Руханият • 26 Сәуір, 2021
Бір орында байыз тауып отыра алмайтын мына аспанның бұлтын айтам да, осы жылы әдеттегідей емес. Көз жасы таусылғандай. Қарашығы толса да жыламайды. «Өзім шөлдегем жоқ, жүрегім шөлдеді». Жарықтық Есенғали Раушанов көрсе осылай деуші еді-ау. Бірақ... Қара жерде қыңқ етпейді ғой тегі, қара суыққа еті үйренгендей. Бұрынғыдай емес адамдар да бір-біріне салқын. Уақыт асықтырғанымен бүгін-ертең көктем келмейтін шығар. Мүмкін келер, келсе де ақынның мұңлы өлеңі болып қана. Өйткені бұл көктемнің қайғысы ауыр. Одан да біз оны суретшінің сағынышынан іздейікші.
Ең қысқа әңгіме • 23 Сәуір, 2021
Алаш топырағындағы алтын тарих
Жоқ, тарих қателескен жоқ. Қателескен – уақыт өтіне жұтылған адамдар. Адамдар алданды. Алдаған баянсыз болжамдар. Болжамдар мәнге ие болды. Ал біз сол кертартпа мәннің кесірінен жылдар ағысынан кейін қалып қойдық. Өкініштісі, бақандай бір ғасырға. Отыз жылда сол ғасырға ұласқан адамзат қателігін түзей алдық па? Оны Ұлы даланың топырағын жастанған «Алтын адам» айтсын? Біз бұл құнды құпияның жұмбағын шешуге тырысайық. Тағы да айтам, тарих шалыс басқан жоқ, шатасқан – шимай түсініктер...
Руханият • 19 Сәуір, 2021
Білек күшінен бұрын жүрек күші қажет. Онсыз серке қолға ілінбейді, көмбе де көңілден алыс. Көк еті жырылғанша көзсіз батырлыққа бару ойын алаңындағы оғландарға серт. Намыс теңізінде салы суға кетсе жай ғана айыпты санамайды өзін, ертең ел бетіне қарауға батпайды. Сондықтан өмілдірігін үзердей алқынған аттар мен үзеңгісіне шірене отырып қиқуға қиқу қосқан қазақ азаматтарының бұл шабысы бөлек. Бұл – неше мыңжылдықтан бері жалғасқан ұлттық ойын – көкпарды білекті де жүректі жігіттердің тартқан сәтінің көрінісі.
Өнер • 16 Сәуір, 2021
Ешқандай да ескілік емес, жаңа көзқарас жетегіндегі тұжырым. Тұжырымнан туған көркем кескін. Ұлттың тамырынан таған тартып, тектілікке астар болған дала ережесі. Осалсың ба, ойыннан шық. Бұрымдыдан үміттісің бе, барыңды сал. Болмаса, ұяттан өртен де лаула. Бойжеткеннің жел өпкен маңдайынан сен сүйе алмасаң, несіне өзіңді жігітке жатқызасың. Сын мен серт. Мұнда тәртіп басқа, жүйрік көңілің жолда қалса, арманыңның сүрінгені. Қамшының астында қалғың келмесе, кәне, қамшыла атыңды.
Руханият • 02 Сәуір, 2021
Дарқандықтың шыңына шыққан дана халқымыздың ататектен жалғасқан, түптамырдан ажырамаған бір қасиеті болса, ол меймандос мінезі. «Қуыс үйден құр шықпа» деп нақыл қалдырған бабаларымыз хал сұрап келген кісіні қанша асығыс болса да бір тілім нан ауыз тигізбей жібермеген. Бұл төл мәдениетіміздің мәйегі болған тәлімнің ең тәуірі. Бүгін қолымызға сол бір салмақты салтымыздың еншісіндей есті сурет ілігіп отыр. Көңіл төрінен орын алған көркем картина ғұлама ғұрпымызды ұлықтап тұрғандай.
