Аймақтар • 07 Сәуір, 2022
Жылыжайын жайылған су жайпап кетті
Шығыста күн күрт жылып, бірқатар ауланы қар суы басып үлгерді. Бір жағынан қарғын су қауіп төндірсе, екінші жағынан тау арасындағы жолдарға көшкін түсіп жатыр. Дайындық жұмыстары жүргізілмеді емес, ақпан туа Төтенше жағдайлар департаменті дабыл қаға әзірлікке кіріскен. Қазіргі уақытта құзырлы органдар күшейтілген режімде жұмыс істеп жатыр.
Аймақтар • 05 Сәуір, 2022
Тергеу тобы әділдік танытса екен
Айдың күннің аманында ұлынан айырылып қалған әкенің тілегі бұл. Өткен айда «Egemen Qazaqstan» газетінің редакциясына Үржар ауданына қарасты Ақшоқы ауылының тұрғыны Бекен Нұрқанов баласының өліміне байланысты тергеу әділ жүрсе деген мақсатпен хат жолдапты. Баласы Нұрым Нұрқановты 20 қаңтар күні Бақты ауылына кіреберісте атып кеткен екен. Оқиға түсінікті болуы үшін әділдік іздеген әкенің хатын ықшамдап, оқырманға ұсынайық.
Қоғам • 04 Сәуір, 2022
Бұрындары кітапханаға кітап алуға немесе реферат, курстық жұмыстар жазу үшін барар едік. Кейінгі жылдары кітапханалардың бағыты өзгерген. Жастарға, балаларға қажетті үйірмелер, түрлі шара кітапханалардың шаңырағында өтеді. Әсіресе жас ұрпақтың заманауи технологияны меңгеруіне барынша басымдық берілген. Мысалы, Өскемендегі Оралхан Бөкей атындағы кітапханада оннан астам үйірме жұмыс істейді екен.
Аймақтар • 04 Сәуір, 2022
Степное мен Ушаново ауылдары Өскеменнің іргесінде жатқанымен, өркениет көшінен қалыс қалған. Глубокое ауданына қарасты бұл ауылдарда шешімі табылмай келе жатқан мәселелер аз емес. Ең негізгі проблемалары – ауыз су. Кәдімгі қара суға жарымай отырған тұрғындардың қақпаған есіктері, хат жолдамаған мекемелері қалмаған. Соның өзінде мәселе уәде күйінде қалып келеді.
Аймақтар • 01 Сәуір, 2022
Елім-жерім деп елжіреп тұратын халықпыз ғой. Осы жолы Президент Қасым-Жомарт Тоқаев Абай облысы құрылып, орталығы Семей қаласы болатынын айтқанда, Тарбағатай, Катонқарағай, Марқакөл, Үржар, Самар өңірінің тұрғындары бөркін аспанға атты. Мемлекет басшысының бұл шешімі 1997-жылдары көршілес аудандармен бірігіп кеткен елді мекендерге де оң әсерін тигізер деп үміттенді.
Қоғам • 29 Наурыз, 2022
«Скандинавиялық серуен» – сергектік кепілі
Маужыраған Алтайдың ауылы. Мал жайғап, от жағар уақытта жоғарғы жақтан «скандинавиялық серуенге» шығатындарды байқап жүрміз. Қала болса бірсәрі, ауылдық жердің күйкі тірлігі күйіп тұрған уақытта таяқ сүйреп серуендегені несі деп сөккің келеді. Таяқпен серуендеудің пайдасын ұқпаған соң шығар... Сөйтсек, «скандинавиялық серуенде» дене бұлшық етінің 90 пайызы қимылдап, қан айналымы дұрысталады екен.
Аймақтар • 28 Наурыз, 2022
Өскеменде өрмекшілер көрмесі өтті. Әдетте буынаяқтылардың қимыл-қозғалысына мән бере бермейді екенбіз, сөйтсек әр қозғалысынан әлденені аңғаруға болады екен. Оны көрермендерге араханология, яғни өрмекшілерді зерттейтін маман көрсетіп, айтып берді.
Өнер • 23 Наурыз, 2022
Көзге елеусіздеу тұрған «Музей үйді» баяғыдан байқап жүргенмін. Ауласының есігі шалқасынан ашық жатса да, осыған дейін табалдырығына табаным тиіп көрмепті. Менің ғана емес, сол музейді көрдік деп ауыздарының суы құрып әңгіме айтқан жан баласын да білмейді екенмін...
Аймақтар • 23 Наурыз, 2022
Иә, «Семей облыс болмай, көсегесі көгермейді» деп жүрген ел. Несін жасырамыз, шындық солай еді. Бірақ халықтың дәл осы үніне, дәл осы мұңына Президент жуық арада құлақ асып, шешім шығарады деп әсте ешкім ойламаған. Ойламауы заңды да еді.
Аймақтар • 21 Наурыз, 2022
Әз-Наурыз қарсаңында журналистер марапатталды
Ұлыстың ұлы күні – Наурыз мерекесі қарсаңында жыл көлемінде еңбегімен көзге түскен БАҚ өкілдері ҚР Журналистер Одағының Шығыс Қазақстан облыстық филиалы атынан марапатқа ие болды, деп хабарлайды Egemen.kz.
