«Менімен ойнамаңыз, мен блогермін!..»

Мемлекет басшысы Қасым-Жомарт Тоқаев Ұлттық құрылтайдың Ұлы­тау­да өткен алғашқы отырысында сөйле­ген сөзінде: «Отбасын асырау үшін та­бан­­ды еңбек етіп жүрген, заңға бағы­на­тын адамдар құрметке ие болу керек. Өкінішке қарай, бізде көше бұзақыла­ры, жауапкершіліктен жұрдай блогерлер және масылдық пиғылдағы айқай шы­ғаратын адамдар бүгінгінің баты­рына айналды. Депутаттар мен ат­қарушы билік өкілдері соларға ғана баса мән беретін болды. Түрлі деңгейдегі шенеу­ніктер солардың ғана талабын орын­дауға жүгіреді. Орталықтағы және аймақтардағы билік барлық азаматтың мұң-мұқтажына бірдей қарауға тиіс», деп қоғамымызда кейінгі жылдары жиі байқалып жүрген келеңсіз құбылысқа назар аударды.

20 Маусым, 2022

Онлайн кредиттеу опа бермей тұр...

Ақпараттық технологиялар ғасы­рының адам игілігіне арналған ғаламат жаңашылдықтарын меңгеруде Қазақстан ешбір елден кем қалмауға тырысып-ақ жатыр. Алайда «Аттыға еріп жаяудың таңы айырылыпты» демекші, заң үс­тем­дік құрып, құқықтық тәртіп мықтап орныққан озық мемлекеттер ойдағыдай пайдаланып отырған кейбір ноу-хау біз­дің елдің даму деңгейінің ерекшелігі ес­ке­ріл­мей енгізілсе, оң нәтиже беруі екі­талай екені байқалып отыр. Онлайн кредиттеу – соның айғағы.

07 Маусым, 2022

Жемқорлық статистикасы

Бас прокуратураның Құқықтық ста­тис­­тика және арнайы есепке алу жөнін­дегі комитетінің мәліметіне қарағанда, биыл­ғы жылдың бірінші тоқсанында еліміз­де тіркелген сыбайлас жемқорлық қыл­мыстар саны былтырғы жылмен сәйкес кезеңде­гіден 21,1 пайызға ұлғайған, яғни 639-дан 774-ке дейін көбейген. Осы дерекке сүйенген бұқаралық ақпарат құралдары «Қазақстанда жемқорлық көбейіп барады», деген біржақты тұжырым жасап, дабыл қағып жатыр. Бірақ ол шындыққа жанаса ма?

23 Мамыр, 2022

Әлеуметтік қорғау ма, әлде қорлау ма?

Жақында Сыбайлас жемқорлыққа қарсы іс-қимыл агенттігі кейінгі кезде «қара алтынымен» ғана емес, бірінен соң бірі тура жолдан тайып тұтылып жатқан басшы қызметкерлерімен де аты шығып тұрған Атырау облысында тағы екі шенеунікке жүйелі түрде пара алды деген айып тағылып, тергеуге алынғанын хабарлады.

18 Мамыр, 2022

Саяжай да баспанаға айналды...

Бұдан бірер жыл бұрын Nur Otan (қазіргі Amanat) партиясының  астанадағы орталық қоғамдық қабылдауына кішкентай баласын ертіп келген бір әйел өздерінің Қарағанды облысынан қоныс аударып, таныстарының қала іргесіндегі саяжайында тұрып жатқандарын, мемлекеттен ешқандай әлеуметтік көмек ала алмай жүргендерін айтып шағынғаны жадымда.

03 Мамыр, 2022

Петиция жазып жатырмыз...

Қазіргі кезде әлеуметтік желіні ашып қарасаңыз, көзіңізге петиция түс­пей қоймайды. Әртүрлі ұсынысты жақ­тау­шылар мен жақтамаушылар өзара жа­рысқа түскендей әсер қалдырады. Алайда олар «Онлайн петиция деген не өзі? Оны әзірлеу және қарау тәртібі қа­лай? Жалпы, осы әрекетімізден нендей нәтиже шығады?..», деген сауалға аса бас қатырып жатқан жоқ сияқты.

20 Сәуір, 2022

Еске алу күні – Аза тұту күні емес пе?

Жыл сайын 31 мамырда елімізде Саяси қуғын-сүргін және ашаршылық құр­бандарын еске алу күні атап өтіледі. Шын мәнінде, оның Аза тұту күні еке­нін ата-бабалары репрессияға ұшы­раған адамдар болмаса, басқалар онша сезінбейтін сияқты. Бар болғаны – басшы­ларымыз бастап, басқаларымыз қос­­тап, нәубет құрбандарына арналған ескерт­­кіштер мен мемориалдық тақ­та­ларға гүл шоқтарын қойып, бір минут үнсіз тұрып қайтатынымыз рас.