Руханият • 30 Наурыз, 2021
Нұр-Сұлтан қаласының мемлекеттік архивіндегі құнды құжаттарға үңілсеңіз, астанада алғаш рет наурыз мерекесі қашан аталып өткені туралы деректер кездеседі. 1990 жылғы Целиноград қалалық мәдениет бөлімінің есебіне сүйенсек, мұнда ең алғаш Ұлыстың ұлы күні 1989 жылы тойланған екен. Ақсақалдардың ақ батасымен өрілген құтты мерекеге кеңес идеологиясы құлағына сіңіп кеткен жастар жағы бой үйрете алмаса да, үлкендердің ізетті жолымен жүруге тырысқан. Бұған қолдағы құнды құжаттар куәлік етеді.
Руханият • 26 Наурыз, 2021
Адамзаттық өркениеттің алтын бесігіне айналған Ұлы дала иелерінің төл мерекесі – әз-Наурыз! Қарт тарихтың көрікті керуені түркі жұртына жыл айналып тұрақтаған сәтте көктемнің көркем кейпі жан елітіп, мейірім себеді. Мұндай ізгілікке бойын жылытқан қазақ халқының жаңа тынысы ашылып, дәстүрін дәріптейтін әдеті. Баба мирасын көкке көтерген қараорман қарашаны сырттан бақыласаңыз, татулықпен тыныстап, бірлікке тұтқа болып тұрғандай. Оған осы сурет дәлел.
Елорда • 25 Наурыз, 2021
Нұр-Сұлтан қаласының мемлекеттік архивіндегі құнды құжаттарға үңілсеңіз астанада алғаш рет наурыз мерекесі қашан аталып өткені туралы деректер кездеседі. 1990 жылғы Целиноград қалалық мәдениет бөлімінің есебіне сүйенсек, астанада ең алғаш Ұлыстың ұлы күні 1989 жылы тойланған екен. Ақсақалдардың ақ батасымен өрілген құтты мерекеге кеңес идеологиясы құлағына сіңіп кеткен жастар жағы бой үйрете алмаса да, үлкендердің ізетті жолымен жүруге тырысқан. Бұған қолдағы құнды құжаттар куәлік етеді.
Қоғам • 24 Наурыз, 2021
Маң-маң басқан ғасырлардың ізіне түссеңіз мұқым түркі жұртының толағай тұлғасы менмұндалап шығады. Сақи дүниеде салтанат құрған бабаларымыздың бауырға басқан бар ізгілігі сарқырап аққан бұлақтай көңіл дариясына құяды келіп. Уығы аспанға ұмсынған ұлттың көкірек көзіне дәл осы күні ыстық жүректің алқымындағы алғаусыз жас ұйиды. Жаңа жылда бейтаныс бір сезім бойды билеп, көктеме лебі жан ерітеді. Содан ба Ұлыстың ұлы күні балбал тастарға басымызды сүйеп жылардай күй кешетініміз бар. Бұл – толайым тарихтың таңғажайып сыйы, сарқылмас сарқыты.
Қоғам • 20 Наурыз, 2021
Әз-Наурыз, әуен наурыз, әзіз наурыз, қосақта бақытына жанды жалғыз. Көркейтіп дүниенің кеңістігін, толсыншы төрт түлікке өріс бүгін. Дәстүрлі Алашымның дәріптеліп, байырғы бабамызға еліктелік. Солардай бой түзейік тауға қарап, арманын алыптардың арға балап. Солардай ұстанайық салтты мығым, қайталап дәуірлердің даңқты жырын. Солардай ізгілікке шөл қандырып, әлемді ғұмыр бойы таңғалдырып. Күзетіп жайсаң жұртың тыныштығын, шашайық жырдан жақұт, ырыс гүлін. Қош келдің, қоңыр жүзді Ұлыс күні, мендегі мейірімнің нұр ұшқыны. Сенбісің, тарихымның тәбәрігі, жанға егіз жақсылықтың жаңа жыры.
