Пікірлер .
Үкімет мүшелері кімді тыңдайды?
Көзі қарақты оқырманның жадында болар, осыдан екі жылдан астам уақыт бұрын «Egemen Qazaqstan»-да (2019 жылғы 10 желтоқсан) жарияланған «Темір жолды жағалап топ бала жүр» атты мақалада Қызылорда облысының Арал ауданындағы Сексеуіл кентін қақ жарып өтетін темір жолдың бір жағында тұратын 360 оқушы күн сайын мектепке 13 рельстің үстімен қатынап, бастарын бәйгеге тігіп жүргені сыналған болатын.
03 Наурыз, 2022
Аукционда – ауылдағылар құқығы...
Мемлекет басшысы Қасым-Жомарт Тоқаев Үкіметтің биылғы 8 ақпанда болған кеңейтілген отырысында сөйлеген сөзінде: «Қазіргі таңда елімізде 1 миллионға жуық адамның табысы ең төменгі күнкөріс деңгейіне жетпейді. Бұл – соңғы 10 жылдағы ең нашар көрсеткіш. Қазіргі уақытта менің тапсырмам бойынша Халықтың табысын арттыруға арналған бағдарлама әзірленіп жатыр», деді. Бұл ретте Үкімет ең төменгі жалақы еліміздің ауыл шаруашылығы саласында екенін ескеріп, ауыл тұрғындарының әл-ауқатын көтеру мәселесін жан-жақты қарастырса, құба-құп.
14 Ақпан, 2022
Ал оларды адастырғандар айылдарын жиды ма? Биылғы қаңтардағы қасіреттің зардаптары жұртқа мәлім болғанымен, оның түпкі себептері турасында қоғамда әрқилы пікір айтылып жатыр. Бұл жайлы Мемлекет басшысы Қасым-Жомарт Тоқаев Парламент Мәжілісінде сөйлеген сөзінде: «Өкінішке қарай, бүгінде халық арасында осы оқиғаға байланысты түрлі қарама-қайшы, шындыққа жанаспайтын жалған ақпараттар тарап кеткенін көріп отырмыз. Мұның, әрине, бірнеше себептері бар: кейбір азаматтарымыз ахуалды егжей-тегжейлі білмей тұрып, қате пікірде болса, кейбірі әдейі ақпаратты бұрмалап, жағдайды одан бетер ушықтырады», деген болатын.
01 Ақпан, 2022
Әлеуметтік әділдік бірлікке бастайды
Жақында бір үлкен шығармашылық ұйымның беделді басшысымен пікір алысқанымызда, ол бүгінгі еліміздің басындағы сын кезең жайлы ойларын ортаға сала келіп: «Мемлекет басшысы Қасым-Жомарт Тоқаев әу бастан ұстанып келе жатқан әлеуметтік әділдік қағидаты халқымызды бірлікке бастайтынына сенемін. Оған өзім басқарып отырған ұжымның мысалында кәміл көз жеткіздім», деген еді.
26 Қаңтар, 2022
Жалақысы мардымсыз полицей жұртқа жақын болып жарыта ма?
Мемлекет басшысы Қасым-Жомарт Тоқаев өз жолдауларында құқық қорғау жүйесін толық реформалауды аса маңызды міндеттердің бірі ретінде алға қойып, соның ішінде полиция қауіпсіздікті қамтамасыз ету үшін азаматтарға қызмет көрсететін органға айналып, «Жұртқа жақын полиция» қағидаты бойынша жұмыс істеуге тиістігін атап көрсетті. Президент тапсырмасына сәйкес бұл саланы реформалау қолға алынып, бірқатар оң өзгеріс жасалды.
23 Желтоқсан, 2021
«Уақытша отбасы» жақсы-ау, бірақ...
Мемлекет басшысы Қасым-Жомарт Тоқаев былтырғы «Жаңа жағдайдағы Қазақстан: іс-қимыл кезеңі» Жолдауында: «Балаларымыз қай жерде тұрса да, қандай тілде оқыса да сапалы білім алуы керек», деп, ел болашағы – жас ұрпақ тағдырына жанашырлықпен көңіл бөлді. Осы орайда, әсіресе, демографиялық ахуалы мәз емес өңірлердің шалғай түкпірлерінде орналасқан, келешегі күңгірт шағын ауылдардағы шәкірттерге сапалы білім беру мәселесі ойландырмай қоймайды.
06 Желтоқсан, 2021
Жерімізді қорғау – ортақ борышымыз
Елбасы Нұрсұлтан Назарбаев Nur Otan партиясы Саяси кеңесінің кеңейтілген отырысында жария еткен «Елдіктің жеті тұғыры» қағидаттары – ұлтымыздың қазіргі жан-жақтан қауіп-қатер төндіріп тұрған жаһандану сынды жеті басты айдаһардың өңешіне жұтылып кетпей, «Мәңгілік ел» болуы үшін жас ұрпақтың қолына ұстатқан қуатты жеті қару іспетті.