14 Сәуір, 2022

Қоныс аударушылардың баспана «жыры»

Қазіргі алмағайып заманда көршілес алпауыт елдің кең-байтақ жеріміздің солтүстік бөлігіне көз алартқан кей­бір саясаткерсымақтарының «сан­ды­рақ­та­рын» естіген сайын теріскей жақтан ызғар ескендей ытырынып, қазекемнің баяғыда-ақ сақтық қыла айтқан «Бос жатқан жер жау шақырады» деген нақыл сөзі еріксіз еске түседі.

06 Сәуір, 2022

Қала құрылысына қатаң тәртіп қажет

Кейінгі кезде Нұр-Сұлтан және Алматы қалалары тұрғындарының өздері тұрып жатқан көпқабатты тұрғын үйлердің қасынан қосымша құрылыс салуға қарсы наразылық білдіруі жиілеп кеткені мәлім. Осыған орай Мемлекет басшысының баспасөз хатшысы Берік Уәлидің хабарлауынша, жақында Президент Қасым-Жомарт Тоқаев аталған мегаполистердің әкім­деріне қала тұрғындарының өтініш­теріне құлақ асып, тұрғын үй кешен­дерінің жанынан биік үйлерді тығыз салуды тоқтатып, олардың орнына әлеу­мет­тік объектілер, саябақтар мен бала­ларға арналған спорт алаңдарын салуға баса мән беруді тапсырыпты.

23 Наурыз, 2022

Жылқыны атып жығуға дейін жеттік-ау...

Ұлы Абай өз заманында көрші жұрт­тар­дың тынымсыз қарекетіне қарап, қам­сыз жүрген қазағының жайбарақат тір­лігіне қарны ашып: «Не ғылым жоқ не­месе еңбек те жоқ, ең болмаса кеттің ғой мал баға алмай...» деп ашына жаз­ға­ны мәлім. Содан бері бір жарым ғасыр­дан аса уақыт өтсе де халқымыз өз бо­йын­дағы кері­тартпа кемшіліктерінен әлі түгел арылып болмағаны анық.

15 Наурыз, 2022

«Өлім бардың малын шашады...»

Мемлекет басшысы Қасым-Жомарт Тоқаев 2020 жылғы «Жаңа жағдайдағы Қазақстан: іс-қимыл кезеңі» атты Жолдауында ұлтымыздың жаңа болмысын қалыптастыру міндетін алға қойып: «Жаңғырған қоғам жат әдеттерден біртіндеп арылуы керек. Ысырапшылдық пен даңғазалық қоғамның да, адамның да абыройын төгеді. Жауапсыздық, немқұрайдылық бүкіл елді қасіретке ұшыратады. Ал бос сөзділік пен бөспелік, мақтаншақтық қоғамның дамуын тежейді. Бұл туралы ұлы Абай «Өңкей жалған мақтанмен, шынның бетін бояйды» деп ашық айтқан. Бұл мәселе бүгінгі таңда да өзекті болып отыр», деген болатын.

09 Наурыз, 2022

Үкімет мүшелері кімді тыңдайды?

Көзі қарақты оқырманның жадында болар, осыдан екі жылдан астам уақыт бұрын «Egemen Qazaqstan»-да (2019 жылғы 10 желтоқсан) жарияланған «Темір жолды жағалап топ бала жүр» атты мақалада Қызылорда облысының Арал ауданындағы Сексеуіл кентін қақ жарып өтетін темір жолдың бір жағында тұратын 360 оқушы күн сайын мектепке 13 рельстің үстімен қатынап, бастарын бәйгеге тігіп жүргені сыналған болатын.

03 Наурыз, 2022

Аукционда – ауылдағылар құқығы...

Мемлекет басшысы Қасым-Жомарт Тоқаев Үкіметтің биылғы 8 ақпанда болған кеңейтілген отырысында сөй­леген сөзінде: «Қазіргі таңда елімізде 1 мил­лионға жуық адамның табысы ең төменгі күнкөріс деңгейіне жетпейді. Бұл – соңғы 10 жылдағы ең нашар көрсеткіш. Қазіргі уақытта менің тапсырмам бо­йынша Халықтың табысын арттыруға арналған бағдарлама әзірленіп жатыр», деді. Бұл ретте Үкімет ең төменгі жалақы еліміздің ауыл шаруашылығы саласында екенін ескеріп, ауыл тұрғындарының әл-ауқатын көтеру мәселесін жан-жақты қарастырса, құба-құп.  

