Жаңғыру Жолдауы

Қазақстан Республикасының Президенті Н.Ә. Назарбаев 2017 жылдың 31 қаңтарында халыққа арнаған өзінің кезекті Жолдауын елі­міздің жаһандық бәсекеге қабі­леттілігі мәселесіне арнады. Елбасы Қазақстанның жаң­­ғы­руын үш кезеңге бөліп қарас­­тыра отырып, осы Жолдау арқы­лы Қазақстанды үшінші жаң­ғыр­туға міндет қойды. Елба­сы­мыз ел тарихына көз жүгірте келе бірінші жаңғы­рудың Қазақ­станның дербес мемлекет болып құрыл­ған кезеңіне, екінші жаң­ғыру­дың «Қазақстан-2030» стра­­тегия­сының қабылдануы мен елор­дамыз Астананың салынуы­на орайлас келгеніне назар ау­дарды. Бүгінгі күнде осы әре­кеттердің нәтижелі ең­се­­ріл­геніне және еліміздің эко­но­микалық тұрғыдан едәуір дамы­ған­дығына бәріміз куә болып отырмыз. Мемлекет басшысы елі­міз­дің дамуында жинақталған осын­дай мол тәжірибелерден кейін үшінші жаңғыруға аяқ басу­ды міндеттей отырып, бұл жолғы жаңғырудың жарқын бо­ла­шаққа бастайтынын және бес институттық реформаны жү­зеге асыруға бағытталған «100 нақты қадам» Ұлт жоспары арқылы жүзеге аса­тынын мәлімдеді. Биылғы Жолдауда басқа да өзекті мәселелермен қатар ді­ни саласында орын алып отыр­ған мәселеге де үлкен көңіл бөлінді. Қазіргі күнде діни экс­тре­мизм мәселесі – әлемдік дең­гей­дегі ең өзекті мәселелердің бірі. Қазіргі әлемдегі жаһандану үде­рі­сіндегі толассыз ақпараттардың қол­жетімділігі жастардың бойын­да сол ақпараттарды електен өткізе білуді және теріс пи­ғыл­ды идеологияларға қарсы тұра алатын иммунитетті қалып­­тас­тыруды қажет етеді. Өйт­­кені, жат пиғылды ағым­дар­дың ықпа­лына түскен адам­дар­дың мұн­дай әрекеттерге баруы­ның басты себебі, олардың дін са­ла­сын­дағы мәселелер бойынша сауат­тылығының төмендігінен туындап отыр. Қазіргі таңда интернеттің қол­жетімділігін жат пиғылды діни ағымдар мен ұйымдар өз идея­­ларын таратуға және қатар­ларын көбейтуге кеңінен пайдалануда. Міне, биылғы Жолдауда діни экстремизмнің алдын алу жә­не ғаламтор мен әлеуметтік желі­лерде олардың жолына нақ­ты тосқауыл қою мәселесі осы жағ­дайларды терең ой еле­гі­нен өткі­зуден туындағаны сөзсіз. Биылғы Жолдаудың ерекше айта кететін тағы бір тұсы – ол өскелең ұрпақты руха­ни-адам­гершілік рухында тәр­биелеудің аса маңызды екендігінің айтылуында. Біз бүкіл қоғам болып жаста­ры­мыздың сауатын арттыруға, ұрпағымызды адамгершілік рухында тәрбиелеуге, ұлттық салт-дәстүрімізді бойларына сіңіруге және оларды елі мен жеріне жан­ашыр азамат етіп тәрбиелеуге баса мән беруіміз тиіс. Біздің жас ұрпағымызды жоғары адамгершілік рухта тәр­бие­леуде отбасылық құн­ды­­лық­тардың алатын орнын анық­тап, ата-аналар­дың жау­апкер­шілігін көтеруі­міз ке­рек-ақ. Осы ретте, Ел­басы Жол­дауын­да айтылған міндеттерді іске асыруға бағыт­талған кешен­ді жұмыстар дін саласын рет­тейтін заңнамаларға өзгерістер мен толық­тырулар енгі­зуді де күн тәртібіне қояры анық. Сол жағ­дайда жасөспірімдердің ата-ана мен үлкендердің бақылауын­сыз діни іс-шаралар мен рә­сім­дерге қатысуын заң арқылы ай­қындау керек деп ойлаймын. Жалпы, еліміздің қар­қын­­ды дамуына және алдың­ғы қа­­тардағы озық елдер­дің қата­рына енуіне бағыт­талған Ел­басы Жолдаулары мем­ле­кеті­міздің сая­си, экономикалық, әлеу­меттік, мәдени және рухани тұр­ғыдан дамып-өркендеуіне бағыт сілтейтін маңызды құжаттар болып табылады. Қазақстан азаматтарын қоға­мымызда нық орнық­қан этнос­аралық келісім мен кон­фес­сияаралық ауызбіршілікті сақ­тай отырып, Елбасы Жол­дау­ын­да айтылған бағыттардың пәр­менді жүзеге асырылуы­на ба­рынша үлес қосуға шақы­рамын. Ғарифолла ЕСІМ, ҰҒА академигі