02 Желтоқсан, 2021
Нәтижесі болмаса, несіне оқытамыз?
Кезінде белгілі журналист, Қазақстанның еңбек сіңірген қайраткері Ербол Шаймерденов бізге өзі басқарған тіл саясаты мәселелерімен айналысатын ведомствоны Мәдениет министрлігінен алып, Білім министрлігіне бермейінше, қазақ тілінің қолданыс аясын кеңейту қиынға соғатынын айтқан еді. Арада он шақты жыл өткенде марқұм Ербол ағаның кейінгілерге қалдырған өсиетіндей болған сол ойы іске асып, кеудеміздегі ана тіліміздің келешегіне деген үміт оты маздай түсті.
15 Қараша, 2021
Мемлекеттік қызметшілер мемлекеттік тілді неге білмейді?
Үкімет дайындап, Парламенттің қарауына ұсынатын заң жобалары орыс тілінде әзірленетіндіктен, қазақ тіліндегі аударма мәтіндерінен шикіліктер шығып жататыны жайлы сынды сол құжаттарды бірінші болып қарайтын Мәжіліс депутаттары да, қоғам өкілдері де айтудай-ақ айтып келеді. Алайда одан шыққан нәтиже жоқтың қасы. Себебі заң жобаларын дайындаумен айналысатын мемлекеттік органдардағы мемлекеттік қызметшілердің көбі мемлекеттік тілге шорқақ екендігі жасырын емес.
09 Қараша, 2021
«Мың бір түнді оқыдыңыз ба, мырза?..»
Осы сауалды министрлер мен әкімдерге қойсақ, біразы: «Иә, оқыдым» деп жауап берсе, көбі басын шайқап, көзімен жер шұқып қалатын сияқты. Себебі әйгілі ертегідегі түн жамыла жұрт танымай қалатындай қарапайым киініп, Бағдат шаһарын аралап, халықтың шынайы жағдайын, шын пікірін білуді жөн көрген Һарон Рашид халифа сияқты анда-санда «аспаннан жерге түсіп», қағаз бетіндегі және іс жүзіндегі ахуалды салыстырып жүрген шенеуніктер шамалы-ау.
03 Қараша, 2021
Шенеуніктер «гигантоманиядан» қашан айығады?
Бұдан бірер жыл бұрын жолымыз түсіп, Рим қаласында болғанымызда италиялықтардың үнемшілдігіне қайран қалғанбыз. Мәселен, жылына жер-жаһаннан миллиондаған турист келетін көне де ғажайып қаланың ертеде кеспетас төселген алаңдарының уақыт өте келе сәл ғана сәні тайған тұстарын біз сияқты, «қонақтардан ұят болады» деп ауыстыра бермейді екен.
27 Қазан, 2021
Өңірлердегі жемқорлықты ауыздықтау амалы
Мемлекет басшысы Қасым-Жомарт Тоқаев былтырғы Жолдауында мемлекеттік аппарат қызметкерлерінің санын 25 пайызға қысқарту мерзімін жеделдетуді тапсыра отырып: «Үнемделген қаражаттың есебінен қалған қызметкерлердің жалақысын көбейтетін боламыз. Еңбекақысы аз мемлекеттік қызметтің қоғам үшін пайдасынан зияны көп», деген болатын. Президенттің бұл сөзі қазіргі өмір шындығына сүйеніп айтылғандығына шәк жоқ.
18 Қазан, 2021
Nur Otan партиясының 2025 жылға дейінгі «Өзгерістер жолы: әр азаматқа лайықты өмір» сайлауалды бағдарламасында әрбір тірек ауылға баратын жалпы ұзындығы 27 мың километр жергілікті жолдар жөнделіп, олардың жақсы және қанағаттанарлық жағдайдағы үлесін 95 пайызға жеткізу көзделген. Қазір өңірлерде осы мақсатты орындау жолында қыруар жұмыс атқарылып жатқандығы жайлы жағымды хабарды жиі естіп, ауылдағы ағайындардың көбінің жандарына батып, жанайқайларын шығарып келген күрмеулі мәселенің түйіні тарқатыла түскеніне қуанып отырған жайымыз бар.
12 Қазан, 2021
Жастар жылы деп жарияланған 2019 жылы еліміздің Тұңғыш Президенті – Елбасы Нұрсұлтан Назарбаевтың тапсырмасына сәйкес Нұр-Сұлтан, Алматы және Шымкент қалаларында жұмыс істейтін жастарға 3 мың пәтер сатып алу құқығынсыз жалға берілгені мәлім. Сөйтіп ірі мегаполистерде еңбек етіп жүрген соншама жас отбасылар мен жалғызбасты қыз-жігіттер қабырғаларын қайыстырып жүрген баспана мәселесін уақытша (бес жылға) болса да шешіп, қуанып қалды.
