Өнер • 07 Шілде, 2022
Көркемөнерде әрбір деталь үлкен мағынамен шектесіп жатады. Көкірекке тұнған көркем ой тазалыққа іңкәрлік танытқан шақтан бастап, салалы саусаққа сіңген құдіретті оятады. Жанға тылсым күш, ыстық қайрат, бұла сезім құятын дәруменнің түпбастауы сол. Ып-ыстық иіріміне тартып ала жөнелер сыршыл бояулар жүрекке жол төсеген сәтте басқа кеңістіктен пана іздейсіз.
Елорда • 05 Шілде, 2022
Батыс елдері ата тарихын ұмытпау үшін архив қоймаларында қордаланып жатқан құжаттарды өңдеп, тіпті сонымен айналысатын ғылыми орталық та ашқан екен. Шежірелі деректердің институтына айналған сондай мекемелер ұлттың рухани игілігіне айналып отыр. Әрине, бабалар аманатына атүсті қарауға болмайды. Бұл салада біздің ауызтолтырып айтар әңгімеміз аз емес. Мемлекет құнды құжаттарды қайта қалпына келтіру үшін шама-шарқынша қам-қарекет жасауда. Мұның ұшар басында Нұр-Сұлтан қаласы мемлекеттік архиві тұр.
Өнер • 05 Шілде, 2022
Бозарған түн. Боз үміт. Балауса таң
Біздің жұрт бүгінге дейін өкіре жылап, өкси жоқтап жүрген байырғы ән әлемі анау-мынау пәлекеттен ада еді. Бүгінгі бәлду-бәлду әуендер мен бәкін-шүкін музыкалармен шытырманы, шатағы жоқ. Көнеусіз айғай, тежеусіз дабырамен де. Оңай жазылған, оңай тыңдалады. Жазығы сол, қалай айтылса да қайтып келмес кеңестік өнер жүйесіне қатысы болғаны. Ескі ертегіні жаңа заманға бұйдалап әкелгенімен оқиға желісі оқшауланып тұрады екен ғой. Оның үстіне онда қарапайым қазақтың зердесі мен жастық шағының бояуы болса, алыстан-ақ танисыз.
Елорда • 04 Шілде, 2022
Жаңа тарихтың алғашқы бетінде әсем астанамыздың суреті тұруы заңды. Егемендікке қол жеткізгелі бері елордамыз тотыдай түрленіп, алып шаһарға айналды. Бүгінде тәуелсіздігіміздің қолтаңбасындай көңілге жылу құяды. Алғашқы кірпіші қаланған сәттен бастап, қазірге дейінгі даму бағдары фотоқұжат ретінде сақталып келеді. Бұған «Қала тарихы астаналық архивтің фотоқұжаттарында» көрмесінде көз жеткіздік.
Аймақтар • 01 Шілде, 2022
Апат айтып келмейді. Алматы облысына қарасты Балқаш ауданы Бақбақты ауылында қатты дауыл тұрып, бірнеше тұрғын үйге залал келтірді. Бұрқасын боран мыңға жуық оқушыны тәрбиелеп отырған мектептің шатырын жұлып әкетіпті. Қазір апаттан келген шығынды тексеру жұмыстары жүргізіліп жатыр.
Өнер • 29 Маусым, 2022
Конфуций үнсіздікті ешқашан сатпайтын адал досқа теңейді. Көпірген көп сөз тыныштықтың берекесін алады. Ал үнсіздікті сейілткіңіз келсе, ақылды әңгіме айтыңыз. Табиғат дүниесі тым-тырыс, меңіреу қалыпта жаныңа жылу құяды. У-шудан жалыққан сәтте самал желмен тербелген ағаш жапырақтарының сыбдырына құлақ түрсеңіз, көңіліңіз гүлдейді. Десе де ұзақ ой үстіндегі қоғамның үнсіздігінен қорқу қажет.
Өнер • 28 Маусым, 2022
«Ағатай, жан қалтаңда құртың бар ма?»
Түркі халқының өмір салты тұнған философия. Шыр етіп дүние есігін ашқан нәрестенің өзегін жалғар ізгілік, ана сүтімен сіңген асыл қасиет, жөргектегі жылу ғылымға негіз болар рухани реинкорнация. Көшпенділердің ғұмыр сипаты төбе кезіп, тау ықтау емес, тіршілікпен толық тамырласу. Бұл бабатанымнан тараған ғұмырлық мәйек алар нәзік ақылдың жемісі. Адасса атының жершілдігіне сенетін қазақтың қалып-қағидасы осы.
Өнер • 27 Маусым, 2022
Адамдар – ақылды жануар. Мұны данышпан Фридрих Ницше айтқан. Дүниеге деген ашкөздік екі аяқты пендеге ғана жарасқан, ал тіршіліктің даму заңына бағынған аңдардың әрекеті тәңірлік инстинкт ғана. Әйтсе де Құдай барлық күш-қуатты адамзаттың қолына ұстатқан екен. Біздің имани сенім оның сынақ екенін кейін ұғынды. Бұл да – диллема. Сіз бен біздің картинадағы пілден не айырмашылығымыз бар?! Ойланып көрейікші…
Қоғам • 24 Маусым, 2022
Архив саласы – жас ұрпақтың болашақтағы рухани азығы. Оны зерделеу, зерттеу, бағамдау, ой сүзгісінен өткізу солардың еншісінде. Ендеше, жастарды мұрағат ісінен хабардар ету елге парыз. Бүгінде бұл өнегелі істі Нұр-Сұлтан қаласының мемлекеттік архиві қолға алып отыр. Қазірдің өзінде арнайы іс-шаралар ұйымдастырып, жас мамандарды тартып жатыр.
Тарих • 23 Маусым, 2022
Кейде бүтін тарих бір ғана суретке сыйып кетеді. Өткенін жоғалтып алған жанның түпбастауына апарар жолбелгі секілді. Жаныңызға жылулық құяды, санаңызға сұлу сәттердің силуэтін сыйлайды. Кемеліне келіп, талай сырғақты жолды өндірген, таным-тағылымы терең қариядай жан сарайын жадырататын шежірелі ғасырдың пәлсапасы түгесіле ме? Қанша уақыт тіршілік тепеңімен жүрсеңіз де біреу келіп көңіліңіздің киелі пернесін дөп басса асау өзендей ағыла жөнелесіз. Біз бүгін сондай жанмен дидарластық. Көпті көрген қарт анамызға көңілашар ниетпен құлақ қойып әңгімесін ұйып тыңдадық.
