Театр • 17 Маусым, 2022
Жақында жапондық танымал Maki Asami Ballet труппасымен бірлесе өнер көрсетіп, қазақстандық балеттің жоғары деңгейін жат елде паш етіп қайтқан «Астана Опера» театрының жетекші солисі Арман Оразовтың таланты күллі Күншығыс елі көрермендерін тәнті етті. Оның орындауындағы Морис Жаррдың музыкасына көрнекті хореограф Ролан Петидің қойған «Париж Құдай анасының соборы» спектакліндегі Фебтің партиясы жапондықтар үшін шын мәнінде өнердің үлкен жаңалығы болды.
Театр • 16 Маусым, 2022
Өнер – ұлттың айнасы. Сол арқылы күллі ұлттың болмыс-бітімін ғана емес, деңгей-дәргейін де тануға һәм танытуға болады. Бас қаланың жас театры, биыл тарихына 15 жыл толып отырған іргелі өнер ордасы – Нұр-Сұлтан қаласы әкімдігінің Жастар театры ұжымы театр мерейтойы аясында Қырғыз Республикасындағы гастрольдік сапарын абыроймен өткізіп, Түркия мемлекетінің Конья қаласында ұйымдастырылған түркітілдес елдердің «Мың тыныс – бір дауыс» халықаралық театр фестивалінен табысты оралды.
Театр • 14 Маусым, 2022
«Зоопарк»: Сұм өмір абақты ғой саналыға...
Қалыпқа түскен тірлік, екі етілмейтін бұйрық, өзгермейтін өмір салты, күнделікті бірін бірі айна-қатесіз қайталайтын әрекет, көпке ыңғайлыны ғұмырлық қағида еткен көңілшектік, өзгенің қалауын жалғанның мәніне айналдырған мінезсіздік, басқаның талабына табынған табансыздық, ең аяғы жан қалауыңды, ішкі ар-ұжданыңды қалың тобырдың көзқарасына матап берген шарасыздық... Таныс тіршілік пе? Иә, иә, қателескен жоқсыз, бұл – әрқайсымызға тиесілі бір-бірінен аумайтын ерекшеліктен ада біздің өмір. Трафаретке түскеніміз, инкубаторлық сипатқа енгеніміз соншалық, адам ретінде дараланудан қалғанымыз қашан? Өйткені, ерекшелену айналаң үшін ыңғайсыз. Қоғам белгілеген шекарадан шықтың ба – шарасыз күйге түстің! Демек өзгелер сызған ережеге бағынуға тиіссің. Басқа таңдау жоқ! Ал енді өміріңізді зообақтағы аңдардан өзгеше деп көріңізші!..
Сұхбат • 09 Маусым, 2022
Тоқтар Әубәкіров: Қазақты сақтап келген де, сақтайтын да – мінезі
Атақ, даңқ әркімге қонады. Бірақ сол беделін, болмысын бұзбай, қарапайым қалпын сақтап, абыройын адамдық биігінде асқақтата алатындары сирек. Тегінде адам баласын бір-бірінен даралайтын басты қасиеті де осы – мінезі болса керек. Қазақтан шыққан тұңғыш ғарышкер Тоқтар Әубәкіровпен жүздесу бізге тағы бір мәрте мінездің қасиет екенін ұғындыра түскендей. Батырлықтың шыңы да қалпынан айнымай адам болып қалу болса керек. Осы үлкен ерліктің азамат бойында сақталғанын көріп сүйсіндік. Қаталдығы мен қарапайымдылығы бір бойында тамаша тоғысқан ғарыш көрген Тоқтардың танымында да, болмысында да, тіпті өмір сүру қалыбында да шегі мен шеті жоқ еркіндік сақталғандай. Әйтпесе, қалалық қауырт өмірдің тәртібіне бағынып, жатбауыр болып кеткен мына қоғамда есік-қақпасын айқара ашып тастап еркін тыныстайтұғын адамды кездестіруіңіздің де сирек құбылысқа айналып кеткені қашан...
