Әлем • 14 Қазан, 2020
«Egemen Qazaqstan» басылымы Ақпарат және қоғамдық даму министрлігінің қолдауымен әлемдегі маңызды да өзекті тақырыптар жөнінде бірегей контент әзірлейтін Project Syndicate жобасы мақалаларын жариялауды жалғастырады. Бүгінгі нөмірде оқырмандар назарына екі мақала ұсынып отырмыз. Принстон университетінің биотехника профессоры Питер Сингер өзінің мақаласында Жер-жаһанды әбігерге салған коронавирус пандемиясымен күресу үшін локдаун енгізу қажет пе, жоқ па деген мәселеге назар аударады. Автордың айтуынша, локдаунның әсерінен індетті біршама ауыздықтауға мүмкіндік туды. Алайда табысы төмен отбасылар бірқатар қиындыққа тап келді. Питер Сингер пандемиямен күресті әлі де жетілдіре түсу қажеттігіне тоқталады. Халықаралық қатынастар жөніндегі Еуропалық кеңестің директоры Марк Леонард халықаралық саясат туралы ой қозғайды. Автордың пайымдауынша, қазіргі таңда Еуропалық одақ үлкен таңдаудың алдында тұр. Бір жағынан, Трансатланттық келісімді сақтап қалу мақсатында АҚШ билігінің ығына жығылуды немесе өңірлік қауіпсіздікті сақтау үшін өз мүддесіне беріктік танытуды таңдауы тиіс. М.Леонард қазіргі таңда әлем еуроцентристік көзқарастан бас тартқанын айтады. Осы орайда, Елбасы Нұрсұлтан Назарбаевтың еуроцентристік көзқарасты сынағаны, оның қазіргі заманғы қажеттіліктерге жауап бермейтінін айтқаны еске түседі. Мұны мақала авторы да мойындайды.
Қазақстан • 14 Қазан, 2020
Бұл жануарлардың «тұяқтылар» аталуы аяғының табаны қалың тұяқпен қапталғандығымен түсіндіріледі. Тұяқтылардың негізгі қорегі – шөптесін өсімдіктер. Сондықтан да бұл жануарлар тауда шөптесін өсімдіктер мол өсетін жерлерді мекен етеді. «Тарбағатай» мемлекеттік ұлттық табиғи паркінде тұяқты жануарлардан арқар, бұлан, марал, елік, қабан кездеседі.
Елорда • 13 Қазан, 2020
Елордада әлеуметтік пәтерлер берілді
Нұр-Сұлтанда Тұрғын үй құрылыс жинақ банкінде кезекте тұрған 900-ден астам салымшы көптен күткен пәтерлерін алды. Биыл жеңілдетілген тұрғын үй құрылысының көлемі үш есеге артты, деп хабарлайды Egemen.kz
Руханият • 13 Қазан, 2020
Үш мыңнан аса жәдігері бар Байзақ аудандық тарихи-өлкетану музейіне келушілердің саны жылдан-жылға арта түсуде. Жақында мұражай жәдігерлері тағы да толыға түсті. Музейімізге көпбалалы ана, ардақты әже Зәтекүл Молдабаева арнайы келіп, өзі қолданған бірнеше бұйымды табыстады.
Білім • 13 Қазан, 2020
Гуманитарлық бағыттар бойынша әлемнің үздік университеттерінің 77 оқулығы қазақ тіліне аударылып, басылып шығарылды. Жаңа оқу жылы қарсаңында оқулықтар еліміздің барлық жоғары оқу орындарына жеткізілді. Бүгінгі таңда аударылған тағы 23 оқулықты басып шығару және тарату бойынша жұмыстар жалғасып жатыр.
Қоғам • 13 Қазан, 2020
Бүгінде бүкіл адамзатты толғандырып, әлемді дүрліктірген пандемия өмірімізді өзгертіп жіберді. Тіпті көптеген дамыған, алдыңғы қатардағы мемлекеттер экономикалық-әлеуметтік дағдарысқа ілікті. Соның салдарынан ел-жұрт әлі де қалыпты тіршілік ауанында өмір сүре алмай келеді. Қауіп аздап болса да сейілгенімен, халықта қорқыныш, үрей басым. Өйткені Еуропа мен Америка құрлығында індеттің екінші толқыны күн санап мыңдаған адамды ауруға шалдықтырып, көптеген жан көз жұмуда.
Қоғам • 13 Қазан, 2020
Ел арасында аң аулауға, браконьерлік іс-әрекеттерге қатысты, оның шариғи үкіміне байланысты түрлі сұрақтар мен пікірлер бар. Аңшылықты қолдайтын топ оған шариғатта рұқсат берілгенін алға тартса, екінші тарап «оған ешқандай қажеттілік жоқ, қазір аш қалып, аң аулап, тіршілік кешкен заман емес», деген пікір білдіруде. Әрине, әр адам бір мәселеге бірнеше ракурстан қарайды. Бұл – заңды құбылыс.
Президент • 13 Қазан, 2020
Президент әскери оқу-жаттығулар өткізу туралы заңға қол қойды
Мемлекет басшысы Қасым-Жомарт Тоқеав «2007 жылғы 27 маусымдағы Шанхай ынтымақтастық ұйымына мүше мемлекеттер арасындағы бірлескен әскери оқу-жаттығулар өткізу туралы келісімге толықтырулар енгізу туралы хаттаманы ратификациялау туралы» Қазақстан Республикасының Заңына қол қойды, деп хабарлайды Egemen.kz Ақорданың баспасөз қызметіне сілтеме жасап.
Руханият • 13 Қазан, 2020
Өмір қай заманда болса да күрделі. Қырғын соғыссыз-ақ, жымыңдасып, күлісіп, арқадан қағысып, бір ұлтты бір ұлт қақалмай-ақ жұтып қойып жатқан мына уақытта өмірдің күрделілігі тіпті шығандап кеткен. Қай халықтың болмасын естияр азаматы елімнің ұлттық кейпін, ішкі реңін қалай сақтаймын деп жанталасқан тұс. Осы алмағайып тұста БАҚ-тың қай-қайсысы болмасын өз халқымыздың ұлттық мәйегін өскелең ұрпаққа сіңіре білсе екен, болашағына бағдар бере білсе екен деп тілейсің.
Сұхбат • 13 Қазан, 2020
Нұр-Сұлтан қаласы әкімдігіне қарасты «Наз» мемлекеттік би театры өткен айда кезекті XIII маусымын жастарға арналған «Уақыт-Өмір» философиялық, хореографиялық спектаклімен ашты. Онлайн форматта өткен жаңа маусымдағы қойылым – театр репертуарындағы алғашқы музыкалық туынды. Мұнда ән мен би қатар орындалатындықтан, жобаны театр әртістерінің сахнадағы тағы бір тың ізденісі деуге толық негіз бар. Замандастардың бүгінгі тыныс-тіршілігі бейнеленген заманауи сипаттағы философиялық ойға құрылған спектакльдің қоюшы-хореографы, бүгінде Ресейдің Санкт-Петербург қаласында кәсіби біліктілігін жетілдіріп жүрген жас маман Светлана ДОМИНСКАЯ музыка мен пластиканың өзара үйлесімді үндестігінен туған сахналық қойылымның тәрбиелік мәні мен мұнан басқа да сан-сапат ерекшелігін тілге тиек етті.
