Болат Өтемұратовтың «Асыл Мирас» қайырымдылық қоры «Аутизм. Әлем барша үшін біреу» бағдарламасы аясында Алматы қаласындағы көркемөнер мектептерінің, бейнелеу студиялары мен шығармашылық шеберханалардың 10 және 18 жас аралығындағы жас тәрбиеленушілерінің еңбектерінің көрмесін өткізді.
Экспозицияда Алматы қаласының жас және дарынды суретшілерінің әртүрлі стиль мен жанрдағы 120-дан астам еңбектері ұсынылған. Суретшілер алдына қойылған міндетті шеше алды ма? Олар тақырыпты қаншалықты аша білді? Олар «айнаның сыртындағы дүниені» қалай елестетуде? Міне, осы сауалдарға жауап көрме барысында берілді. Өйткені, көрме қарсаңында шеберлік сабақтары өткізіліп, онда аутизм дегеннің не екені туралы әңгімеленді. Актерлер осы мәселе бойынша әртүрлі жағдайларды ойын пішіміндегі пантомималар түрінде көрсетіп, тікелей шығармашылық үдерісі бейнеленді.
Сондай-ақ, көрмеге Алматы және Астана қалаларының «Асыл Мирас» аутизмі бар балаларға арналған орталықтар тәрбиеленушілері де қатысып, өздерінің қағаз бетінде әлемнің оларға қандай болып көрінетіні білдірілді.
Білім және ғылым министрлігінің мәліметтеріне сүйенсек, қазіргі уақытта Қазақстанда жасы 18-ге дейінгі «аутизм» диагнозы бар 1956 бала тұрады екен. Бір жыл бұрын олардың саны 1456 құраған болатын. Шын мәнінде мұндай балалардың саны бұдан да көп, себебі, аутистикалық спектрдің бұзылуы бар балалардың барлығына бірдей дұрыс диагноз қойыла бермейді.
Гүлзейнеп СӘДІРҚЫЗЫ,
«Егемен Қазақстан»
2015 жылдан бері «Асыл Мирас» қоры аутизмі бар балаларды қолдауға арналған «Аутизм. Әлем барша үшін біреу» бағдарламасын жүзеге асырып келеді, бағдарлама «Ашық Әлем» қоғамдық қорымен серіктестікте жүзеге асырылуда. Басты мақсат – аутизмі бар балалар мен олардың отбасыларының өмір сүру сапасын ерте бастан диагностикалау, оңалту, инклюзивті білім беру және әлеуметтік ықпалдастыру арқылы арттыру. Бағдарламаны жүзеге асыру шеңберінде Қор өзінің мақсаттарының бірі ретінде осы мәселе бойынша шынайы ақпаратты кеңінен таратуды белгілеген.
– Қордың міндеттерінің бірі – қоғамды аутизм жайлы және осындай диагнозы бар балалар жайлы хабардар ету. Жұртшылыққа аутизмнің қасірет емес екендігін, мұндай жағдайда аутизммен өмір сүруді үйренуге болатынын, ал елемеудің өзі нағыз қасірет болып табылатынын түсіндіру қажет. Біз қоғамның аутизмі бар адамдарға қатысты пікірін өзгертуге, оларға деген толеранттық көзқарасты қалыптастыруға көмектескіміз келеді. Олар үшін айналасындағы әлем – бұл адамдардан, жерлер мен оқиғалардан құралған аласапыран дүние. Біз аутизмі бар адамдардың әлемді қалай көретінін түсініп және қоғамға осы бір жұмбақ әлемді балалар шығармашылығы арқылы көрсеткіміз келеді», – дейді «Асыл Мирас» қайырымдылық қорының директоры Марат Айтмағамбетов.
Көрме «Балалар әлемді бейнелейді» қоғамдық қорының қатысуымен ұйымдастырылды, қордың мақсаты – дарынды балаларды қолдау, жастардың шығармашылық әлеуетін жүзеге асыруға көмектесу және ықпал ету, жас қазақстандықтардың шығармашылық және инновациялық қызметін қолдау, өнердегі жетістіктерді, материалдық емес және материалдық мәдени мұраны танымал ету және т.б.
Көрменің қорытындысы бойынша жас таланттардың ең үздік еңбектері таңдалып, әрбір конкурсант қатысу сертификатына ие болды, ал Гран-при сыйлығының иегері мен 1, 2, 3 орынды иеленген финалистерді жобаның ұйымдастырушылары естелік сыйлықтармен және дипломдармен марапаттады.
Алматы