Әдебиет • 08 Маусым, 2022
Киелі Шыңғыстай жерінде қаратай халқы ерекше әспеттеп, қадір тұтатын мектеп бар. Әбдікерім болыс салдырып, Сұлтанмахмұт ұстаздық еткен, Оралхан оқыған киелі мекен. Кезінде қарағайдан қиып салынған екі сыныптық, бүгінде Сұлтанмахмұт Торайғыров атындағы орта мектеп «Қараңғы қазақ көгіне, өрмелеп шығып Күн болғысы» келген қазақ ақынының ел ертеңі – жас ұрпақ санасына білім нәрін сепсем деген арманына қанат байлап қана қоймай, жас жүрегін селт еткізіп, келте ғұмырына мағыналы мән сыйлаған ғашығы, өр Алтайдың текті аруы Бағила сұлумен кездесуіне, ғажап пен ғазап қатар өрілген сезім хикаясын бастан кешуіне себеп болғандығымен де тарих үшін құнды.
Кино • 02 Маусым, 2022
«Жазғы кино» – жан жадыратар жоба
Балалар жылының балдырғандарға дайындаған сыйы мол. Соның бірі – 1 маусым Балаларды қорғау күніне орай кеше Роза Бағланова атындағы «Қазақконцерт» мемлекеттік концерттік ұйымы ұсынған «Жазғы кино» әлеуметтік жобасының салтанатты ашылуы десек, қателеспейміз. Айтулы жоба аясында елордалық балдырғандар «Қазақстан» орталық концерт залында жаз айларында өткізілетін кино көрсетілімдерін тегін тамашалай алады.
Өнер • 31 Мамыр, 2022
Өзі де, өмірі де тұтатсымен биге айналып кеткен әсем әлем иесі Шара Жиенқұлованың туғанына биыл ғасыр толды. Көзі тірісінде-ақ ізінен аңыз ерген ерке қыздың ұлттық кәсіби би өнерінде тұңғыш та дара жолды салып қана қоймай, оның даму жолында да сіңірген еңбегі ерен. Бүгінде Шара десе ойымызға ең бірінші суретші Гүлфайруз Ысмайылова қылқалам тілінде кестелеген әйгілі «Қазақ вальсі» картинасындағы он саусағы майысып жүзінен нұр шаша күлімдеп тұрған көркем бейне орала кетері хақ.
Өнер • 20 Мамыр, 2022
Елордадағы Бейбітшілік және келісім сарайында бір дәуірдің мәдени тарихын әнмен кестелеген әнші, композитор, Қазақстанның халық әртісі, Мемлекеттік сыйлықтың лауреаты Ескендір Хасанғалиевтің шығармашылығына арналған «Атамекен» атты еске алу кеші өтті. Концертте сазгердің сырлы әндері орындалып, ел білмейтін қырларынан естелік айтылды.
Тарих • 19 Мамыр, 2022
Елорда төрінен орын тепкен Ұлттық музейге қарай ағылған халықтың қарасы бүгін тіпті қалың. Әсіресе тарихын танып, өткеннің өнегесін бойына жиғысы келген жастардың ықыласы жанға қуат, жүрекке жігер сыйлайды. Жұмыс күнінің аяқталғанына қарамастан жанталасып алып ғимаратқа анталай асыққан әлеуметтің музей алдындағы қарбалас тіршілігіне қарап көңіл сүйсінгендей.
Театр • 17 Мамыр, 2022
Театр музейінің тамаша табыстары
Жыл сайын 18 мамырда Халықаралық музей күні атап өтіледі. Әлем масштабында тойланатын тамаша іс-шараны мерекелеуге бас қаламыздың ірі өнер ошағы – «Астана Опера» театры да қызу дайындық жүргізіп жатыр. Музей мейрамы қарсаңында театр жәдігерлерін сақтайтын ордалы отаумен арнайы танысып қайттық.