14 Ақпан, 2022

Адасқандар арандады

Ал оларды адастырғандар айылдарын жиды ма? Биылғы қаңтардағы қасіреттің зардаптары жұртқа мәлім болғанымен, оның түпкі себептері турасында қоғамда әрқилы пікір айтылып жатыр. Бұл жайлы Мемлекет басшысы Қасым-Жомарт Тоқаев Парламент Мәжілісінде сөйлеген сөзінде: «Өкінішке қарай, бүгінде халық арасында осы оқиғаға байланысты түр­лі қарама-қайшы, шындыққа жанас­пайтын жалған ақпараттар тарап кет­кенін көріп отырмыз. Мұның, әрине, бір­неше себептері бар: кейбір азаматтарымыз ахуалды егжей-тегжейлі білмей тұрып, қате пікірде болса, кейбірі әдейі ақпаратты бұрмалап, жағдайды одан бетер ушықтырады», деген болатын.

01 Ақпан, 2022

Әлеуметтік әділдік бірлікке бастайды

Жақында бір үлкен шығармашылық ұйым­­ның беделді басшысымен пікір алыс­­қанымызда, ол бүгінгі еліміздің ба­­сын­дағы сын кезең жайлы ойларын орта­ға сала келіп: «Мемлекет басшысы Қасым-Жомарт Тоқаев әу бастан ұста­нып келе жатқан әлеуметтік әділдік қа­ғи­даты халқымызды бірлікке бастайтынына сенемін. Оған өзім басқарып отыр­ған ұжымның мысалында кәміл көз жет­кіздім», деген еді.

26 Қаңтар, 2022

Жалақысы мардымсыз полицей жұртқа жақын болып жарыта ма?

Мемлекет басшысы Қасым-Жомарт Тоқаев өз жолдауларында құқық қорғау жүйесін толық реформалауды аса ма­ңызды міндеттердің бірі ретінде алға қойып, соның ішінде полиция қауіпсіздікті қамтамасыз ету үшін азаматтарға қызмет көрсететін органға айналып, «Жұртқа жақын полиция» қағидаты бойынша жұмыс істеуге тиістігін атап көрсетті. Президент тапсырмасына сәйкес бұл саланы реформалау қолға алынып, бірқатар оң өзгеріс жасалды.

23 Желтоқсан, 2021

«Уақытша отбасы» жақсы-ау, бірақ...

Мемлекет басшысы Қасым-Жомарт Тоқаев былтырғы «Жаңа жағ­дай­дағы Қазақстан: іс-қимыл кезеңі» Жол­да­уында: «Балаларымыз қай жерде тұрса да, қандай тілде оқыса да сапалы білім алуы керек», деп, ел болашағы – жас ұрпақ тағдырына жанашырлықпен көңіл бөлді. Осы орайда, әсіресе, демографиялық ахуалы мәз емес өңірлердің шалғай түк­пір­лерінде орналасқан, келешегі күңгірт шағын ауылдардағы шәкірттерге сапалы білім беру мәселесі ойландырмай қой­майды.

06 Желтоқсан, 2021

Жерімізді қорғау – ортақ борышымыз

Елбасы Нұрсұлтан Назарбаев Nur Otan партиясы Саяси кеңесінің кеңейтілген отырысында жария еткен «Елдіктің жеті тұғыры» қағидаттары – ұлтымыздың қазір­гі жан-жақтан қауіп-қатер төндіріп тұрған жаһандану сынды жеті басты айда­­һар­дың өңешіне жұтылып кетпей, «Мәң­­гілік ел» болуы үшін жас ұрпақтың қолы­на ұстатқан қуатты жеті қару іспетті.

02 Желтоқсан, 2021

Нәтижесі болмаса, несіне оқытамыз?

Кезінде белгілі журналист, Қазақ­станның еңбек сіңірген қайраткері Ербол Шаймерденов бізге өзі басқарған тіл саясаты мәселелерімен айналысатын ведомствоны Мәдениет министрлігінен алып, Білім министрлігіне бермейінше, қазақ тілінің қолданыс аясын кеңейту қиынға соғатынын айтқан еді. Арада он шақты жыл өткенде марқұм Ербол ағаның кейін­гілерге қалдырған өсиетіндей болған сол ойы іске асып, кеудеміздегі ана тіліміздің келешегіне деген үміт оты маздай түсті.

15 Қараша, 2021

Мемлекеттік қызметшілер мемлекеттік тілді неге білмейді?

Үкімет дайындап, Парламенттің қарауына ұсынатын заң жобалары орыс тілінде әзірленетіндіктен, қазақ тіліндегі аударма мәтіндерінен шикіліктер шығып жататыны жайлы сынды сол құжаттарды бірінші болып қарайтын Мәжіліс депутаттары да, қоғам өкілдері де айтудай-ақ айтып келеді. Алайда одан шыққан нәтиже жоқтың қасы. Себебі заң жобаларын дайындаумен айналысатын мемлекеттік органдардағы мемлекеттік қызметшілердің көбі мемлекеттік тілге шорқақ  екендігі жасырын емес.

09 Қараша, 2021