Өнер • 27 Маусым, 2022
Адамдар – ақылды жануар. Мұны данышпан Фридрих Ницше айтқан. Дүниеге деген ашкөздік екі аяқты пендеге ғана жарасқан, ал тіршіліктің даму заңына бағынған аңдардың әрекеті тәңірлік инстинкт ғана. Әйтсе де Құдай барлық күш-қуатты адамзаттың қолына ұстатқан екен. Біздің имани сенім оның сынақ екенін кейін ұғынды. Бұл да – диллема. Сіз бен біздің картинадағы пілден не айырмашылығымыз бар?! Ойланып көрейікші…
Қоғам • 24 Маусым, 2022
Архив саласы – жас ұрпақтың болашақтағы рухани азығы. Оны зерделеу, зерттеу, бағамдау, ой сүзгісінен өткізу солардың еншісінде. Ендеше, жастарды мұрағат ісінен хабардар ету елге парыз. Бүгінде бұл өнегелі істі Нұр-Сұлтан қаласының мемлекеттік архиві қолға алып отыр. Қазірдің өзінде арнайы іс-шаралар ұйымдастырып, жас мамандарды тартып жатыр.
Тарих • 23 Маусым, 2022
Кейде бүтін тарих бір ғана суретке сыйып кетеді. Өткенін жоғалтып алған жанның түпбастауына апарар жолбелгі секілді. Жаныңызға жылулық құяды, санаңызға сұлу сәттердің силуэтін сыйлайды. Кемеліне келіп, талай сырғақты жолды өндірген, таным-тағылымы терең қариядай жан сарайын жадырататын шежірелі ғасырдың пәлсапасы түгесіле ме? Қанша уақыт тіршілік тепеңімен жүрсеңіз де біреу келіп көңіліңіздің киелі пернесін дөп басса асау өзендей ағыла жөнелесіз. Біз бүгін сондай жанмен дидарластық. Көпті көрген қарт анамызға көңілашар ниетпен құлақ қойып әңгімесін ұйып тыңдадық.
Өнер • 22 Маусым, 2022
Поцифик! Бұл – бейбітшілік таңбасы. Мұқым ұлттың тағдыры қыл үстінде тұрған дүрбелең шақта етегі жасқа толған халықтың тағына қонуына рух берген асаси белгі. Еңіреген жан көрсе енекөкірегі иіп сала берер ұлы тыныштық сезімі кімге де болса шынайы һәм жемісті емес пе?! Мұны британдық суретші Джеральд Холтом жақсы түйсінсе керек. Аңызға сүйенсек, ол да Пикассо секілді алдымен көгершінмен тілдесіпті деседі.
Өнер • 21 Маусым, 2022
Ажалға айла жүрмейді. Осы ой санамызда қылаң берсе, әуелі Қорқыт ата еске түседі. Түркі өркениетінің темірқазығына айналған алып тұлғаның аңызы – рухани кеніш. Әсіресе қазаққа жақын секілді. Ертегі мен әпсанадан бастап, шындыққа тамыр жаяр ойлы оқиғалардың желісіне ертетін әңгімелер әсерлі әрі әдепті. Пайғамбарлар дәуірінен басталған хамса жыр мен бояудан әлі де ұйқас іздейді.
Өнер • 19 Маусым, 2022
Би музыкада жатқан барлық құпияны ашады. Шарль Бодлер айтқан осы сөзге, біз тағы оймақтай ой қосқымыз келіп отырғаны. Адамның әрбір қозғалысында өмір ырғағының элементтері бар, ол тіпті өзінің кім екенінен де хабар береді. Әрбірден соң бисіз революция жасаудың қажеті жоқ. Сондықтан Жаңа Қазақстанға жаңа би, жаңа қозғалыс ауадай қажет. Мәселен, латынамерикалықтар ламбададан сол рухты тапты. Ал философ Габриелла Роттың айтуынша, біз өзімізді толығымен би рухына берсек, ол дұғаға айналады. Бірақ қазақтың оны мойындай қоюы қиын.
Өнер • 16 Маусым, 2022
«Қара шапан –Жауында әкем, сауында шешем киген,Сол шапанның қойнына шекер де үйгем.Жамау-жамау біз көрген балалықтай,Қайда қалды шапаным көшерде үйден?». Жас ақын Ерік Нарынның осы өлеңі картинадағы бояумен үндесетін секілді. Бір детальмен-ақ тірліктің қасіретін көрсету, оны жүрекпен сезіну қиын дүние. Бірақ жан толғанысыңыз түс болып төгілгенде кенеп бетінде еркін қалықтайсыз.
Өнер • 13 Маусым, 2022
Азалы желтоқсанда жүрекке ауа жетпеді. 1986 жылдың қысы ақ жамылған айналаны қанды түске бояп, қызыл қарды құшқан қаншама боздақтарымыз ажал құшты. Табанынан сыз өткен, суықтан жаны қалтыраған жастар небір дертке шалдықты. Әйтсе де олардың рухы мәңгілік биікке көтерілді, балбал тасқа айналды. Біз мысалға алған картина сол қасіретті еске салады.
Тарих • 09 Маусым, 2022
Шіркін, Жетісудың өн бойы сыңсыған ну орман ғой. Жаз келсе болғаны, жері жасарады, айнала-маң шалғын кілем төсенеді. Жетісу сұлудай сәнденеді, жол жиегі түрлі гүлді шөпке толады. Түйір тасында түйдек-түйдек тарихтың таралғысы топталып жатады. Бұл таңбалы тастар – тарихтың миы, ақыл-ойдың табысы. Сеңгір-сеңгір тауларды, үңгір-үңгір құздарды, түйе өркешті шыңдарды, бұраң-бұраң сүрлеулерді серік еткен Таңбалы шатқалы. Көрген кісі көңіл бөлмей кетпейді.
Өнер • 07 Маусым, 2022
«Суретшілік – соқырлардың жұмысы. Суретші көргенін емес, сезінгенін бейнелейді», дейтіні бар Пабло Пикассоның. Осы «сезіну» деген ұғым қылқалам иесінің бәріне қона бермейтін құдірет. Мұны даңқты суретші жақсы бағамдап отыр. Мәселен, біз мысалға алған картинадан сіз не сезіне алдыңыз?! Көзбен көргеніңізді емес, көңілге түйгеніңізді ой ішінде кестелеп көріңізші.
