Қаржы • 26 Маусым, 2022
Банктер экожүйесінің дамуы көңіл көншіте ме?
Банктер банк қана болудан қалып барады. Егер банк тек банк міндетін атқарса, онда көштен қалғаны. Иә, бір қарағанда қаржы институты – қор нарығы акцияларына қатысу, несие беру, депозит жинау секілді дәстүрлі жұмыстарын атқара алып жүрсе де зор жетістік. Бірақ заман талабы күшеюде және сектордағы бәсекенің жыл санап түрленіп жатқанын байқаймыз. Сондықтан банктер арнайы экожүйе негізінде қаржылық операциялардан бөлек, адам өміріне пайдасы тиер сан алуан сервистерді ұсына алса ғана алға озбақ. Мұны қазір сектордағы кәсіби мамандар да ашық мойындайды.
Экономика • 23 Маусым, 2022
Энергетика министрлігі ресейліктердің кенеттен Қара теңіз табанынан жарылғыш заттар іздеп кетуі Қазақстаннан Каспий құбыр консорциумы арқылы шығатын мұнай көлемін азайтпайды дейді. Біріншіден, бізде Қашаған кен орны уақытша жұмыс істеп тұрған жоқ. Яғни мұнай өндірмейді. Сондықтан КҚК-де жалқы айлақтық құрылғының (негізі КҚК-де 3 айлақтық құрылғы бар) жұмыс істеп тұрғаны да бізге молынан жеткілікті.
Қаржы • 23 Маусым, 2022
Қазақстан Ресей қор нарығы үшін көпір бола ма?
Нұр-Сұлтандағы «Астана» халықаралық қаржы орталығының базасында қор нарығының ресейлік қатысушылары (инвесторлар) үшін жеке биржа құрылуы мүмкін. Бұл туралы ресейлік Frankrg.com хабарлады. Жаңа биржа құрудағы мақсат – олар осы бастама арқылы Ресейге капитал тартқысы келеді және жеке инвесторлардың санкциялар жағдайында және шетелдік инфрақұрылым тарапынан мәмілелер мен төлемдер жүргізуге толық тыйым салынған жағдайында Орталық банкте сауда жасауына мүмкіндік бергілері келеді.
Қаржы • 23 Маусым, 2022
«Бәйтерекке» Сбер не үшін керек?
АҚШ тарапынан қатаң санкцияға ұшырап, корреспонденттік шоттары мен шетелдік банктегі активтері бұғатталып, доллар, еуро және фунт стерлингпен операция жасау мүмкіндігінен айырылған ресейлік еншілес банктердің тағдыры біртіндеп шешіліп келе жатыр. Ең жылдам реттелген процесс – «Банк ЦентрКредит» пен «Альфа-Банк» мәселесі болды.
Экономика • 22 Маусым, 2022
Есепсіз рубльден қалай құтыламыз?
Еліміздің ең басты сауда серіктесі – Ресей. Әлбетте, сатарымыздан сатып аларымыз көп. Яғни сауда қатынасы біз үшін теріс сальдоға ие. Сосын да рубльдің мысы басым. Ол асқақтаса асқақтап, құлдыраса, бірге жер сүземіз.
Қаржы • 21 Маусым, 2022
Несие төлей алмағанда не істеу керек?
Қаржы нарығын реттеу және дамыту агенттігі былтыр мамыр айында бірқатар заңнамалық актілерге өзгерістер мен толықтырулар енгізген еді. Соның ішінде кредиттік ұйымдардың қарыз алушы-жеке тұлғалардың проблемалық берешегін реттеудің бірыңғай құқықтық режімі де бар. Енді мерзімі өткен берешегі бар қарыз алушы жеке тұлғалар өз кредиттерін немесе микрокредиттерін қайта құрылымдау мәселелерін құқықтық өріс шеңберінде азаматтардың өтініштерін қарауға міндеттелген кредиторлармен тікелей шеше алады.
Қазақстан • 21 Маусым, 2022
КТК: Құбыр қожайындарының қулығы ма?
Екі-үш ай бұрын біраз қиындықты еңсеріп, қалыпты жұмысына енді кірісе бастаған Каспий құбыр консорциумы (КҚК) тағы да үзіліс жасауға мәжбүр болып отыр. Ресми дерек бойынша КҚК-дегі 1-ші және 2-ші айлақтық құрылғылардың жұмысы тоқтап қалды. Тиісті тараптың уәжіне қарағанда, енді теңіз табанынан Екінші дүниежүзілік соғыс заманынан қалған жарылғыш заттар табылып жатқан көрінеді. Ресей БАҚ-тары таратқан ақпаратта КҚК-дегі мұнай тиейтін құрылғылар жанындағы акваторияда 50 потенциалды қауіпті нысан анықталғаны айтылады.
Экономика • 20 Маусым, 2022
Газ бағасы қайта қымбаттай ма?
Бір жылдан соң елде газ тапшылығы туындауы мүмкін. Соған байланысты Президент Қасым-Жомарт Тоқаев шұғыл түрде экспортқа кетіп жатқан газдың басын қайырып, ішкі нарыққа бағыттауды тапсырды.
Экономика • 17 Маусым, 2022
Жаһандық экономика құлдырау алдында тұр
Халықаралық Fitch Ratings рейтинг агенттігінің бағалауынша, 2022 жылы жаһан экономикасының өсімі наурызда күтілген 3,5 пайыздан 2,9 пайызға дейін төмендейді. Бәріне кінәлі – инфляция.
Экономика • 17 Маусым, 2022
Жыл басынан бері қазақстандықтар 40 мың жаңа автокөлік сатып алыпты. Қазақстандық АвтоБизнес қауымдастығының мәліметі бойынша, мамыр айында отандық дилерлер 8 295 жеңіл көлік пен коммерциялық техника сатқан. Ал 2022 жылдың бес айында ел тұрғындары 39 987 көлік сатып алған. Оның ішінде жеңіл көлік те, жүк көлігі де, автобус та бар. Бұл тұрғыдағы цифр алдыңғы жылдың көрсеткішімен салыстырғанда 10 пайызға төмен.
