Өнер • 10 Қараша, 2020
Мұстафа Өзтүрікке арналған күй
Композитор Шолпан Қорғанбек қазақтың біртуар перзенті Мұстафа Өзтүрікке арнап күй шығарды. Бұл сазгердің тұлғалар рухына бағыштаған алғашқы туындысы емес. Бұған дейін бірқатар біртуарлар бейнесін күй тілінде кестелеген композитордың атаулы шығармасы тұлғалар циклының жүйелі жалғасы.
Театр • 10 Қараша, 2020
Өткен аптада «Астана Операның» камералық залында ұлы ойшыл, философ, ақын, ағартушы әрі композитор Абай Құнанбайұлының 175 жылдығына орай «Абай әлемі» топтамасынан «Бір жерде бірге жүрсең басың қосып...» концерті өтті. Кеш бағдарламасына Б.Ерзакович, М.Сағатов, Б.Жұманиязов, Н.Меңдіғалиев, Қ.Шілдебаев сынды композиторлардың өңдеуіндегі Абайдың музыкалық-поэзиялық мұрасы енген. Сонымен қатар «Астана Операда» алғаш рет Төлеген Мұхамеджановтың Абай өлеңдеріне шығарған вокалдық циклы орындалды.
Руханият • 06 Қараша, 2020
«Құлақтан кіріп, бойды алар» дейді ұлы Абай ән жайлы. Санаңда сілкініс тудырып, жан дүниеңді әлемтапырық күйге бөлейтін өнердің осы бір ерекше түрінің бар құдіреті тек әуенінде ғана ма? Музыканы жүрекке мың есе әсерлі етіп жеткізуде орындау шеберлігінің де алар орны орасан. Көңіл көзінен өткізіп, жүрек пернесі дөп табылып айтылған ән тыңдаушысының да санасында ұзақ уақыт сақталары сөзсіз. Осы орайда: «Шіркін, айтушы мен болғанда, үнемі ұқтырушым сен болсайшы, Абай!» дейтін ән дүлдүлі Біржан сал тілегінің астары да осы ойымызбен тоқайласса керек.
Театр • 02 Қараша, 2020
Елордадағы әлемдік деңгейдегі жетекші өнер ордаларының бірі – «Астана Опера» театры қараша айына арналған ғаламат бағдарламаларын ұсынып үлгерді. Күздің соңғы айында күн суып, қыстан хабар әкелгенімен, көңілді жылытатын тамаша музыка кештері әуенсүйер талғампаз көрерменін қуанышқа кенелтері сөзсіз.
Кино • 29 Қазан, 2020
«Жаңа толқын» режиссерлерінің ішінде Әділхан Ержанов есімі ерекше аталады. Әсіресе француз кино мамандары мен көрермендерінің сүйікті суреткеріне айналған қазақтың қара баласы әлемнің небір үздік фестивальдарына жолдама алып, ұлттық кино өнеріміздің байрағын әманда тек биікте желбіретіп келеді. Осыдан біраз бұрын Әділханның «Қап-қара адамы» Францияда жалпыұлттық прокатқа шықты деп қуансақ, енді міне, араға аз ғана уақыт салып «Ұлболсын» туындысының тұсауы Таллинде кесіледі!» деген жағымды жаңалықпен киносүйер қауымнан тағы да сүйінші сұрамақпыз.
Өнер • 29 Қазан, 2020
«Құштарлық» билеген «Түйсік» және Дэвидтің дебюті
Ұзақ үзілістен кейін «Астана Балеттегі» әдемі әлем көрерменіне есігін қайтадан айқара ашпақ. Сегізінші театр маусымын мерекелеуге қызу дайындықты бастап кеткен өнер ұжымы алдағы аптада үш бірдей қойылымның тұсауын кеседі. Карантин тәртібіне бағына отырып, жай-жайлап жанданып келе жатқан театр жұмысы бекзат өнер жанкүйерлерін шын қуантты. Онлайн тәртіпте билет алуға асыққан көрерменнің қарасы да сұлу өнерді сағынған қауымның сағынышын әйгілеп тұрғандай.
Өнер • 29 Қазан, 2020
«Абай» операсының кейіпкерлеріне арналады
Қараша айында «Астана Опера» театрында ұлы ағартушы, ойшыл, философ, ақын әрі композитор Абай Құнанбайұлының 175 жылдығына арналған «Абай» операсының кейіпкерлері» атты көрме ашылады. Экспозицияда «Оскар» сыйлығының иегері Франко Скуарчапиноның ұлттық классиканың жауһары – М.Әуезовтің либреттосына жазылған А.Жұбанов пен Л.Хамидидің «Абай» операсына арнап дайындаған костюмдері қойылады.
Театр • 28 Қазан, 2020
Әлемді жайлаған індет өнер ошақтарының қалыпты жұмыс тәртібін біраз тежеді. Соның салдарынан да күз түссе есігін айқара ашып, ду-ду думанға бөленіп, шығармашылық ізденістері қызу талқыға түсіп жататын театрлар биыл жаңа маусым жұмысын әдеттегіден кешігіп бастады. Карантин тәртібін қатаң сақтап, санаулы ғана көрерменге төр ұсынса да, өздерінің шығармашылық бабын жоғалтпаған өнер ұжымдары қашан да өз биігінде. Елордалық Жастар театрының бас шаһар көрермендеріне тарту еткен маусымашар қойылымы – Ғ.Мүсірепов пен Е.Брусиловскийдің шығармашылық тандемінен туған «Жібек» мюзиклі режиссер Нұрқанат Жақыпбайдың сахналауында өнерді сағынып келген көрерменге тамаша сый болғаны анық.
Сұхбат • 27 Қазан, 2020
Дина Байтасова: Заманауи өнер – өміріміздің бейнелі көрінісі
Заманауи сурет өнерінде айшықты қолтаңба, биік талғамымен дараланып, көп ішінен өз сүрлеуін таба алған суретшілер сирек. Өйткені замана жалына жармасып, зымыран жылдамдықпен жедел дамып отырар өнердің бұл саласы шабан шеберді жанына маңайлатпайды да. Сондықтан да шығар, заманауи сурет өнеріне әркімнің таласы болғанымен, топ жарар тарланы некен-саяқ. Тас тесер таланты, айрықша көзқарас һәм биік талғамымен елімізді ғана емес, кәрі құрлықты мойындатып үлгерген суретші Дина Байтасованың өнердегі жетістігі соны әйгілесе керек. Қолтаңбасы ерек қылқалам шеберінің әр бастамасы – жаңалықтың жаршысы.
Өнер • 26 Қазан, 2020
Суретші десе, сіңірі шыққан кедей кейіп көз алдымыздан көлбеңдейтін сонау ежелден келе жатқан қасаң түсінік күні бүгінге дейін өзгерген жоқ. Әсіресе ренессанс дәуірінің әйгілі қылқалам шеберлері Леонардо да Винчи, Буонарроти Микеланджело, Рафаэль Сантилердің өнерінен тыс, жеке өмірлерін, тұрмыс тыныстарын ауызға алсақ-ақ, көкірегімізге аяныш сезімінің орнай қалатыны да сол қалыптасқан жалпылама ұғымның ұшқындарынан болса керек. Ал сіз қайта өрлеу дәуірінің сақа суретшісі майталман Микеланджелоның миллионер болғанын білесіз бе?
