«Таза Қазақстан» • 16 Қазан, 2024
Экологиялық акция – тазалық кепілі
«Таза Қазақстан» республикалық акциясы аясында Абай облысында ауқымды экологиялық іс-шара жалғасып жатыр. Іс-шараға қатысушылар қоршаған ортаны, экологиялық жағдайды жақсартуға барынша күш салып келеді. Су қоймаларын, саябақтарды, алаңдарды, көшелер мен аулаларды қамтыған ірі сенбіліктерге жүздеген жергілікті тұрғындар шықты.
Аймақтар • 15 Қазан, 2024
Күзгі дала науқаны қызып тұр. Баптап өсірген бидайды соңғы дәніне дейін жинап алу ала жаздайғы ауқымды жұмыстың маңызды бөлігі. Өңір диқаншылары 749,5 мың гектар аумаққа егін еккен. Оның 299,0 мың гектары – дәнді дақыл, 295,8 мың гектары – майлы дақыл, 5,8 мың гектары – картоп, 5,4 мың гектары – көкөніс, 143,5 мың гектары – жемшөп дақылдары.
Жәдігер • 11 Қазан, 2024
Төлеу ақынға төреден өткен балдақ
Хакім Абайдың көзін көрген көрнекті халық ақындарының бірі – Төлеу Көбдікұлы. Оған қатысты әрбір дерек, алақанының табы қалған жәдігер де құнды әрі қастерлі. Сол арқылы ақын әр қырынан танылып, беймәлім сырлар көңілге қонақтайды. Баласы Мұрат Төлеуұлының шаңырағында ақынның қолжазбалары және көзі тірісінде жарық көрген жыр жинақтары, фотосуреттері мен жеке заттары – шапаны, домбырасы, шақшасы, балдағы, кісе белбеуі сынды дүниелері сақтаулы. Тұтынған заттарының арасында қолының табы қалған балдағының тарихы да терең.
Аймақтар • 09 Қазан, 2024
Абай облысында орман өртімен күресте қаза тапқан өрт сөндірушілер мен орманшыларға ескерткіш қойылды.
Референдум 2024 • 07 Қазан, 2024
Облыс орталығында тіркелген 1 аумақтық, 128 учаскелік референдум комиссиясында таңдау жасауға асыққан, болашаққа бейжай қарамайтын тұрғындардың қарасы қалың болды. Әсіресе қала орталығында тұратындар дауыс беруге белсенді қатысты.
Аймақтар • 07 Қазан, 2024
Семей – өткен ғасырдың басынан бастап қазақ зиялылары бас біріктірген тарихи мекен. Мұнда азаттықтың алғышарты алға қойылып, тәуелсіздіктің тұғыры да осында бекіді. Семей қаласының сол жағалауы Жаңа Семей бөлігі Алаш қаласы аталып, ұлт қайраткерлері бас қосатын ғимараттар сап құрады. Алаш қаласындағы тарихи ғимараттар мен тұрпаты бөлек тұлғаларға қатысты орындар жетерлік. Солардың бірі – осы өңірде алғаш ашылған тұңғыш қазақ мектебі, бүгінде Шәкәрім баба есімін иеленген көпбейінді №5 гимназия.
Аймақтар • 02 Қазан, 2024
Семей қаласында ашылған мұғалімдер семинариясы – Мұхтар, Жүсіпбек, Қаныш, тағы басқа Алаштың айбоздары оқыған орын. Тарихи оқу орданың құрылғанына биыл – 120 жыл. Облыс орталығында Мұхтар Әуезов атындағы педагогикалық колледжінің мерейтойы аталып өтіп, халықаралық ғылыми-тәжірибелік конференциямен жалғасты. Айтулы басқосуда оқу ордасының терең тарихы, жеткен жетістіктері және болашақтағы бағытын бағдарлайтын мәселелер талқыланды.
Талбесік • 01 Қазан, 2024
Мемлекет басшысы биылғы Жолдауында: «Экологиялық ахуалды жақсарту – алдымызда тұрған негізгі міндеттің бірі. Біз қоғамда қоршаған ортаны қорғаудың мән-маңызын кеңінен дәріптеуіміз керек. «Семей орманы» Өаясында орман тұқым бағы бар. Бұл – Орталық Азиядағы халықаралық озық талаптарға сай көшет өсіретін бірден-бір кешен. Осы жобаны басқа да орманды аймақтарда жүзеге асырған абзал», деген еді.
Аймақтар • 26 Қыркүйек, 2024
Семей қаласы күніне орай облыс орталығына қарасты Цементшілер кентінде пәтер кезегінде тұрған әлеуметтік осал топ санатындағы 20 отбасына пәтер кілті табысталды. Көпбалалы отбасылар, ерекше қажеттілігі бар азаматтар, ата-ана қамқорлығынсыз қалған балалар соңғы үлгіде салынған баспанаға қол жеткізді. Үйде мүмкіндігі шектеулі жандардың кіріп-шығуына қолайлы жағдай жасалған.
Әдебиет • 20 Қыркүйек, 2024
Өткен ғасырдың 70-жылдары жазушы Тұрсын Жұртбай «Замандасым, сырласым», «Қоңыр қаз», «Жүрегімде жұмыр жер» атты оқшау дүниелерін оқырманның таным таразысына тартып, әдеби әлемге аяқ басты. Ең алғаш қаламынан туған дүниелерінен-ақ айқын қолтаңбасы, бөлек соқпағы танылды. Жазушы өзін көркем дүниемен ерте «қоштастым» деп өкініш білдіретіні рас. Алайда оның осынау шығармалары көлемімен де, көркемдігімен де көсіліп жазғандардан көш ілгері екенін ойлы оқырманның бағамдары күмәнсіз.
