Жансарай • 28 Қыркүйек, 2024
Ұлт басылымы – ұлттың жоқшысы. Тілінің тірегі, қашты-қудыға бой алдырмайтын сабырлы ынтымаққа бастайтын білегі десек болады. Бізге қазір кешпес парыз – бардың бағасын біліп, жоқты түгендеу болып тұр. Бұл жерде қиқымды қолтығына қыстырмайтын ірілік, «Аз адам атқа міндім деп қасқыр болып жұртқа шапса, мұндай жұртта береке қайдан болсын?» (Ә. Бөкейхан) дейтін адалдық алда тұрса, «атадан балаға мұра болып бай тіл, байтақ жер қалды. Қазақ – жоқшы, жоғын іздеген қуғыншы. Қуғыншы қандай болса, мал табылмақшы» деп ұлттың шырылдаған шын ұлы Ахмет Байтұрсынұлы айтқан, тіл тірлігі малтықпай, мұра ұлттық мұнараға айналып, ұрпақ түрлі сылтаудың торына түспей, ала-құла күн кешпесі айдан анық.
Қоғам • 06 Наурыз, 2024
Атам қазақтан қалған тәмсіл бар. «Әйел жерден шыққан жоқ, ол да еркектің баласы. Ерлер көктен түскен жоқ, әйел – оның анасы» деп келеді. Осылайша, ер мен әйелдің құқығын екі жол қағидамен бекітіп берген. Бұл қағида қағазда қатталмаса да дәстүрлі отбасы заңы бұлтақсыз орындалған. Оны аузы дуалы, сөзі уәлілер қатаң бақылап отырған.
Пікір • 22 Ақпан, 2024
Бұрын елімізде елудей ғана жоғары оқу орны болған. Қазір жүзден асады. Шетінен университет. Институт түлектері шетінен мықты еді бір кездері. Нарық бәрін өзі реттейді, бәсеке артып, қажетсізі қалады деді. Қайдан, қожайындары басы ауырып, балтыры сыздап, тер төкпей дайын ғимараттарды – бәрін молынан қарпығандар еді. Олардың дені маман дайындап жатырмыз деп желпілдегенмен, пиғылы әлемде солай деп халықтың қалтасын қағу болатын. Қатырма қағаз үлестіретін. Жұмыс табу жағына бас қатырмайтын. Балам оқыса бастық болады деген ниеттің жетегіндегі ата-ана тұралап қалғанша оқытты. Бір емес бірнеше диплом әперді, жұмыс жоқ. Сөйтіп, дипломды жұмыссыздар көбейді. «Болашақ» бағдарламасы аясында шетелдерде маман дайындау қолға алынды. Ақиқатын айталық, ұлттық рухы мықтылар үшін, бұл керемет іс, бағдары айқын бағыт еді. Алғашқы түлектер мықты болды. Амал не, жүйесіздік олардың да біразын тоқыратып тынды.
Мәдениет • 06 Ақпан, 2024
Ұлттың ұлы дүниесіне, рухани құндылығына, яғни жұртымыздың болаттай бұзылмаған болмысын тайға таңба басқандай танытатын, қанша шаң-тозаң бораса да тот баспаған, ниеті бұзық тобыр да сығырайып көрген жауһарларымызды өткен ғасырда, қызыл империяның сұм саясатының арасынан жол тауып, хатқа түсіріп, қорғасындай қорытып кеткен, Алаш идеясына адал арыстардың мұрасын қайта бір қарап отырғанда «ұлтшылдығына» ұйисың, атаққа жығылмайтын, ішкі есебіне үңілмейтін адал ісіне сүйсінесің. Бүгінгі таратып айтып жүрген барымыздың басында сол алыптар тұрғанына көз жеткізіп, екі дәуірдің зиялыларын салыстырмасқа шараң қалмайды. Желкесінде тұрған жендеттерге де қарамай, бас кетер қатерді де елемей, ұлт ісін шын ниетпен атқарғандар үлгісін жалтақтамай жаңғыртқанда бүгін ұлт тілі көкпарға түспей, көсегесі көгеріп шыға келер еді-ау, ә?!
Қоғам • 17 Қаңтар, 2024
Бір замандары кәсіподақ қоғамдық ұйымдардың ішіндегі қадірі бар бұқарашыл ұйым еді. Шамалары жеткенше әділетсіздікке ара түсетін. Арқа сүйейтін жоғары, төмен азуы алты қарыс мықты басшылары да болатын. Қара күйені жағып, қанша жерден бұрқылдатып күл шашпақ та болған қарау басшылардың өзі ығатын. Қарсы келген жазықсыздың сазайын беріп, құрдымға құлау үшін, қыңыр жетекшілер, ол ұйымның келісімін алмай бұйрық шығара алмайтын. Келісімін ала алмаса, бармақ тістеп қалатын.
Пікір • 17 Қазан, 2023
Өткен жылдары «Дәрі қымбат, бәрі қымбат» деп жазғанымыз бар еді. Сол дәріңіз сол қарқыннан танбай келеді. Көше бойы, тұрғын үйлердің астынан жарнамасы көз тұндырып, жарқылдаған жарығы жанарды қарып есік ашқан дәріханаларды көргенде нарық талабына сай, бәсеке артып, баға төмендер деп үміт шырағын жағасың. Бірақ ол үмітің ақталмайды.
Пікір • 08 Қазан, 2023
Бүгінгідей заманда бабалар жолын рухани құндылықтың алтын арқауынан шығарып алмай, халықтық қалыбымызды сақтап, еліктемей, солықтамай ақылды оздырып, әлемдік үрдіспен ұштастырсақ, ұтылмасымыз хақ. Ұлттық идея да осыдан қанат қақса, кәне!
Руханият • 25 Қыркүйек, 2023
Зерендінің зерегі, құйылып тұрар өлеңі
Қорғанбек Аманжол – алдымен ақын. Ол, көркем мінезді ұстазымыз Зейнолла Қабдолов айтпақшы, поэзия бақшасында сөз өнерін ардың ісі, «Өлең – өмір, өмір – өлең» деп білген жан. «Қос бөлмелі қоржын там, қарағайдан қиылған, Төбесі бар жатаған, Тағдырымдай бұйырған» деп өлеңінде өрнектегендей, сол қоржын тамнан от алып, Отанына танылған Қорғанбек туындылары бүлкілсіз бүтін дүниелер десек, асырып айтқандық емес.
Тарих • 16 Ақпан, 2023
Жақсылар бағалаған, жұрт білетін, көп танитын әдебиеттанушы, зерек сыншы, журналистігі мен жазушылығы да жанып жіберсең тіліп түсетін, зерделі ғалым, бір сөзбен айтқанда, сан қырлы, бір сырлы Құлбек Ергөбектің азан шақырылып қойылған есімі – Құл-Құлбек.
Тарих • 25 Қаңтар, 2023
Баққожа аға сырбаз, мінезі биязы, үйірсек азамат-тын. Өзіне ғана жарасатын жылы жымиғаны қандай жарасымды еді. Бауырмалдығы да ерекше болатын. Содан болу керек, мені өзі іздеп келіп, танысқаны бар. Ол тұста мен «Жалын» баспасында редакторлық қызмет атқаратынмын.
