Әдебиет • 15 Ақпан, 2023
Бабы келген кемел туындылар болады. Асқан білгірлікпен, талғампаздықпен қалыпталғаны өз алдына, байыптап, жеті рет өлшеп, бір рет кескен адам емес, құдірет дерсіз. Таңдап алған тақырыбының иін қандырып, суын сығып, сөлі мен нәрін әкеп құя салады кеудеңе. Байыптап үлгермей де қаласыз. Себебі бастаған бойда бір деммен оқып шығасыз да, құмарың қанбай қайта парақтап, ұңғыл-шұңғылын тағы бір мәрте сүзіп шығасың. Әсіресе Тәкен Әлімқұлдың «Көк қаршыға» әңгімесін оқығанда әлгіндей әсер алдық. Жалпы Тәкеннің ән-күйі туралы әңгіме, повестері – атап айтарлық соқталы дүниелер.
Әдебиет • 14 Ақпан, 2023
Адамзаттың алтын бесігі Алтай, бәлкім, алтын тау, қалай атаса да жарасады. Сақ, ғұн, түріктен қазақ шыққан атажұртымыздың қойын-қонышы бүгінде иен жатқанын білеміз. Ондағы Бөкенбай тауы, Ақсөңке сайы, Қыранжартас үңгірі, Былғары табыт обасы мен Азутау шыңы, Марқакөлді, Қалжыр мен Шүмек өзендерін Астанада отырып қалай таныдық? Жазушы Асқар Алтайдың «Былғары табыт» романынан ұшыраттық. Жердің жайы өз алдына, сол топыраққа қоныстанған жұрт, олармен астаналықтардың қатынасы арқылы өзін танудан қалған қайран қазақтың бүгіні мен болашағын бағамдайсыз. Қайран деген сөздің соңында өкініш бар...
Әдебиет • 06 Ақпан, 2023
Батырлар, балуандар, күрескерлер ғана ұстап тұра ма ұлттың рухын? Олар халықтың рухын көтеретініне дау жоқ, әрине. Ал негізгі рухтың алтын жүлгесін ұстап, ұрпақтан ұрпаққа жеткізуші – ақындар һәм басқа да сөз иелері. Батырлар жырынан бастап, жыраулар поэзиясынан бүгінге дейін көшкен ұлт болмысының мәйегі баяғыда ұмытылып кеткен немесе тарихта аты қалған ақын жырларында тұрады. Топырағына біткен жусандай, танауыңа апарсаң қышқылтым иісі ұйқысыраған ақыл-есіңді оятпаса, далада өскен қазақ жыр екен демейді. Иран-Ғайып, Иранбек Оразбаевтың кейбір туындыларындай шамырқанып, ытырынып тұрмаса.
Әдебиет • 01 Ақпан, 2023
Қазақ даласында жолбарыс жортқан. Жолбарыстай жігіттер болған, әйтпесе Жолбарыс деп ат қоя ма баласына? Онымен аттас хан да бар тарихта. Мұның бәрі жаңалық болмауы мүмкін зерделіге. Ал жалаң қолмен жолбарыс соққандар туралы әңгіме бөлек. Оқысаңыз да, тыңдасаңыз да жалықпайсыз. Сіз бірден Мұхтар Мағауиннің «Шақан-Шері» романын айтарсыз. Біз де соны атаймыз. Ол – теңдессіз шығарма. Алайда жолбарыс жайлы жазған тағы бір автор – ақын-жазушы Сапарғали Бегалин, «Тайатқан тауынан табылыпты» атты әңгімесінен ұшырастық.
Жәдігер • 01 Ақпан, 2023
Қарағандыдағы облыстық бейнелеу өнері мұражайында тұрған бұл жәдігер Қазақстанға Украинадан жеткен.
Әдебиет • 30 Қаңтар, 2023
Абай дүниеге өзімен бірге бүтін бір дәуірдің жаңа бастауын ала келді. Өзгеше пайым, жаңаша ойлау жүйесін қалыптағаны көрінеді. Қазақ әдебиетін уақыт тұрғысынан саралап, салмағы мен қуатына үңілгенде, Абайға дейінгі және Абайдан кейінгі болып бөлінетінінің өзі көп жайды аңғартады. Өміріңді жаңа арнаға бұру үшін әуелі ойыңды өзгерт демей ме?
Әдебиет • 26 Қаңтар, 2023
Әдебиет • 24 Қаңтар, 2023
Егер оқырманын сүйіндіріп немесе күйіндіріп қоймаса, кезі келгенде, тіпті жирендіріп, ондайдан бойды аулақ саларға ойландырмаса әдебиет әдебиет, өлең өлең емес шығар. Жалпы, өнер атаулының бір міндеті адам жанын тәрбиелеу, рухын шынықтыруға бағышталатыны белгілі.
Әдебиет • 23 Қаңтар, 2023
«Жанбота мазамды алды ала жаздай...»
«Аспан болған соң, ашығы жақсы», депті ғой Оралхан Бөкей. Біз шамамыз жеткенше туынды туралы айтамыз. Оның шырқау биігі мен тереңіне жету-жетпеу – басқа әңгіме. Кейбір ұлы туындылар хақында автордың өзі терең бойлап жеткізе алмауы мүмкін, кейде. Енді, әрине, сөз шығарма жайында болған соң, оның иесі хақында да тоқтала кетуге тура келеді.
Әдебиет • 18 Қаңтар, 2023
Дәулеткерейдің «Жігерін» тыңдап, тереңіне бойлай алған адам дүниеге қалай қарайды деп ойлайсыз? Тіпті тереңіне демей-ақ қояйық, ептеп-ептеп түйсінуге жеткен жүрек иесінің өзі осал болмасына бәс тігер едік. Негізі күйді түсінеді дегеннен гөрі, түйсінеді, сезінеді деген оңдырақ шығар. Бірақ дүниенің бәрі сол сезінуден тумай ма? Егер қазақ тыңдармандары өзінің төл мәдениетінің шаңырағын көтерген қадау-қадау ілкі туындыларымен ауызданып өскенде, біздің бүгінгі жағдайымыз қазіргіден көш ілгері болар еді ғой. Әрине, қазақ өнеріндегі оқшау тұлға, оның ішінде саз әлеміне орасан зор олжа салған Дәулеткерей Шығайұлының музыкалық мұрасына келгенде осылай деуге мәжбүрміз.
