Кино • 09 Қараша, 2021
Түркия кинофестивалін «Томирис» ашты
Кеше түбі бір түркі дүниесінің басын қосып, өнерін сарапқа салатын көптен күткен Korkut Ata TurkicWorld Film Festival кино байқауы сұлу Ыстанбұл шаһарында шымылдық түрді. Түркі әлемі өнерін ұлықтайтын үздік фильмдер шеруіне еліміздің атынан бірнеше туынды қатысады деп күтілуде. Ал отандық өнердің көшін бастап барған режиссер Ақан Сатаевтың «Томирис» тарихи фильмі атаулы фестивальді ресми түрде ашты.
Өнер • 04 Қараша, 2021
«ТеатрALL» – тәуелсіздікке тарту
Ел Тәуелсіздігінің 30 жылдығын мерекелеу аясында елордада «ТеатрALL» халықаралық театр фестивалі өтті. 28 қазан мен 3 қараша аралығында астана халқы мен шаһар қонақтарына таңғажайып театр думанын сыйлаған өнер мерекесін Нұр-Сұлтан қаласы әкімдігі мен Мәдениет және спорт министрлігі ұйымдастырды.
Өнер • 17 Қазан, 2021
Құштарлық қияға қанат қақтырады
Елорда төрінде тағы бір жаңа театрдың тұсауы кесілді. Qanattylar деп аталатын бұл айрықша театр еліміздегі ерекше жандардың талантын ашуға бағытталып отыр.
Театр • 15 Қазан, 2021
Мүсірепов театрының тәуелсіздікке тартуы
Театр сүйер қауым үшін көптен күткен өнер майрамы! Алдағы демалыс күндері бас қала төрінде Алматының Ғ.Мүсірепов атындағы Қазақ мемлекеттік академиялық балалар мен жасөспірімдер театры ұжымы ел Тәуелсіздігінің 30 жылдығы аясында гастрольдік сапарын өткізеді. Талантты труппа елорда көрермендеріне үш күн бойы қызықты қойылымдарын тарту етеді.
Аймақтар • 12 Қазан, 2021
Үш мың жылдық тарих, ондаған ірі империялар тағдыры, ұлы хандар ерлігі, батырлар мен билер тағылымы, білім мен ғылым саласындағы теңдессіз төңкерістер һәм ерекше философия мен мазмұнды мәдениет – мұның барлығы түркі әлемі және оның ғаламат тарихын айқындайтын айрықша бағыттар.
Театр • 05 Қазан, 2021
Биыл театрдың 30 жылдығы! ХХХІ театр маусымының шымылдығын түрген елордалық Қ.Қуанышбаев атындағы мемлекеттік академиялық қазақ музыкалық драма театры өнер тойын асыға күткен мәртебелі көрерменіне жылдағы қалыптасқан дәстүр бойынша М.Әуезовтің «Абай» қойылымын тарту етті.
Театр • 13 Қыркүйек, 2021
Мерейлі маусымның шымылдығын түрді
Күз келсе, күзбен бірге театрлардың да мәуесін жайған ағаштай бойындағы бар жақсысын көрерменіне ұсынуға асығатын дағдысы биыл да сол қалыбынан айнымады. Елордалық театрлар бірінен кейін бірі жаңа маусымының шымылдығын түріп, астана халқын тамаша қойылымдарымен тәнті етіп үлгерді. Әйтсе де биылғы маусымның, әсіресе, Нұр-Сұлтан қаласы әкімдігінің Жастар театры үшін орны бөлек. Өнер ұжымы ХV мерейлі театр маусымының шымылдығын түрді.
Руханият • 23 Мамыр, 2021
Бопай ханым – болмысы бөлек тұлға
Жақында бас шаһардың бас театры – Қ.Қуанышбаев атындағы академиялық қазақ музыкалық драма театрында жазушы-драматург Роза Мұқанованың «Бопай ханым» тарихи драмасының премьерасы зор табыспен өтті. Көпшілік көрермен көңілінен шығып, өнердің айтулы жаңалығына айналған қойылым – пьеса авторы мен театр ұжымының Тәуелсіздіктің 30 жылдық мерейтойына жасаған тамаша тартуы. Болмысы биік Бопай ханым бейнесі арқылы өлмейтін өзекті тақырыптарды арқау еткен спектакль сергек ойлы көрерменін бейжай қалдырмады. Премьерадан кейін қойылым авторымен жүздесіп, сахнаға алғаш шығып отырған туындының тарихы мен туу тағдырынан сыр тарқатып, сиясы кеппеген шығарма жайындағы драматургтің ойы мен толғанысын білген едік.
Театр • 04 Мамыр, 2021
Қ.Қуанышбаев атындағы мемлекеттік академиялық қазақ музыкалық драма театры ішінен еркін шығармашылыққа арналған «QALLEKI» театр зертханасы ашылды. Зертхананың мақсаты – шығармашыл жандар үшін байланыс ортасын құру және өнерге өзгеше көзқарас жасап, тың дүниелерді сахналау. Зертхана алаңында эксперименттік спектакльдерді сахналау, шетелдік мамандармен шеберлік сағаттарын ұйымдастыру, жазушы-драматургтермен кездесу, пьеса талқылау, жаңа режиссерлермен байланыс орнату және тағы да басқа көптеген тың дүниелерді жүзеге асыру жоспарлануда.
Кино • 29 Сәуір, 2021
Елордадағы Ұлттық академиялық кітапханада белгілі кинотанушы, көрнекті ғалым, профессор, ұлттық кәсіби кинотанудың негізін қалаушы, Қазақстанның еңбек сіңірген қайраткері, «Құрмет» орденінің иегері, ұлағатты ұстаз Бауыржан Нөгербектің өмірі мен шығармашылығына арналған «Кинотанушы Бауыржан Нөгербек» атты жаңа кітаптың тұсаукесері өтті. Кітап Алматы қаласындағы «Қазақ университеті» баспасынан шығып отыр.
