Өнер • 24 Ақпан, 2022
Актер, Қазақстаннның еңбек сіңірген қайраткері Кеңес Нұрлановты көпшілік өткен ғасырдың соңғы онжылдығында түсірілген режиссер Сламбек Тәуекелдің «Батыр Баян» фильміндегі Ноян рөлі арқылы жақсы таниды. Аяған Шәжімбайдың «Жансебіліндегі» Мұқатайдың жас кезін кемеліне келтіре кейіптеген әртіс шеберлігі де көрермен есінде жатталған. Сол секілді «Айдай сұлу Айсұлу» кино туындысындағы кейіпкерін де оңай ұмыту мүмкін емес. Ал театрда тудырған бейнелері туралы әңгіме тіпті бөлек.
Өнер • 21 Ақпан, 2022
Опера театрының іші. Салтанаты келіскен сәнді сарайдың баспалдақтарын әсем төплиінің өкшесімен тық-тық еткізіп, еркелей басып Әнші түсіп келеді.
Өнер • 14 Ақпан, 2022
Бақтияр Адамжан: Менің бағым – балет
Сонау бір жылы теледидардан тек жарнамасын көріп, Алматыдағы А.В.Селезнев атындағы хореография училищесіне ата-анасының нұсқауымен кездейсоқ келген баламен бүгінде тек ұстаздары ғана емес, күллі қазақ мақтанады. Өнеріне әлем таңырқай қол соғады. Қайталанбас талантымен жаһанның ең үздік байқауларын бағындырып, шығармашылық қоржынын балеттегі небір күрделі бейнелердің жарқырай сомдалған шуақты шоғырымен байытқан дүлдүлдің әр қойылымы – құбылыс. Бекзат өнердің биігін бағындырған Бақтияр – Қазақстанның еңбек сіңірген қайраткері, «Астана Опера» театрының жетекші солисі. Бақтияр Адамжанның сахнадағы биі қандай көркем болса, өмір мен өнер туралы толғамдары да сондай өрнекті.
Театр • 11 Ақпан, 2022
«Астана Опера» балет труппасының жетекші солисі, Қазақстанның еңбек сіңірген қайраткері Бақтияр Адамжан Ballet International Gala әлемдік шоуы аясында Аустралия елінде абыройлы өнер көрсетіп қайтты. Талантты әртістің балеттегі мінсіз техникасы мен шеберлігі жасыл құрлық көрермендерін таңдай қаққызды.
Өнер • 10 Ақпан, 2022
Еділ мен Жайық... Қазақ елі өбектей сүйген ырысты қос өзеннің көктей ағып өтер өлкесінде туып-өскен Жұбан ақынның да, Илья композитордың да ұлы дарияларға деген іңкәрлігі мен махаббаты ерекше болғаны даусыз. Ал ондай шексіз махаббат жаман ән тудырмаса керек-ті.
Қоғам • 02 Ақпан, 2022
Академик Серік Қирабаевтың ғылымдағы қайраткерлігі мен қажыры қандай қарымды болса, өмірдегі ақсүйек болмысы мен адамдық қасиеті де бойындағы тектілігімен тамаша қабысып жататын. Бүгінде өткен шақтың еншісіне бұйырған ол естеліктер жылдар алға жылжыған сайын құндылығын арттырып, тағылымымен әлі де талай буынның таным көкжиегін кеңейтуге қызмет етері хақ.
Театр • 13 Қаңтар, 2022
Соңғы уақытта елде белең алған қиын жағдайлар, қайғылы оқиғалардың жүрекке салған ізі театр сахнасына жол тартқан қойылымдарда да жиі айтылып, көрерменіне ой салып жүр. Қ.Қуанышбаев атындағы академиялық қазақ музыкалық драма театрындағы өткен жылдың жылжабар өнер жаңалығы болған Айвонн Менчеллдің «Күзгі іңір» («Сен маған керексің...») спектаклінің премьерасы адам жанының нәзік те күрделі әлемінің қатпарына үңіліп, жұмбағын шешуге арналыпты.
Өнер • 31 Желтоқсан, 2021
Өнер әлемі үшін өнегелі өрнектелген өткен жыл келер жылға да тамаша тартулары мен жақсы жаңалықтарын қалдырып бара жатыр. Тәуелсіздік тойымен түйінделген сыйға толы өткен жылдың жетістігін 2022 жылы да табысты жалғайтындығына сенім мол.
Өнер • 27 Желтоқсан, 2021
Бас қаланың ең жас театры – Музыкалық жас көрермен театрында А.Л.Ж.И.Р. тұтқындарының рухына арналған жазушы, драматург Мәдина Омарованың «CHANEL №5» деректі драмасының премьерасы өтті. Тарихтың қанмен жазылған қасіретті парақтарынан сыр шертетін қойылым ел Тәуелсіздігінің 30 жылдық мерейтойы аясында сахна төріне шықты.
Өнер • 22 Желтоқсан, 2021
«Махаббат мұнарасындағы» мөлдір әлем
Сахнадан сұлулық іздеп, көркемдік көргісі, тазарғысы келетін талғампаз көрермен үшін Түркістан музыкалық драма театры тамаша тарту жасады. Құйрықты жұлдыздай келте қайырылған қысқа өмірінде артына мол мұра қалдырған жазушы Талаптан Ахметжанның «Сұлу мен суретші» шығармасының желісінде сахнаға жол тартқан «Махаббат мұнарасы» лирикалық драмасының тұсауы кесілді. Тәуелсіздік күнімен тұспа-тұс келген премьера Түркістан төрін шын мәнінде өнердің үлкен мерекесіне айналдырды.
