Пікірлер .
Тобасыз тойымсыздарға тоқтам бар ма?
Қазаққа адал қызмет етуді парыз да қарыз санаған ұлт көсемі Әлихан Бөкейханов: «Алаштың баласы, бұл жолы болмаса, жақын арада өз тізгіні өзінде бөлек мемлекет болар» депті.
20 Ақпан, 2018
Ақыл-ой иелерінен көз жазып қалмайық
Мына дүниені құлпыртатын да, құбылтатын да, жаңартатын да, жасартатын да, барыңды жетілдіретін де, орындасам деген мақсатыңа жеткізетін де – бір ғасыр бұрын ұлт ұстазы А.Байтұрсынұлы айтып кеткен білім жарысы. Сол жарыста, яғни ақыл-ойдың самғауында қанатыңды талдырмайтын, ауырыңды жеңілдететін – білім мен ғылым. Осы ақиқат жолында ел білімін қайтсек жақсартамыз, ғылымын қалай өрістетеміз деген ұлы ұғымды Елбасы Нұрсұлтан Назарбаев: «Ақыл табылмай, ештеңе табылмайды. Ой жетілмей тұрып, ар-намыс шыңдалмайды. Ар-намыссыз азамат, өзгелердің көсегесі түгілі, өзінің көсегесін көгерте алмайды. Онсыз ұлттық сана мен ұлттық намыс та тұл», деп азаттық алғаннан бері айтып келеді.
12 Ақпан, 2018
Жұрт болып жұмылудың, ұлт болып ұйысудың үлгісіне бабалардан қалған сөздерді естіп, өнегелі жазбалардан оқып отырғанда көз жеткізесің. Әсіресе, қазақтың төрт құбыласын түгендеп, кемін толтырып, кетігін бітеп отырған, бір ананың, бір әкенің тете ұлыңдай үш бидің өнегесін ту етіп төбеңе көтерсең, көкейіңе шырақ етіп жағып жүрсең, алдыңғының ақыл-парасатын қарынның қамы демей, көңіліңнен кетірмей, қарауылдай баға білсең – береке бірлік салтанат құрып, ұтылмайды екенсің.
05 Ақпан, 2018
Ағылшын тілінде сабақ беретін маман тапшы
«Өз тілімізбен өмір сүрейік. Бұдан артық қалай айтуға болады» деген Елбасы Н.Назарбаев мемлекеттің даму жолында «Кеше болмағаның бүгін болуы мүмкін, бүгін болмағанның ертең болуы мүмкін – ана тіліне мән бермеушіліктің, оны құрметтемеудің орны толмас олқылықтарға соқтыратыны сөзсіз», деп өмір өзгерістеріне қарай ұлт тілін қалай да сақтап қалуды жүктегені белгілі.
30 Қаңтар, 2018
Біз қазір ұлт болу, мәңгілік ел болу жолында келеміз. Бұл бабалар бағыттаған, бүгінгілер ақ-адал жалғасақ деген ұлы ниеттен туындап отыр. Әлемдік қарбаласта өз бет-бейнемізбен салған сара жолымыз даңғылға айналу үстінде. Ең бастысы, осы жолда ұлттық үрдісімізбен жүрсек, жұтылу мен тұтылудан алыс боларымыз ақиқат.
23 Қаңтар, 2018
Анау ғасырдың басында нағыз ұлт жазушысы, Бейімбет Майлин «Гүлденсе ауыл – гүлденеміз бәріміз, Ауыл дене, біз – қозғатар жанымыз. Кел, еңбекші, қол ұстасып бір туға, Жиналайық қалмай жасы, кәріміз!», деп ауылды көркейтуге елді шақырғаны алдыңғы толқынның есінде болса керек. Сол үлгі қазір де күн тәртібіне шықты.
01 Қаңтар, 2018
Дарын – тағдырдың сыйы. Ұстай алсаң құстай ұшасың, ұстай алмасаң мұрттай ұшасың. Ұстай алғанның қарымы зор. Бағы биік. Затына қарай аты, еңбегіне қарай өнбегі телегей теңіз. Ұстай алмағанның ұсқыны кірмейді. Қадамы ілгері жүрмейді. Қанша жетектегенмен, қамқорлық көрсеткен кері кетіп, күндердің күнінде күлкіге айналып, көлденең «кермеге» ұрына береді. Мұны өмір сабағына көз жібергенде көріп-біліп отырмыз.
14 Желтоқсан, 2017
Осы күндері жұрттың арасында «Көзкөргендер, өзгермеңдер» деген тіркес айтылып жүр. Сөзі жеңілдеу естілгенмен, астарындағы бояуы бес батпан. Бүгінгідей қиыр-шиыры сан түрлі уақыттың күнгейі мен көлеңкесі арбасып тұрғанда, ойлантпай қоймайды.
15 Қараша, 2017
Сылбыр көктем мен қара күзде тұмау үдеп, ескі сырқат сырқырамай қоймайды. Емханаға барасың, жалтақтап дәрігерге жағдайыңды айтасың. Ол отыра қалып қағаз толтырады. Суыртпақтап әңгімеге тартсаң, тексере келгендер жазғанына қарап еңбегін бағалайтын көрінеді. Бұл баяғы құтыла алмай келе жатқан қағазбастылықтың кесірі болса керек. Ол үшін дәрігерлерді кінәлау артық. Істен бұрын, қағазға сенген кезде қағаздың рөлі жоғары болғаны ақиқат.
10 Қараша, 2017
Бала да балапан секілді. Баули алсаң бағын ашасың, баули алмасаң өз балаңнан өзің қашасың.
