Өнер • 02 Ақпан, 2022
Құдай берген өнердің төркінін, тегін сұрап қайтеміз. Оның үстіне өнер ұлт таңдамайды. Градский қайтқанда, оның «Как молоды мы были» деп ән айтып тұрған бейнесі қарашығымызға қоныстанып алды. «Ресей дауысы» ұлттық байқауын тамашалап отырып, оның талғамына, музыканы түсінуіне, нотаны дөп тануына, жалпы ішкі әлеміне қайран қалушы едік. Ажалына да дәл солай таңғалдық. Айқайлағанның бәріне бұрала бермейтін ақсүйек әнші эстраданың шыңы еді. Қош, маэстро!
Өнер • 01 Ақпан, 2022
Көкіректе арман көп, қайсыбірін айтып тауысасыз. Әуелден белгілі әке біткен перзентінен жақсылық күтіп, дүниеге сәби көзімен қарайтын әдеті. Бұл – шынында даналыққа бастайтын дәстүр. Мәселен, ұлы сақ патшайымының есімі қазақ үшін ерліктің һәм парасаттың аккумуляторы секілді. Ата-ананың жаны езілгенде содан қуат алады.
Өнер • 31 Қаңтар, 2022
«Өмірде алыс, Өлеңде жақын жанбыз» деп тебірене жырлаған ақын Қалқаман Сариннің өлеңінен туған картина секілді көрінеді көзге. Біз алғаш тамашалағанда қаламгердің сол жырын іштей қайталадық. Кенеп бетіндегі арудың жүзінен төгілген мейірім өзіне қарай тартады да тұрады. Бір сағыныштың шыр көбелек айналып жүргені анық.
Қазақстан • 31 Қаңтар, 2022
Архив саласына атүсті қарауға болмайды. Себебі рухани жаңғырудың бастауы сол жерден таған тартады. Сондықтан тарихи деректерді барынша мұқият сақтап, қолды болуына жол бермеуіміз қажет. Бұл ретте «Цифрлы Қазақстан» бағдарламасының маңызы зор. Бүгінде елдегі архив мекемелері заманға сай RFID жүйесін іске қосып, құнды құжаттарды қадағалап отыр.
Әдебиет • 30 Қаңтар, 2022
Қазақ бейнелеу өнері қалыпқа сыймайды. Даланың тілін меңгерген данагөй жұрттың рухани кеңістігіне дүрбі салсаңыз тағдыр түсінің сан тараулы екенін ұғасыз. Сол таңбалы түстер кенеп бетіне бірде шашырай, бірде қатарлай түскенде палитрадағы көріністер көркем ойдың көшін бастайды. Дәл анау картинадағы алуан-алуан арманынан гүлдесте тоқып алған арудай…
Өнер • 27 Қаңтар, 2022
Адам нені ойласа соған тәуелді. Өз қиялыңыздан қашуға тырыспаңыз, қайта оны қуалағаннан артық рақат жоқ. Сонда ғана өмірден ләззат аласыз. Тура суретші Гарнт Вуд секілді. Оның қай картинасын алып қарасаңыз да әртүрлі тұжырымның шырмауына ораларыңыз анық. Бәлкім, біз көремегенді, сіз байқап қаларсыз. Көз салыңызшы?!
Өнер • 27 Қаңтар, 2022
Сән әлемінің серісі Джорджио Арманидың бір әдемі сөзі бар. «Сәнді киіну – ерекшелену емес, есте қалу» деген. Осы «есте қалуды» әркім әртүрлі түсінеді. Мәселен, кейбір ұлы тұлғаларды киім киісінен, яки стилінен-ақ танып жатамыз. Олардың біртүрлі қылықтары әлемге әлдеқайда қызықты көрінеді. Мұны тартымдылық пен талғам таразыға салынбайды деп түйсінген жөн шығар. Әсте басқаша ойлауға болмайды.
Өнер • 27 Қаңтар, 2022
Одан бері алып таудың басынан ғасыр аунады. Теңіз қаншама мәрте толқыды, жолдар жаңарды, бірақ адамның санасы бәз-баяғы қалпында. Өзі ойлап тапқан кеселдің құрбаны болған дәуірдің бет-бейнесі қызыл ала қан. Енді жақынынан айырылған адамның көңілін тербетуге өмірдің шамасы жете ме екен...
Кино • 26 Қаңтар, 2022
Еміс-еміс есімде, сұсты жүзінен ызғар есіп тұрғандықтан ба, әйтеуір ескі теледидардың арғы жағынан-ақ өткір жанарымен қарашықта қатталып қалыпты. Біз кітаптан таныған Бейбарыс сұлтан осындай-ақ болған шығар дегенбіз іштей тамсанып. Сонда баламыз ғой, артынан білдік, қазақ кино өнерінде қайталанбас кейіпкерлерді сомдаған сом тұлға Нұрмұхан Жантөрин екен. Әлемге аты мәшһүр түркі баласының образын ата жұртына әкелген өнерпаздың еңбегі ересен. Қанша жыл өтсе де қайыра айтқыңыз келе береді.
Өнер • 25 Қаңтар, 2022
Ғажайып суреткер Жан-Антуан Гудонның ерекшелігі неде екенін білесіз бе? Француз революциясы қайраткерлерінің психологиялық портреттерін жасағанында. Бізді еліктірген де осы мінезі. Өз дәуірінің кескін-келбетін қоладан құйған қолөнер шебері уақытты айналып өтіп, құпияларды талқандады.
