағатты ұстаз Арстан Ғазалиев – бүкіл өмірін ғылым мен білімге арнаған жан. Қазақстанның еңбек сіңірген мұғалімі, Қарағанды қаласындағы ағарту жүйесінің негізін қалаушылардың және ұйымдастырушылардың бірі, белгілі педагог Мәулен Ғазалиевтің отбасында дүниеге келген Арстан Мәуленұлы мектеп жасынан білімге құштарлығын, еңбекқорлығы мен табандылығын көрсетті.
Өнер • 11 Қазан, 2021
Қазақ сатирасының өсіп-өркендеп, терең тамыр жаюына зор үлес қосқан ғалым-ұстаздардың бірі де бірегейі –Темірбек Қожакеұлы! Ол – қазақ сатирасын егжей-тегжейлі зерттеп, сатиралық жанрлар жүйесін жете зерделеген һәм теориялық жағынан негіздеген ғалым. Бұған дейін қазақ әдебиеттану ғылымында сатира мен юморды терең зерттеп, талдаған ғалым болған жоқ. Оның қаламынан туған ондаған оқулықтар мен монографиялар және жүздеген ғылыми еңбектерді жинақтап, тасқа басса, Қазақ сатирасының энциклопедиясы секілді толымды дүние әрі болашақ оқырмандар мен жас зерттеушілер үшін аса құнды ғылыми еңбек болары хақ.
Тарих • 11 Қазан, 2021
Қасым ханның қазақ тарихындағы рөлі
Ел тарихының хандық дәуірі деп аталатын XV-XVIII ғғ. аралығында өмір сүріп, ісімен де, сөзімен де артында өшпес із қалдырған тұлғалар қатарында Жәнібек хан ұлы Қасым ханның алар орны ерекше. 2021 жылы оның туғанына 575 жыл толса, ал қайтыс болғанына 500 жыл болып отыр.
Білім • 11 Қазан, 2021
Білімді ұрпақ білікті ұстаздан шығады
Педагог қызметкерлердің біліктілігін арттыру – білім саласындағы басты мәселе. Елімізде ең алғашқы біліктілік арттыру институты сонау соғыс жылдарында, яғни 1944 жылы Қызылорда қаласында ашылғаны туралы дерек бар. Ал біздің Батыс Қазақстан облыстық мұғалімдер білімін жетілдіру институты 1951 жылы құрылған. Іргесі қаланған күннен бастап ұстаздардың ұстаханасы атанған бұл қарашаңырақ Ақжайық өңірінің қаншама мұғалімдерін кәсіби шеберлікке шыңдап, қаншама мұғалімнің шабытының шамын жақты?! 1953 жылы тұңғыш рет өткізілген «Облыстық педагогикалық оқулар» – осының дәлелі.
Қоғам • 10 Қазан, 2021
Азаматтық қоғамның белсенді іс-қимылы – даму кепілі
Бүгінде азаматтық қоғамның әлеуетін тиімді пайдаланудың маңыздылығы күн өткен сайын айқын көрінуде. Аталған салаға басымдық бермеу қолдағы бар мүмкіндікті бағаламау, халықтың ерік-жігерін орнымен қолданбаудың нақ өзі болады деп айтсақ, артық кеткендік емес. Жалпы, азаматтық қоғамның белсенділігін арттыру мәселесін еліміздегі аймақтық саясатты уақыт талабына сай ілгерілету ісінің маңызды бір бөлігі ретінде қарастырғанымыз абзал.
Әдебиет • 10 Қазан, 2021
Газетіміздің тұрақты авторы Амангелді Кеңшілікұлы ұлтымыздың ұлы ақыны Мұқағали Мақатаевтың туғанына 90 жыл толуына орай өткен «Білгің келсе, алдымен зертте мені...» атты ғылыми-танымдық мақалаларға арналған бәйгеде Бас жүлдені жеңіп алды. Әріптесімізді жеңісімен құттықтай отырып, мұқағалитану ғылымының негізін қалауға зор үлес қосып жатқан белгілі сыншының тағы бір жаңа еңбегін оқырман назарына ұсынамыз.
Қазақстан • 10 Қазан, 2021
Қарттарды қолдау шараларының қарқыны
Елімізде жыл сайын қазан айының басында Қарттар күні атап өтіледі. Республикада 2 млн 236 мыңнан астам жасы бойынша зейнеткер тұрады. Әрбір азаматтың лайықты қарттығын қамтамасыз ету бойынша қамқорлық – Үкіметтің әлеуметтік саясатының негізгі міндеттерінің бірі.
Таным • 08 Қазан, 2021
Ертеде әкем Байділдә, Нағипа әжем, Сейітқасым көкем біздің әулетте ту болғанын, оны 1932 жылы аштықта елден ауарда Жыланшық бойындағы «Әден төре» деген жердегі Кенжебай атты әкеміздің терезе көсігі астына құрым киізге орап тыққанын айтып отыратын. Сол Жыланшықтағы атамекенге 1962 жылы оралдық.
Қоғам • 08 Қазан, 2021
Әлеуметтік кәсіпкерлік нысандары көбейе түсті
Елордада ерекше қажеттіліктері бар адамдарға көмек көрсетілетін әлеуметтік кәсіпкерлік нысандары дамып келеді.
