Экспорт • 01 Желтоқсан, 2023
Өзбекстанға қандай өнімдер экспортталады?
Бір өңірде әрі көршілес орналасқандықтан, Қазақстан мен Өзбекстанның алыс-берісі ешқашан ажыраған емес. Әр елдің өзіне тән экспорттық және импорттық мүддесі бар. Биыл қаңтар-қыркүйек қорытындысы бойынша екі ел арасындағы тауар айналымы 3,3 млрд долларды құрады, бұл былтырғыдан 4 пайызға аз.
Экономика • 30 Қараша, 2023
Транскаспий дәлізінің мүмкіндігі
Орталық Азия және Кавказ арқылы Қытай мен Еуропа нарығын жалғайтын Транскаспий халықаралық көлік дәлізі өңірлік сауда-саттықты күшейтіп, елдер арасындағы байланысты нығайта түспек. Дүниежүзілік банк баяндамасында осылай айтылады. Халықаралық ұйым сарапшыларының пікірінше, маршрут сондай-ақ Қытай мен Еуропа арасындағы контейнерлік сауда бағыттарының орнықтылығы мен әртараптануын да (жеткізу тізбегін геосаяси тәуекелдерден қорғай отыра) қамтамасыз ете алады.
Инфографика • 30 Қараша, 2023
Ішкі жалпы өнім өсе ме, құлдырай ма?
Әртүрлі сарапшылар 2023 жылдың қорытындысы бойынша ішкі жалпы өнім көрсеткішінің шамамен 5 пайызға тақау қалыптасатынын айтып жатыр. AERC 4,6 пайыз десе, Халықаралық валюта қоры 4,8 пайыз болады деген болжам береді. Halyk Finance аналитикалық орталығының мәлімдеуінше, ІЖӨ өсімі жоспар бойынша жылжып келе жатыр.
Экономика • 30 Қараша, 2023
Түркістан облысының өнеркәсіп әлеуеті
«Ең үлкен облыс Түркістанның әлеуметтік-экономикалық ахуалы бүтін республикаға әсер етер күшке ие. Өйткені Оңтүстік облыс географиялық тұрғыда қолайлы орналасқан, ондағы халық тығыздығының деңгейі жоғарғы және кейінгі жылдары қолға алынған іргелі бастамалар біршама. Өңірдегі аса өзекті мәселелердің көшін инфрақұрылым мен әлеуметтік ахуал бастайды. Бәріне бірдей бюджет қаржысын жеткізу оңай емес, бірақ біз әркез ұтымды шешімдер қабылдауға тырысып келеміз», деді облыс әкімі Дархан Сатыбалды орталық коммуникациялар қызметі алаңындағы арнайы брифингте.
Қаржы • 29 Қараша, 2023
2023 жылғы қыркүйектің аяғындағы есеп бойынша отандық екінші деңгейлі банктердің реттеушілік меншік капиталы 6,9 трлн теңгеге жетіпті. Бұл өткен жылғы осы кезеңдегі көрсеткішпен салыстырғанда 21%-ға жоғары. Сарапшылар тап осы критерийдің талапқа сай болғаны өте маңызды, өйткені меншік капиталы банктердің және бүкіл қаржы жүйесінің қаржылық тұрақтылығында маңызды рөл атқарады дейді.
Мәселе • 29 Қараша, 2023
Орталық Азияға ортақ су мәселесі
Орталық Азияда су тапшылығы мәселесінің күрделеніп бара жатқаны жиі айтыла бастады. Ирригациялық инфрақұрылымның пайдалану уақыты 50 жылдан асып кеткен. Суарылатын алқаптардың 50 пайызынан көбі тұзданған. Судың 40 пайызы суаратын каналдарға сіңіп кетеді екен.
Қаржы • 29 Қараша, 2023
Ұлттық қор қаражаты қашанғы жыртығымызды жамайды?
Ұлттық қор – майлы шелпек, қалаған жеріңнен үзіп ала бер. Үкіметтің бұл ұстанымын біраз сарапшы сынға алып жүр. Өзіміз жарытып өндіріс ашпадық. Ашуға да, өркендетуге де аса құлқымыз жоқ екені айра-жайра анық болды қазір. Ең рақаты, маңдайға біткен жалғыз байлық – мұнайдың табысы жиналған мол қазынаның шетінен кертіп алып, азық қыла берген. Бірақ үңги берсең, мұнайдың өзі сарқылар. Біз болсақ мұнайдың ақшасын мұнайдың өзінен бұрын сарқып бітірер түріміз бар.
Салық • 28 Қараша, 2023
Кейінгі бірнеше ай бойы қоғамда қосымша құн салығы (ҚҚС) мөлшерлемесін арттыру жайы қызу талқыланып жатыр. Ұлттық экономика министрлігі қосымша құн салығы мөлшерлемесін қазіргі 12 пайыздан 16 пайызға дейін арттыруды ұсынса, кәсіпкерлер бұған қарсылық білдіреді. Министрліктің мәлімдеуінше, ҚҚС мөлшерлемесін жоғарылату қазынаға түсетін табысты көбейтеді.
Аймақтар • 28 Қараша, 2023
Маңғыстау тың жобаларды жүзеге асырады
Мұнайлы өлке Маңғыстауда балық шаруашылығын дамытудан бастап еліміздің экономикалық жағдайын жақсартуда айрықша маңызға ие «Ақтау» және «Құрық» порттары әлеуетін көтеруге дейінгі аралықта біраз мәселе шешімін тауып жатыр. Әрине, кезегін күтіп, қордаланып тұрған түйткілдер де жоқ емес. Бірақ жалпы көрсеткіш ахуалдың оң райға ие екенін меңзейді. Бұл туралы Маңғыстау облысының әкімі Нұрлан Ноғаев арнайы брифингте мәлімдеді.
Банк • 27 Қараша, 2023
Осы күндері «Отбасы банктің» қайта құрылымдалуына байланысты әңгіме көбейді. Бұл негізі алып-қашпа әңгіме емес, жүйелі шешім еді. Мәжіліс мінберінен мұны Өнеркәсіп және құрылыс министрі Қанат Шарлапаевтың өзі түсіндірді. Яғни аталған банк енді ұлттық даму институты ретінде қызмет көрсетпек.
