Өнер • 18 Ақпан, 2021
Биыл қазақ поэзиясының падишаһы, ақиық ақын Мұқағали Мақатаевтың 90 жылдық мерейтойы. Өлең өлкесінің айтулы оқиғасына орай Нұр-Сұлтан қаласы әкімдігінің Музыкалық жас көрермен театры «Ғашық жүрек» поэтикалық-музыкалық қойылымын көрермен назарына ұсынды. Композиция авторы әрі режиссері – Аман Ғұмаров.
Руханият • 17 Ақпан, 2021
Жазушы Жүсіпбек Қорғасбек әңгімесінің желісі бойынша 1991 жылы түсірілген «Жансебіл» фильмін көрмеген, білмейтін көрермен кемде-кем. Сондағы, әсіресе, актер Қасым Жәкібаев сомдаған «Абыралыға баратын кім бар, Абыралыға баратын кім бар?» деп жанұшыра темір жол вокзалында айқайлайтын, қос аяқтан бірдей айырылған дәрменсіз қария бейнесі фильмді көргеннің көз алдынан оңай кетпейді, жүрегі бар жанның жанарын еріксіз жасауратады. «Қасым Жәкібаев «Жансебілді» ашты, «Жансебіл» Қасым Жәкібаевты ашты» деген тіркестің бүгінде қанатты сөзге айналғаны сол себепті де болар. Әйтеуір, бұл киноны Қасым Жәкібаевсыз елестете алмайтынымыз ақиқат. Десек те, «Жансебіл» жайлы өрбіген әңгіме орайында Жәкібаевтың жұлдызын жаққан және бір жанды естен шығаруға хақымыз жоқ. Ол – фильм режиссері Аяған Шәжімбай.
Руханият • 08 Ақпан, 2021
Тарихи фильм түсірудің ең үлкен артықшылығы – өзге жанрдағы кинолармен салыстырғанда мемлекет тарапынан жасалатын қолдау мен бөлінетін қаржының әлдеқайда қомақты болатындығы. Яғни ұлт тарихын түгендеуге арналған жобаны қолға алған режиссерлерді өткеннің өнегесін бүгінге жеткізу мұратынан бөлек, фильмнің бай бюджеті де бейтарап қалдырмайтыны және анық жайт.
Таным • 02 Ақпан, 2021
Бұл сүйектен жасалып, күміс жалатылған таяқ маған тапсырылған үлкен аманат еді. Бұйым актер, сахна өнерінің қара нары, қазақ ұлттық профессионалды театр өнерінің негізін қалаушылардың бірі, КСРО халық артисі, КСРО Мемлекеттік сыйлығының лауреаты Қалибек Қуанышбаевқа тиесілі. Өмірден өтерінен жарты жыл бұрын актердің жерлес қарындасы, ғасыр жасаған ғибратты ғұмыр иесі, Қазақстанның еңбек сіңірген әртісі Хабиба Елебекова болашақта ашылса деп армандайтын қазақ театр өнерін құрушы жеті ақсақалға арналған мұражайға тапсыруымды өтініп еді.
Театр • 02 Ақпан, 2021
«Астана Операда» – «Театр сабағы»
Карантиннің қатаң талаптарын да табысты ізденістерімен шебер үйлестірген «Астана Операның» көрермендеріне ұсынар жаңашыл жобалары таусылар емес. 30 қаңтарда театр ұжымы Нұр-Сұлтан қаласы әкімдігімен бірлесе отырып, 9-сынып оқушыларына арналған «Театр сабағы» атты жаңа, қызықты шығармашылық жобаны бастайды. Оның мақсаты – өскелең ұрпақты эстетикалық тәрбиеге баулу.
Кино • 26 Қаңтар, 2021
Коммерциялық киноның күнгейі мен көлеңкесі
Кино – өндіріс. Яғни Голливуд кинотудырушыларының ұстанымына сай саралар болсақ, фильм жасауда көркемдік талаптардан бұрын, ең әуелі табыс табу үрдісі басты нысанда болуы тиіс. Осыны желеу еткен отандық режиссерлеріміздің дені һәм жекеменшік студиялар өнімі негізінен Голливуд өнімдеріне еліктегісі келіп тұрады. Яғни өнер жасауды емес, миллиондап табыс табудың жолында бәрін сарп етуге бар. Тіпті осы мақсатқа жетуге мемлекеттен қаржылық қолдау көруден дәмелілері де жетерлік.
Руханият • 21 Қаңтар, 2021
Әр таланттың өмірі әрқилы. Бірі көзі тірісінде-ақ мойындалып, даңқ шыңына шықса, енді біреуіне сол атағыңыз кешігіп жетіп, күллі өмірін мүлдем басқа арнаға бұрып жіберетіні бар. Италияда туып, Францияда өшпес өнер тудырған ХХ ғасырдың әйгілі экспрессионист суретшісі Амедео Модильяни тағдыры – сондай өкінішке толы өмір.
Руханият • 20 Қаңтар, 2021
Жақында ғана тұсауы кесіліп, өнер әлеміне қадам басқан елорданың ең жас театры – Нұр-Сұлтан қаласы әкімдігінің Музыкалық жас көрермен театрында орыстың ұлы жазушысы Ф.Достоевскийдің «Ұлдар» драмасының премьерасы өтті. Үш күн бойы көрерменін терең ойдың тұңғиығына шомдырған драма жазушының «Ағайынды Карамазовтар» романының желісімен сахналанды.
Өнер • 14 Қаңтар, 2021
Әлемдік балет жауһарлары – «Астана Опера» сахнасында
«Астана Опера» театрының балет труппасы 16 қаңтар күні көрермен назарына Ресейдің Халық әртісі Алтынай Асылмұратованың жетекшілігімен ғаламат Гала-балет ұсынады. Мазмұнды бағдарлама аясында театрдың Үлкен залы сахнасында балет солистері Серік Нақыспеков пен Далер Запаров Мариус Петипаның хореографиясындағы Р.Дригоның «Талисман» балетінен па-де-де және Э.Дельдевез, Л.Минкустың «Пахита» балетінен гран-па нөмірін орындайды.
Кино • 28 Желтоқсан, 2020
Қазақ киносы қайда бағыт алып барады?
Кино – қоғам өмірінің айнасы. Ұлттың ұстыны мен ұлылығын кезінде әдебиет арқылы танып, таразыласақ, бүгінде ол қызмет ұлттық кинематография тіліне көшіп үлгерді. Өйткені жаһандану дәуірі жаппай визуализация жағында. Не нәрсені де көзбен көріп барып, көңілге тоқу – заманның өз талабы. Демек, бүгінгі қазақ киносының аяқ алысы мен деңгей-дәргейі – ұлттық рух пен жалпы қазақы бет-бейнеміздің басты һәм негізгі көрсеткіші.