07 Қазан, 2021
Шекарашылар элиталық әскер болса...
Шекара – елдің шебі. Ол ит тұмсығын батырмақ түгіл, ата-бабаларымыз ақ найзаның ұшымен, ақ білектің күшімен қорғап қалған қасиетті жерімізге көз алартқан дұшпан бұзып өте алмайтындай, болаттай берік болуға тиісті. Әйгілі саяси жетекші Василий Клочковтың сөзін сәл өзгертіп айтсақ, Қазақстан – кең-байтақ, бірақ шекарадан шегінетін жер жоқ, артта – туған ел.
26 Қыркүйек, 2021
Өңірлердегі «идеолог» орынбасарлар кімдер?
Жолымыз түсіп, Түркістан облысындағы Арыстан баб кесенесіне тәу ете барған сайын сол арада жерленген көрнекті мемлекет қайраткері Өзбекәлі Жәнібеков марқұмның қабірі басына да барып, дұға бағыштаймыз. Кешегі Кеңес заманында ұлттық мәдениетіміз бен өнерімізді сақтап, өркендетуге елеулі еңбек сіңірген ерен тұлғаның рухы алдында еліміздің әр түкпірінен келген азаматтар тағзым етіп жүреді екен. Әсіресе Өзбекәлі ағамыз бір кезде облыстық партия комитетінің идеология жөніндегі хатшысы болған Торғай өңірі тұрғындарының оған деген құрметі мен сүйіспеншілігі ерекше көрінеді.
20 Тамыз, 2021
«Ол – оңбаған, бірақ өзімдікі»
Солтүстік Қазақстан облысының бұрынғы әкімдерінің бірі тапсырған шаруасын шала атқарған іс басқарушысына өз орынбасарының көзінше қатты зекіп ұрсып, кабинетінен қуып шығыпты. Сонда орынбасары: «Бәленшеге, жүйкеңізді жұқартатын мұндай қызметкерді неге ұстайсыз? Пысықтау біреуді алмайсыз ба?», дейді. Бір стақан су құйып ішіп, ашуын басқан әкім: «Ақылың өзіңе. Өйткені команда деген ұғым бар. Иә, ол – оңбаған, бірақ өзімдікі», депті. Осы сөз іле жергілікті шенеуніктер арасында таралып, олар ауыздарынан тастамай айтып жүретін нақылға айналып кеткен.
11 Тамыз, 2021
Қорқудан қалдың ба, қазағым?..
Былтыр коронавирус пандемиясы үдеп тұрған кезде осы індет ошағы болған Қытай елінде аса қатерлі дертпен күрес қалай жүргізіліп жатқандығы көрсетілген бейнежазба көзіме түскен еді. Онда полицейлер мен санитарлық-эпидемиялық қызмет мамандары көшеде бірлесе іс-қимыл жасап, көлік жүргізушілерін тоқтатып, денелерінің температурасын өлшеп жүргендігі бейнеленген.
27 Шілде, 2021
«Газетпен шыбынды және... министрді «өлтіруге» болады». Өркениетті мемлекеттерде ертеректе айтылған осы сөз бүгінде біздің елде де өмір шындығына айнала бастағандай ма, қалай? Мәселен, жуырда «Егемен Қазақстан» республикалық газеті» акционерлік қоғамының меншігіне өтіп, бағыт-бағдарына қазіргі заман талабына сай өзгеріс енгізіліп жатқан «Казахстанская правда» республикалық газетінде жарияланған, Солтүстік Қазақстан облысында «Еңбек» мемлекеттік бағдарламасы бойынша жұмыс күші артық оңтүстік өңірлерден көшіп келген қоныс аударушыларды қабылдау ісінде өрескел кемшіліктерге жол берілгендігі өткір сыналған мақалаға орай Мемлекет басшысы Қасым-Жомарт Тоқаевтың тапсырмасымен кешенді тексеріс жүргізіліп, нәтижесінде аталған өңірдегі Айыртау және Есіл аудандарының әкімдері қызметтерінен босатылып, облыс пен аудандық деңгейдегі бірқатар басшы тәртіптік жауапкершілікке тартылды.
20 Шілде, 2021
Ертеректе әжептәуір аты шыққан театр режиссері бір өңірде жаңадан ашылған облыстық қазақ драма театрының директорлығына тағайындалды. Ол әу басында жас әртістер ұжымын алға жетелеп, біршама шығармашылық жетістікке қол жеткізгенімен, көп ұзамай жаманаты естіле бастады.
12 Шілде, 2021