03 Қараша, 2017
Данышпан Абай «Отыз алтыншы сөзінің» бастауында: «Пайғамбарымыз салалаһу һалайһи уәсәләмнің (құдайдың рақыметі жауғыр) хадис шарифінде (Пайғамбар туралы әңгімелер) айтыпты: «Мен лә хаяһүн уә лә иманун ләһу» деп, яғни кімнің ұяты жоқ болса, оның иманы да жоқ, деген. Біздің қазақтың өзінің мақалы да бар: «Ұят кімде болса, иман сонда» деген. Енді бұл сөзден білінді, ұят, өзі иманның бір мүшесі екен», депті. Шынында, ұят кеткен жерде иман болмайтыны анық. Имансыздан ибалық күту жөнсіздік.
25 Қазан, 2017
Бір замандары қазақтың қате баспауына халық тыйымдары өлшеусіз септігін тигізгені рас. Тіпті тұрмыс-салт тәрбиесінде заң орнына жүрді десек те, қателесе қоймаймыз. Үлкен-кіші пенделікпен теріс сөз айтып, теріс қарекет жасағанда артынан тыйым ұғымдарын есіне түсіріп отыратын болған.
06 Қазан, 2017
Қазақтың бастау бұлақтай тұнық тіліне кім тамсанбаған дейсіз. Әуезділігін әнге теңеген. «Француз тілі Еуропаға қалай әсер етсе, қазақ тілі түркі мәдениетіне дәл солай әсер еткен», депті В.Радлов.
23 Тамыз, 2017
Патшаның барымтасына, кеңестік кезеңнің күнде қырық құбылған қулығына бой алдырмай, тұнық ойына дақ түсірмей өткен нағыз ұлт көсемі Әлихан Бөкейхан: «Тірі болсам, қазаққа қызмет қылмай қоймаймын. Ұлтына, жұртына қызмет ету − білімнен емес, мінезден», деп еді. Шынында, ол кезде білім кем, мінез мықты еді. Қазір білім ұшан-теңіз, бірақ ұлттық мінез олқы, ала-құла, тіл мүкіс, намыс пен ар ақшаға тәуелді болып барады.
18 Тамыз, 2017
Табыс табудың, күн көрудің жолы сан қырлы. Алланың ақ жолынан таймай, адал іспен айналысатындар да, қулығына құрық бойламайтын, айла-шарғысы мол, кезі келсе қырғидай қақшып кететіндер де ауырдың астымен жүріп-ақ мал тауып, ұрты майланатындар да жоқ емес. Бай, кедей демей өзіне «керек» болса, күн мен түнді елемей, біреудің мүлкін қақшып кетіп жүргендер де, жаяу ұрылар да, қарау пенделер де аз кездеспейтін болды.
14 Тамыз, 2017
Қазаққа тәңірім даласындай кең тынысты үнді де берген. Сахараны сахна етіп, аспандағы аққуға үн қосып жүріп, үмітін үкілеген жұртымыздың бойындағы кемелдік пен кемеңгерлікті арғы-бергі тарихи кезеңдерге көз жіберсең, ұғасың да түсінесің.
07 Тамыз, 2017
Мұғалім беделі және репетиторлық
Қазір мектеп абыройы, мұғалім беделі туралы көп айтамыз. Бұрынғы орталықтандырылған білім беру жүйесі дәуір дамуына қарай әртараптандырылды. Соның бірі – ата-аналардың қалауына қарай түрлі тәсілдер бойынша ақшасын төлеп, репетитор жалдау.
26 Шілде, 2017
Ойға кемел, сөзге берен қазақтың Қадыры (Мырза Әлі): «Кісілік кісі таңдамайды. Ол қой бағып жүрген қатардағы қазақтан бастап, ел басқарып жүрген елеулі азаматтарға дейін, бір де біреуін жатырқамайды. Иә, жатырқамайды. Бірақ ол екінің біріне бұйырмайтын, адамның адамына ғана, соның жүрегіне ұя салатын қымбат қасиет... кісіліктің қадір-қасиетін түсіну үшін пенделік, тіпті, иттік хақында да әңгіме айтуға тура келеді», дейді.
17 Шілде, 2017
Жүйелі жұмыс жүйкені жұқартпайды
Биылғы оқу жылы да аяқталды. Жыл бойы көп мәселе көтерілді. Мұғалім жайы да қозғалды. Оқулықтың ой-қыры, бары мен жоғы талқыға түсті. Оның жүйесіз тұстары туралы ащы да, ашық та айтылып жатты. Тіл төңірегіндегі түйткілдер де жан-жақты тілге тиек болды.
16 Маусым, 2017
Ұрпақ тағдырымен ойнаған оңбайды
Ұлттың ұлылығы ұрпағынан көрінеді. Бұл – әлімсақтан белгілі нәрсе. Ал сол ұрпақ тағдырына былық араласса, ар былғанады. Содан да шығар, ұлт ұстазы Ахмет Байтұрсынұлының «Баланы ұлша тәрбиелесең – ұл болмақшы. Құлша тәрбиелесең – құл болмақшы», деп өсиет қалдырып кеткені. Біз осы өсиетті орындай алдық па, әлде бәрін заманға теліп, теріс басқан аяғымызды, дүниенің құлы болуға ұмтылған ниетімізді түзеуге мұршамыз жетпей жүр ме? Бұл санамыздағы ақаудан, ұлтты ұлт ететін мәдени-генетикалық кодымыздың әлсіздігінен, тіпті мүлде кеміп кеткенінен болып отыр ма?
24 Мамыр, 2017
