Оқиға • 15 Наурыз, 2021
Сауран қалашығы абаттандырылады
Ортағасырлық Сауран қалашығын абаттандыру жайлы Мәдениет және спорт министрлігінің Мәдениет және өнер істері департаментінің директоры Күміс Сейітованың төрағалығымен кезекті ғылыми-әдістемелік кеңес отырысы өтті.
Руханият • 05 Наурыз, 2021
Өткен ғасырдың басында қазақ даласында мемлекетшілдік ұраны оянды. Осы баянды істің басында қазақ зиялылары тұрды. 1917 жылғы ақпан төңкерісінен кейін олар кейбір нормалық қағидаттардың толымсыздығына қарамай жеке мемлекет құрудың, автономиялы республика орнатудың қажеттігін түсінді. Осы жолда қандай қиындыққа тап болса да қажымай еңбек етті. Мұндай мүмкіндік ғасырда бір туатынын бағамдай алды. Сөйтіп, бұлар қазақ халқының аузын аққа жеткізіп, басына бұғауланған бодандық ноқтасын сыпырып тастау өздеріне берілген міндет деп ұғынды. Осы топтың басында Әлихан Бөкейхан тұрды һәм Әлекең бұл істі өзінің өмірлік мұраты деп білді.
Руханият • 04 Наурыз, 2021
«Құрманжан датқа» қандай фильм?
Мемлекет басшысы Қасым-Жомарт Тоқаев өткен қаңтар айының 5-і күні «Egemen Qazaqstan» газетінде жарияланған «Тәуелсіздік бәрінен қымбат» атты мақаласында: «Мен құзырлы органдар мен отандық телеарналарға мемлекеттік тапсырыстың белгілі бір бөлігін міндетті түрде тарихи тақырыптарға бағыттауды тапсырамын. Әрине қаржы мәселесі шешілуі керек. Дегенмен, көп қаражат жұмсамай да жоғары деңгейдегі өнер туындысын түсіруге болатынын қырғыз бауырларымыз «Құрманжан датқа» фильмі арқылы анық көрсетті» деген болатын.
Руханият • 03 Наурыз, 2021
Қоғамдық пәлсапалық һәм танымдық тұрғыдан қарағанда «адам» ұғымы аса күрделі. ХІ ғасырда өмір сүрген түрік ғұламасы Мәулана Руми: «Адамның болмысы – ішінде әртүрлі аңдар мекендейтін орманға ұқсас. Біздің бойымызда таза-лас, жаман-жақсы, имани-хайуани сияқты мыңдаған қасиет бар. Егер ішкі жан шаһарыңда қасқыр үстемдік ете бастаса, адамның қасқырға айналғаны. Жақсылықтар мен жамандықтар да жасырын жолдармен жүрекке құйылып тұрады. Сәт сайын адамның жүрегінде бір нәрсе бас көтереді. Сол себепті адам кейде періште, кейде шайтани сипатқа айналып отырады» деген екен.
Руханият • 02 Наурыз, 2021
Ясауидің шежіресі мен мөрі табылды
Мәдениет және спорт министрлігі, «Әзірет Сұлтан» мемлекеттік тарихи-мәдени қорық-музейі ұйымдастырған «Ясауи ізімен» атты ғылыми-экспедиция мүшелері Өзбекстан Республикасы Наманган қаласынан Қожа Ахмет Ясауи бабамызға қатысты шежіре мен ислам әлеміне әйгілі 11 шайықтың есімі жазылған мөр тапты.
Қазақстан • 23 Ақпан, 2021
Ақтоқты сұлудың тігін машинасы
Жуықта Көкшетау қаласына жолымыз түсті. Облыстық мәдениет басқармасына қарасты Әдебиет және өнер музейіне ат басын бұрдық. Мекеменің ғылыми қызметкері, Бақытбек Бекмұратұлының айтуына қарағанда, музей қорында 10 мыңға тарта жәдігер бар екен. Дені – ұлттық әдебиет пен өнерге қатысты көне қолжазбалар мен кітаптар. Осылардың ішінде біздің назарымызды аударған дүние – атақты Ақтоқты сұлудың тігін машинасы.
Руханият • 23 Ақпан, 2021
Мәдениет және спорт министрлігі мен «Әзірет Сұлтан» мемлекеттік тарихи-мәдени қорық-музейінің ұйымдастыруымен «Тәуелсіздік және Түркістан тағылымы» тақырыбында республикалық ғылыми-тәжірибелік конференция өтті. Мәртебелі жиынға Жамбыл Артықбаев, Берекет Кәрібаев, Хазіретәлі Тұрсын сынды маман тарихшылар, елбасытанушы Сейдулла Садықов, теолог ғалым Досай Кенжетай және басқа зиялылар, музей қызметкерлері мен студенттер қатысты.
Аймақтар • 22 Ақпан, 2021
«Әзірет Сұлтан» мемлекеттік тарихи-мәдени қорық-музейінің баспасөз қызметі жолдаған мәліметіне сүйенсек, көп кешікпей Түркістан қаласындағы Жүсіп ата кесенесі аумағына демеушілер есебінен Сапар орталығы салынбақ екен.
Руханият • 16 Ақпан, 2021
Биыл қазақтан шыққан тұңғыш кәсіби спортшы Қажымұқан Мұңайтпасұлының туғанына – 150 жыл. Аталған мерейтойлық датаға байланысты жуықта Мәдениет және спорт министрлігі жыл бойы атқарылатын іс-шаралар жоспарын бекітті. Осы орайда, Баянауыл өңірінде өмір сүрген Қажекеңнің досы жайлы газет оқырмандарын хабардар етсек дейміз. Бұл фото біздің қолымызға ертеректе түскен еді...
Таным • 12 Ақпан, 2021
Генерал (Шәкір Жексенбаевтың туғанына – 120 жыл)
Академик-тарихшы Манаш Қозыбаев «Егемен Қазақстан» газетінің 1993 жылғы 8 мамыр күнгі санында: «1941-1945 соғыс жылдары республикадан 1 196 164 адам қару асынып майданға аттанса, еңбек армиясына 700 мың адам жіберілді, 96 638 қазақ жауынгері майдан даласында ерлігі үшін орден-медальдармен наградталды, 497 жерлесіміз Кеңес Одағының Батыры атанса, олардың 97-сі қазақ халқының өкілі болды» деп жазса, Екінші дүниежүзілік соғыс тарихын зерттеген белгілі ағылшын жазушысы әрі публицист Александр Верт «Ресей 1939-1945 жылдардағы соғыста» атты көлемді кітабында: «Қызыл Армияның ең ержүрек жауынгерлері Қазақстан мен Орталық Азия халықтарының өкілдерінен шықты, оның ішінде қазақтар ерлігі ерекше көзге түсті» деген деректі айтады.
